Սվանեթ / Արշավ Վրաստանում

Սվանեթ / Արշավ Վրաստանում

Սվանեթի արշավը մեր ամենագեղեցիկ և հագեցած արշավային ուղղություններից է: Այն սկսել ենք կազմակերպել 2013-ից: Ամեն տարի ավելի կատարելագործել ենք ծրագիրը և այս տարի առաջարկում ենք միանալ 2018 թ-ի ճանապարհորդությանը,որը տեղի կունենա օգոստոսի 21-ից 26-ը:

Ճանարհորդության երթուղին ընտրված է առողջ, միջին ֆիզիկական տվյալներ ունեցող անձանց համար: Այն կհետաքրքրի ինչպես փարձառու արշավականներին այնպես էլ սկսնակներին: Մասնակցության համար հատուկ պատրաստվածություն պետք չի: Արշավների ժամանակ մեզ հետ վերցնելու ենք միայն փոքր ուսապարկեր՝ այդ օրվա անհրաժեշտ պարագաներով: Գիշերակացը լինելու է հարմարավետ ու մաքուր հյուրատներում:

Եթե հետաքրքրեց ուրեմն ծանոթացեք մանրամասներին:

Սվանեթ / Վրաստան

Սվանեթ / Վրաստան

Սվանեթը Վրաստանի հյուսիս-արևմտյան պատմական շրջանն է: Տարածվում է Ինգուրի գետի բարձրալեռնային հովտի վերին հոսանքում: Վերին Սվանեթը, որն ընդգրկված է ՅՈՒՆԵՍԿՕ-ի համաշխարհային ժառանգության ցանկում հայտնի է իր ճարտարապետական գանձերով (մասնավորապես 9-12-րդ դարում կառուցված աշտարակ-ամրոցներով, որոնք մինչ օրս բնակելի են) և աննկարագրելի բնության հրաշքներով (սարեր, ձորեր, ջրվեժներ, սառցադաշտեր, լեռնանցքներ և այլն):

սվանեթ

Ուղևորության տևողությունը` 6 օր, 5 գիշեր

Օր 1: Աշտարակների քաղաք

Վաղ առավոտյան Երևանից մեկնում ենք Վերին Սվանեթի կենտրոն` Մեստիա: Մեստիա կհասնենք ուշ երեկոյան: Ժամանակի առկայության դեպքում կզբոսնենք Մեստիայով, կծանոթանանք այդ ինքնատիպ աշտարակներով քաղաքին և կհամտեսենք սվանական ուտեստները: Ի դեպ աշտարակ-ամրոցները երեկոյան շատ գեղեցիկ լուսավորված են լինում:

Մեստիա

Մեստիա

Օր 2: Ճալաադի սառցադաշտ

Առավոտյան կայցելենք սվանների պատմության և ազգագրության թանգարան, կծանոթանանք տեղական կենցաղին և կիմանանք ինչ նպատակով են կառուցվել աշտարակները: Այնուհետև կիրականացնենք արշավ դեպի Ճալաադի սառցադաշտ:

Ճալաադիի սառցադաշտ

Ճալաադիի սառցադաշտ

Օր 3: Սվանեթը թռչնի թռիչքի բարձրությունից

Առավոտյան այցելում ենք աշխարհահռչակ լեռնագնաց Միխաիլ Խերգիանիի տուն-թանգարան, որտեղ կծանոթանանք խորհրդային լեռնագնացության մի հատվածին` Խերգիանիի կենսագրությանը, կտեսնենք ինչ պայմաններում են ապրել սվանները և ինչ նպատակով են կառուցել այդ բնակելի ամրոց-աշտարակները:

Ի դեպ Խերգիանիի տուն-թանգարանում մենք արդեն ստեղծել ենք մի անկյուն, որտեղ ներկայացված են սովետական ժամանակաշրջանի հայկական լեռնագնացության մի քանի նմուշ:

Մեր առաջին պաշտոնական այցը

Մեր առաջին պաշտոնական այցը

Այնուհետև կիրականացնենք արշավ դեպի Մեստիայի հանրահայտ «Խաչ»-ը, որը գտնվում է բարձր տեղանքում և այնտեղից բացվում են անկրկնելի տեսարաններ դեպի Կովկասյան լեռների տարբեր ճյուղավորումները, իսկ ներքևում երևում են Սվանեթի գյուղերը:

Սվանեթը թռչնի թռիչքի բարձրությունից

Սվանեթը թռչնի թռիչքի բարձրությունից

Օր 4: Ուշգուլի

Առավոտյան ամենագնաց մեքենաներով ուղևորվում ենք դեպի Սվանեթի ամենաբարձր բնակավայրը՝ Ուշգուլի: Այստեղից կիրականացնենք արշավ դեպի Շխարայի սառցադաշտ: Շխարան Վրաստանի ամենաբարձր լեռն է:

Ուշգուլի

Ուշգուլի

Օր 5: Շդուգրա ջրվեժ և Ուշբայի սառցադաշտ

Առավոտյան մեկնում ենք Բեչո: Այստեղ մի փոքրիկ գյուղից սկսում ենք մեր արշավը դեպի Շդուգրա ջրվեժ, որը գահավիժում է մոտ 150 մ բարձրությունից: Այն գտնվում է Ուշբա լեռան հյուսիս-արևմտյան լանջերին, որը սահմանակցում է Ռուսաստանի Դաշնության Կաբարդինո-Բալկարիայի հանրապետության հետ:

Ջրվեժի գեղեցկությամբ կհիանանք հեռվից:

Շդուգրա ջրվեժը

Շդուգրա ջրվեժը

Ջրվեժը տեսնելուց հետո կշարունակենք մեր արշավը մինչև Ուշբայի սառցադաշտ: Այստեղ բացի սառցադաշտ տեսնելուց կտեսնենք նաև Կովկասյան լեռների ամենահայտնի լեռներից մեկը՝ Ուշբան այլ անկյան տակ:

Ուշբա լեռան լանջին

Ուշբա լեռան լանջին

Օր 6: Վերադարձ

Առավոտյան նախաճաշից հետո ուղևորվում ենք դեպի Երևան: Վերադարձի ճանապարհին կլինեն կանգառներ Զուգդիդիում, Բորժոմիում և Ախալքալաքում:

Արժեքը` 255 $ /համարժեք դրամ/ 

Գինը հաշվարկված է 11-15 մասնակցի համար

5-7 մասնակցի դեպքում արժեքը կկազմի 290 $ /համարժեք դրամ/

Արժեքի մեջ ներառված է՝

Տրանսպորտ

Ուղեկցորդի ծառայություններ

Գիշերակացը հյուրատներում (Թբիլիսի, Մեստիա)

Ուշադրություն

Ճանապարհորդության արժեքի մեջ միայն սնունդը ներառված չէ: Հյուրատանը կարող ենք օգտվել խոհանոցից և պատրաստել մեր ուզածը (բնակավայրերում կան և խանութներ և արագ սնման կետեր մատչելի գներով, այնպես որ սննդի հարցը հեշտ լուծելի է)

Մանրամասների և գրանցվելու համար զանգահարեք` 043 00 51 65 կամ գրեք մեր ֆեյսբուքյան էջին 

Սվանեթի մասին ընդհանուր պատկերացում կազմելու համար ստորև դիտեք մեր նախորդ արշավների լուսանկարները

Մեկնաբանություններ