Անապուրնայի բազային ճամբար / 13 օր

Մենք կրկին վերադառնում ենք Հիմալայներ։
Դեպի Էվերեստի բազային ճամբար ճամփորդությունից հետո հասկացանք, որ թողել ենք մեր սիրտը Հիմալայներում և անպայման պետք է վերադառնանք։
Եվ այդպիսով որոշում կայացվեց 2024 թվականի հոկտեմբերի 12-24-ը վերադառնալ Նեպալ, այս անգամ քայլելու դեպի Անապուրնայի բազային ճամբար։
Համարվում է, որ «Անապուրնայի բազային ճամբար» երթուղին աշխարհում ամենագեղեցիկներից է։ Դե իսկ մենք էլ որոշեցինք ինքներս գնալ ու համոզվել դրանում։

Օր 1 – 12․10 / Երևան – Կատմանդու

Դիմավորում Կատմանդույի օդանավակայանում և տեղափոխում հյուրանոց։

Օր 2 – 13․10 / Կատմանդու Պոկհարա

Առավոտյան ավտոբուսով կուղևորվենք Պոկհարա (մոտ 7 ժամ)։ Տեղ հասնելուն պես կտեղավորվենք հյուրանոցում և կզբոսնենք Պոկհարայում։
Կայցելենք նաև Պոկհարայում գտնվող ալպինիզմի թանգարանը։

Օր 3 – 14․10 / Պոկհարա – Նայապուլ – Տիկհեդունգա (1540մ)

Առավոտյան ավտոբուսով կուղևորվենք Նայապուլ, որտեղից կսկսենք դեպի Անապուրնայի բազային ճամբար մեր արշավը։ 

Հրաշալի տեսարանների ուղեկցությամբ կհասնենք մեր այս օրվա վերջնակետ՝ Տիկհեդունգա։

Օր 4 – 15․10 / Արշավ դեպի Գորեպանի (2874մ)

Այսօր համեմատաբար ավելի բարդ վերելք է սպասվելու՝ քարե աստիճաններից արահետով դեպի վեր։ Բայց Անապուրնա Հարավի և Հինուչուլի լեռների անհավանական տեսարանները կմեղմացնեն վերելքը։ Ճանապարհն անցնելու է կաղնու անտառներով։ 

• Արշավի երկարություն։ 10 կմ
• Վերելք։ 1350 մ
• Վայրէջք։ 110 մ
• Նվազագույն բարձրություն՝ 1500մ
• Առավելագույն բարձրություն՝ 2900 մ

Օր 5 – 16․10 / Վերելք Փունհիլ (3210մ) և արշավ դեպի Թադապանի (2680մ)

Այսօրվա երթուղին Անապուրնայի շրջանի ամենագեղեցիկ ու մեծ պահանջարկ վայելող ուղղություններից է․ բարձրանալու ենք Փունհիլ, որտեղից բացվում է հիասքանչ տեսարան դեպի Մանասլու լեռը և Անապուրնայի լեռնաշղթան։ Փունհիլից հետո կիջնենք Գորեպանի, կնախաճաշենք և կշարունակենք մեր արշավը դեպի Թադապանի։
Գիշերակացը Թադապանիում։

• Արշավի երկարություն։ 11 կմ
• Վերելք։ 840 մ
• Վայրէջք։ 900 մ
• Նվազագույն բարձրություն՝ 2500մ
• Առավելագույն բարձրություն՝ 3210 մ

Օր 6 – 17․10 / Արշավ դեպի Չհոմրոնգ (2210մ)

Նախաճաշից հետո կսկսենք մեր արշավը դեպի 2210 մետրի վրա տեղակայված Չհոմրոնգ գյուղ։ Այս օրը ճանապարհին մի քանի ջրվեժների ենք հանդիպելու և անցնելու ենք մի քանի ճոճվող կամուրջներով։ Իսկ Հիմալայների հիասքանչ տեսարանները մեզ ուղեկցելու են ողջ ընթացքում։

• Արշավի երկարություն։ 8,7 կմ
• Վերելք։ 600 մ
• Վայրէջք։ 900 մ
• Նվազագույն բարձրություն՝ 1900մ
• Առավելագույն բարձրություն՝ 2700 մ

Օր 7 – 18․10 / Արշավ դեպի Հիմալայա (2920մ)

Օրվա սկզբում կսկսենք իջնել, մինչև կհասնենք ճոճվող կամուրջի, որից հետո կսկսվի կտրուկ վերելք անտառի միջով։ Անցնելու ենք հնդկեղեգի անտառներով, իսկ ճանապարհին վայելելու ենք քիչ-քիչ մեր առջև բացվող Մաչապուչարե լեռան տեսարանը։ 

• Արշավի երկարություն։ 12 կմ
• Վերելք։ 1100 մ
• Վայրէջք։ 690 մ
• Նվազագույն բարձրություն՝ 1900մ
• Առավելագույն բարձրություն՝ 2920 մ

Օր 8 – 19․10 / Անապուրնայի բազային ճամբար (4120մ)

Ահա այն օրը, երբ մենք բարձրանալու ենք դեպի Անապուրնայի բազային ճամբար։
Երթուղու սկզբում իջնելու ենք դեպի Մոդի գետը, որից հետո միջին բարդության վերելք ենք իրականացնելու դեպի Մաչապուչարե լեռան բազային ճամբար։ Այստեղից մեզ բացվելու է հիանալի տեսարան դեպի հսկա լեռների ձնածածկ գագաթները։

Հիասքանչ տեսարանները վայելելուց հետո կշարունակենք մեր արշավի դեպի մեր նպատակակետը՝ Անապուրնայի բազային ճամբար։
Գիշերակացը Անապուրնայի բազային ճամբարում։

• Արշավի երկարություն։ 10 կմ
• Վերելք։ 1740 մ
• Վայրէջք։ 550 մ
• Նվազագույն բարձրություն՝ 2800մ
• Առավելագույն բարձրություն՝ 4120 մ

Օր 9 – 20․10 / Արշավ դեպի Բամբու (2310մ)

Առավոտյան, վայելելով արևի առաջին շողերից բոցավառվող հսկա լեռների գագաթների տեսարանները, կսկսենք իջնել դեպի Բամբու։ Այսօր մեզ երկար վայրէջք է սպասվում։
Պետք է հաղթահարել 17 կմ տարածություն և մեծ բարձրություն կորցնել։ 

• Արշավի երկարություն։ 17 կմ
• Վայրէջք։ 1800 մ
• Նվազագույն բարձրություն՝ 2310 մ
• Առավելագույն բարձրություն՝ 4120մ

Օր 10 – 21․10 / Արշավ դեպի Ջհինու Դանա (1780մ)

Օրը կսկսենք անտառների միջով գեղեցիկ արշավով։ Ճանապարհին բազմաթիվ ֆերմաներ և այնտեղ ջանասիրաբար աշխատող գյուղացիների կտեսնենք։
Այնուհետև մեզ բավականին կտրուկ վայրէջք է սպասվելու դեպի Ջհինու Դանա, որտեղ էլ այս օրը գիշերելու ենք։ 

Ցանկության և ժամանակի առկայության դեպքում կայցելենք տեղի հայտնի տաք աղբյուրը։ 

• Արշավի երկարություն։ 9 կմ
• Վերելք։ 350 մ
• Վայրէջք։ 1070 մ
• Նվազագույն բարձրություն՝ 2490մ
• Առավելագույն բարձրություն՝ 1720 մ

Օր 11 – 22․10 / Արշավ դեպի Նայապուլ (1100մ) և տեղափոխում Պոկհարա

Այսօր մեր Անապուրնայի բազային ճամբար քայլարշավի վերջին օրն է։ Երթուղու սկզբում մոտ մեկ ժամ կտրուկ արահետով կբարձրանանք, այնուհետև կսկսենք վայրէջքը։ Հրաշալի տեսարաններն ինչպես միշտ անպակաս են լինելու մեր երթուղուց ու թույլ չեն տալու զգալ ճանապարհի բարդությունը։
Երթուղին ավարտելուց հետո ավտոբուսով կուղևորվենք Պոկհարա, որտեղ էլ կգիշերենք։

• Արշավի երկարություն։ 7.5 կմ
• Վայրէջք։ 390 մ

Օր 12 – 23․10 / Վերադարձ Կատմանդու

Կատմանդու վերադառնալուն պես կտեղավորվենք հյուրանոցում։ Երեկոյան մեզ սպասվում է հրաժեշտի ընթրիք։

Օր 13 – 24․10 / Վերադարձ տուն

Հրաժեշտ ենք տալիս Նեպալին ու վերադառնում տուն՝ մեզ հետ տանելով Հիմալայան լեռների հանգստությունն ու անթիվ անհամար հիշողություններ։

Ճամփորդության արժեքը՝ 1450$

Արժեքը ներառում է՝

• Հայ և տեղացի ուղեկցորդների ծառայությունը
• Տրանսֆեր օդանավակայանից Կատմանդու և հետ
• Տրանսպորտային ծառայությունը
• Գիշերակացը և նախաճաշը Կատմանդուի հյուրանոցում (2 գիշեր)
• Գիշերակացը և նախաճաշը Պոկհարայի հյուրանոցում (2 գիշեր)
• Երեքանգամյա սնունդը արշավի ընթացքում 
• Թեյ / սուրճ օրը 3 անգամ
• Թարմ մրգեր ամեն օր
• Բոլոր գիշերակացերը լեռան վրա (8 գիշեր)
• Բոլոր անհրաժեշտ փաստաթղթերը և թույլտվությունները
• Անապուրնա ազգային պարկի մուտքավճարները
• Բեռնակիրների ծառայությունը (15 կգ յուրաք․ արշավականի հաշվարկով)
• Բոլոր պետական ​​և տեղական հարկերը

Արժեքը չի ներառում՝

• Միջազգային ավիատոմսերը (մոտ 800-900$)
• Վիզայի արժեքը (ՀՀ քաղաքացիների համար՝ անձը 30$)
• Ապահովագրությունը
• Ճաշն ու ընթրիքը Կատմանդույում և Պոկհարայում
• Անձնական ծախսերը 
• Անձնակազմի թեյավճարները (130$-150$)

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Մեր առաջիկա արշավները