Հրավիրում ենք ձեզ մասնակցել յուրօրինակ քայլարշավի Վայոց Ձորի գեղատեսիլ բնության գրկում։ Օրը կանցկացնենք Արատես գյուղում՝ բացահայտելով ինչպես մշակութային, այնպես էլ բնության բացառիկ հուշարձաններ։ Մեր ուղևորությունը խոստանում է լինել անմոռանալի և լի վառ տպավորություններով։
Խմբի գիդ-ուղեկցորդը լինելու է Քրիստ Պողոսյանը։
Քայլարշավը սկսելու ենք Արատես գյուղից, որտեղ նախ կայցելենք միջնադարյան ճարտարապետության կարևոր հուշարձաններից մեկը՝ 13-րդ դարի Արատեսի վանական համալիրը։
Արատեսի հրաշալիքները
Այնուհետև կշարունակենք քայլարշավը դեպի Արատեսի գողտրիկ ջրվեժ, որը թաքնված է ժայռերի մեջ։ Հասնելով այնտեղ՝ հնարավորություն կունենանք վայելելու բնության ներդաշնակությունն ու գեղեցիկ տեսարանները։
Հանգստանալով ջրվեժի մոտ՝ կվերադառնանք գյուղ և կիրականացնենք ճանաչողական քայլարշավ դեպի Խաչոց ձոր։ Այստեղ պահպանվել են հին ժայռախաչեր՝ հայկական ժայռափոր մշակույթի եզակի և ինքնատիպ օրինակներ։
Քայլարշավը հարմար է սկսնակ արշավականների համար։
Ճանապարհին ունենալու ենք կանգառ Եղեգնաձորի ֆուդ կորտում։
Երթուղու երկարությունը՝ 7 կմ
Հարաբերական բարձրությունը՝ 300 մետր
Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 8։30
Մասնակցության արժեքը` 9 500 դրամ
Արժեքի մեջ ներառված է՝
Տրանսպորտ
Ուղեկցորդի ծառայություն
Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր
Մեկօրյա սնունդ
Ջուր (առնվազն 1,5 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց
Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:
Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։
Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):
Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը
Քայլ 3։ Կատարել փոխանցում
Ստացող՝ ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։
Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։
Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը վերադարձի ենթակա չէ։
ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։
Առաջիկա արշավներ
