Եկեք բաժանենք իրերի ամբողջ ցուցակը երեք մասի․

• հանդերձանք և հիմնական գույք
• ճամբարի և գիշերակացի համար անհրաժեշտ իրեր
• լրացուցիչ իրեր և էլեկտրոնիկա

Հանդերձանք և հիմնական գույք

Մեծ ուսապարկ կամ սպորտային պայուսակ (70-90 լ)

Մեծ ուսապարկի կամ սպորտային պայուսակի մեջ լինելու են այն իրերը, որոնք տեղափոխվելու են ձիերով:

Արշավային ուսապարկ կամ սպորտային պայուսակ

Փոքր ուսապարկ (25-40 լ)

Փոքր ուսապարկը միշտ լինելու է ձեր ուսերին: Այստեղ պահվելու են ճամբարից ճամբար հասնելու համար ձեզ անհրաժեշտ իրերը՝ ջուր, քաղցրավենիք, անհատական դեղատուփ, բաճկոն և այլն: 

Արշավային փոքր ուսապարկ

Թերմոներքնազգեստ

Թերմոներքնազգեստի հավաքածուն հատուկ գերշնչող նյութերից պատրաստված շապիկ և տաբատ է, որը կրում են անմիջապես մարմնին: Այն լավ ներծծում է քրտինքը և արագ չորանում է: Արդյունքում մարմինը մնում է չոր և հետևաբար՝ ավելի տաք:

Թերմոներքնազգեստ

Ֆլիսե վերնազգեստ

Այս գործվածքը նաև անվանում են արհեստական բուրդ: Ֆլիսն առավել թեթև ու փափուկ է, քան բուրդը: Ի տարբերություն բրդյա շապիկի, ֆլիսե վերնազգեստն անգամ թրջվելուց հետո շարունակում է որոշ չափով տաք պահել մարմինը:

Ֆլիսե վերնազգեստ

Տաբատ

Մինչև Մասիսի երկրորդ ճամբարը (4200 մ), կարող եք բարձրանալ ավելի բարակ տաբատով: Դեպի գագաթ վերելքի ժամանակ պետք է ունենաք ալպինիստական տաբատ կամ դահուկորդի համազգեստ: Այն պետք է լինի քամուց և ցրտից պաշտպանող, անջրաթափանց, տաք և մեմբրանե շերտով: Տաքացնող նյութը կարող է լինել բնական կամ սինթետիկ: Մեմբրանե շերտն էլ միաժամանակ անջրաթափանցիկ է և շնչող: Վերջինս ոչ պարտադիր, բայց ցանկալի պայման է:

Արշավային տաբատ

Բաճկոն

Անհրաժեշտ է ունենալ 2 բաճկոն: Մեկը պետք է լինի թեթև և բարակ՝ քայլքի համար, մյուսը՝ ձմեռային բաճկոն, որը կպաշտպանի քամուց և ցածր ջերմաստիճանից: Բաճկոնը անպայման պետք է ունենա քամուց և անձրևից պաշտպանող գլխարկ:

Արշավային բաճկոն

Շապիկ

Անհրաժեշտ է ունենալ տարբեր հաստությունների մի քանի շապիկ։

Արշավային շապիկ

Արևապաշտպան գլխարկ

Ձեզ հետ ունեցեք արևապաշտպան գլխարկ, որը կծածկի նաև պարանոցը՝ ինչպես պատկերված է նկարում:

Արևապաշտպան գլխարկ

Տաք գլխարկ

Ունեցեք ձմեռային 2 տաք գլխարկ:

Արշավային գլխարկ

 Բաֆ (Buff)

Բաֆերը պաշտպանում են ինչպես քամուց ու փոշուց, այնպես էլ ձնից ու ցրտից: Քայլելու ընթացքում բաֆը պաշտպանում է պարանոցը և կանխում քամու ներթափանցումը: Ուժեղ քամու ժամանակ բաֆով ծածկում ենք նաև դեմքը:

Արշավային բաֆ

Ձեռնոց

 Ունեցեք 2 զույգ ֆլիսե ձեռնոցներ: Մեկ զույգը՝ մատներով, իսկ մյուսը՝ թաթման: Դահուկի ձեռնոց նույնպես կարելի է վերցնել: Կարևորը, որ արտաքինից ունենա ջրակայուն շերտ, իսկ ներսից՝ փափուկ և տաքացնող շերտ:

Արշավային ձեռնոց

Արևային ակնոց

Ընտրեք տուրիստական կամ լեռնային Արևային ակնոց՝ առնվազն 3-րդ կարգի պաշտպանությամբ: Արևային ակնոցի ապակիներն ունեն դասակարգում: Առաջին և երկրորդ կարգերը նախատեսված են քաղաքի և թեթև զբոսանքների համար, և մեզ այս դեպքում անհրաժեշտ չեն: Երրորդ կարգը փոխանցում է արևի լույսի 8-18%-ը, 4-րդը՝ 3 – 8%-ը: Քանի որ ամռանն Արարատում ձյունը շատ չէ, ապա երրորդ կարգի ակնոցը լրիվ բավարար է:

Արշավային ակնոց

Անձրևոց

Ճանապարհին կարող են լինել տեղումներ, ուստի չմոռանաք անձրևոցի մասին:

Արշավական անձրևոց

Գուլպա

Արշավային բրդյա գուլպաները լինում են կամ սինթետիկ կամ մերինոյի բրդից: Այս կենդանիների բուրդը թեթև է և շատ տաք, արագ կլանում է քրտինքը և չորանում: Այսպիսի գուլպաները ունենում են անատոմիական ձև և հաճախ անկար գործվածքով են: Ցանկալի է ունենալ մի քանի զույգ, տարբեր հաստության գուլպաներ:

Թերմոգուլպա

Արշավային կոշիկներ

Արշավային կոշիկները պետք է լինեն հարմար, հաստ տակացուներով և չսեղմող: Սովորաբար արշավային կոշիկները ընտրում են այն հաշվարկով, որ այն կրեն հաստ գուլպայով, այսինքն՝ մեկ կամ երկու համար մեծ: Արշավից առաջ անպայման կրեք այն, որպեսզի այն ընդունի ձեր ոտքի ձևը: Արգելվում է նոր կոշիկներով սկսել վերելքը: Մենք խորհուրդ ենք տալիս գնել հատուկ լեռնագնացության համար նախատեսված  «Zamberlan», «Lowa», «Scarpa», «Asolo», «LaSportiva» ապրանքանիշների կոշիկները: Դրանք նաև պետք է ունենան կատվիկներն ամրացնելու հնարավորություն:

Արշավական ոտնամաններ

Փոխնորդ կոշիկներ

Մասիսի վրա՝ մինչև երկրորդ ճամբարը (4200 մ), կարող եք հագնել ավելի թեթև կոշիկներ (հաստ տակացույով):

Արշավային ձեռնափայտեր

Արշավական ձեռնափայտերը կիսում են ոտքերի լարվածությունը՝ թեթևացնելով քայլքը: Ուշադրություն դարձրեք, որ ձեռնափայտերը նաև ունենան ձյան շերտի վրայով քայլելու ծայրային գլխիկներ:

Արշավային ձեռնափայտեր

Ճամբարի և գիշերակացի համար իրեր

Քնապարկ

Քնապարկերը  ունենում են ջերմաստիճանի երեք ցուցիչ՝ «comfort», «minimum», «extreme»: «Comfort»-ը ցույց է տալիս օդի այն ջերմաստիճանը, որի պայմաններում առավել նպատակահարմարն է տվյալ քնապարկը: «Extreme»-ը ցույց է տալիս նվազագույն ջերմաստիճանը, որի դեպքում կյանքին լուրջ վտանգ չի սպառնա: Արարատի համար ընտրեք այնպիսի քնապարկ, որի «Comfort»-ը լինի -5 ից -10։ Երկրորդ ճամբարում վրանի մեջ օդի ջերմաստիճանը կարող է հասնել 0 աստիճանի:

Քնապարկ

Հողաթափեր

Հողաթափերը և նմանատիպ թեթև կոշիկները ճամբարում ոտքերը հանգստացնելու համար են:

«Crocs»

Լրացուցիչ իրեր և էլեկտրոնիկա

Թերմոս (0,5 լիտր)

Գագաթի ճանապարհին ջուրը սովորական ջրամանի մեջ սառում է: Այդ պատճառով պարտադիր ունեցեք թերմոս, որպեսզի ցուրտ ժամանակ տաք թեյ կամ գոլ ջուր խմեք:

Արշավային թերմոս

Ճակատային լապտեր (մի քանի զույգ մարկոցներով)

Քանի որ վերելքը սկսում ենք գիշերը ժամը 1-ին, պետք է պարտադիր ունենալ ճակատային լապտեր: Արշավից առաջ անպայման ստուգեք մարտկոցները: Վերջին օրը այն պետք է ծառայի 5 ժամ՝ մինչև լուսաբաց:

Արշավական լապտեր

 Լիցքավորիչ (Power bank)

Արարատի վերելքը տևում է մի քանի օր: Նաև հաշվի առնելով լեռներում փոփոխվող եղանակային պայմանները՝ հեռախոսի մարտկոցը կարող է ավելի արագ սպառվել: Անպայման ձեզ հետ ունեցեք լիցքավորիչ (pover bank) `առնվազն 10.000 միլիամպեր/ժամ ուժով, որպեսզի կարողանաք երկար օգտվել ձեր հեռախոսից:

«Power bank»

Անհատական դեղատուփ

Դեղատուփի պարունակությանը կարող եք ծանոթանալ այստեղ։ Հղումով բացվող նյութում փորձել ենք հավաքագրել բոլոր հիմնական դեղամիջոցներն ու իրերը, որոնք պարտադիր պետք է լինեն ձեր անհատական դեղատուփում:

Դեղատուփ

Պետք է հաշվի առնել, որ ցուցակում ներկայացված դեղերի ցանկը միանշանակ բոլորի համար չէ: Շատերը հնարավոր է ունենան ալերգիա որոշ դեղամիջոցներից կամ նյութերից: Վստահ եղեք, որ չունեք ալերգիա որևէ դեղամիջոցից, մինչ այն ընդունելը: Իսկ եթե ունեք, ապա ընտրեք տվյալ դեղահաբին փոխարինող այլընտրանքային տարբերակ: Ուրիշին դեղահաբ առաջարկելուց առաջ  էլ համոզվեք, որ նա նույնպես ալերգիկ չէ:

Այլ պարագաներ

• Ներքնազգեստ
• Հեռախոս
• Անձնագիր, դրամապանակ և այլ կարևոր փասթաթղթեր: Այս ամենը կեղտոտվելուց կամ թրջվելուց ապահով պահելու նպատակով՝ կարելի է պահել պինդ, զիպ փականով պատյանների մեջ
• Ֆոտոխցիկ
• Լողազգեստ
• Ուսապարկի պաշտպանիչ ծածկոց և պոլիէթիլենային տոպրակներ
• Անձնական հիգիենայի պարագաներ
• Ջրաման
• Հիգիենիկ շրթներկ
• Արևապաշտպան քսուք՝ առնվազն 50spf պաշտպանության մակարդակով

Արարատի վերելքի ընթացքում արևապաշտպան և շուրթերը փափկացնող քսուքները պարտադիր են, քանի որ վերելքի մեծ մասն անցնելու է կիզիչ արևի տակ:

Մեզ միանալու համար Արարատի վերելքին, կարող եք անցնել հետևյալ հղումով

Վերելք Արարատ լեռ 2025

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Բլոգ Հայաստանի մասին

Մասիսի բարձրությունը՝ 5165 թե՞  5137

Արարատ լեռ

Հայաստանի լեռները որպես մարդիկ

Կիլիմանջարո. Աֆրիկայի «կտուրին»

Mediamax-ի հարցազրույցը Տիգրան Վարագի հետ

Հայկական լեռնաշխարհի «7 գագաթ» նախագիծ

Տիրինկատար և «Վիշապների հովիտ»

5165-ի սրտում ծնված երազանքի ճանապարհը

Հայաստանի 5 ամենագեղեցիկ գարնանային ուղղությունները

Ուսապարկ

Արշավային պարագաների ցանկը գլխավորում է ուսապարկը: Սկսնակների մոտ ամենահաճախ առաջացող հարցն է, թե ինչ ուսապարկ ընտրել: Գրեթե բոլորն ուզում են գնել մեկ ուսապարկ, որը կծառայի մեզ և՛ մեկօրյա, և՛ գիշերակացով արշավների ժամանակ: Սակայն ստիպված ենք ձեզ հիասթափեցնել՝ նման ուսապարկ գոյություն չունի: Մեկօրյա արշավին ձեզ անհրաժեշտ է 25-45 լիտր տարողությամբ ուսապարկ, քանի որ այնտեղ չեք տեղավորելու վրան, քնապարկ, ներքնակ, մի քանի օրվա սնունդ, փոխնորդ շորեր և այլն: Գիշերակացով արշավների համար պետք է ունենալ 70-90 լիտր տարողությամբ ուսապարկ՝ վերը նշված պարագաները տեղավորելու համար:

Արշավային ուսապարկերի տեսականին մեծ է: Ընտրեք ուսապարկ նախատեսված արշավների և լեռնագնացության համար: Մնացածն արդեն ճաշակի հարց է: Վառ գույները կօգնեն ձեզ տարբերվել բնության մեջ, իսկ ուսապարկը կորցնելու դեպքում ավելի հեշտ կլինի գտնել այն:

Դեղատուփ

Արշավային դեղատուփին անդրադարձել ենք առանձին հոդվածով: Պատրաստել ենք դեղատուփ հատուկ Հայաստանում իրականացվող արշավների համար: Դեղատուփի պարունակությունը նախատեսված է մինչև 4000 մետր բարձրությունների համար: Ավելի մանրամասն ծանոթանալու համար անցեք հղումով:

Ջրաման

Ունեցեք մետաղական արշավային ջրաման: Մեկ անգամ գնելով, մի քանի տարի կարող եք օգտագործել: Խնայեք բնությունը և ձեր գումարը: Ամեն անգամ ստիպված չեք լինի ջուր գնել և խթանել պլաստիկի արտադրությանը:

Ձեռնափայտեր

Ձեռնափայտերն արշավականի անբաժանելի մասն են կազմում: Որքան դժվար ու բարդ ռելիեֆով արշավ լինի, այնքան ավելի շատ է զգացվում ձեռնափայտերի անհրաժեշտությունը: Ձեռնափայտերը ոչ միայն ծառայում են որպես «հավելյալ ոտք» և օգնում դժվարանցանելի վայրերում, այլ նաև թուլացնում են ծնկների լարվածությունը մոտավոր հաշվարկներով 25-30 տոկոսով` բաշխելով ոտքերից դեպի ձեռքեր և ուսեր:

Արշավային զանգապաններ

Զանգապանն արշավականի ուսապարկի անհրաժեշտ պարագաներից է, հատկապես ձմռանը: Զանգապաններին անդրադարձել ենք առանձին հոդվածով, որին կարող եք ծանոթանալ անցնելով հղումով: 

Տաք և փոխնորդ շորեր

Հատկապես լեռներում եղանակը շատ փոփոխական է: Ավել հագուստը երբեք չի խանգարի, եթե չեք վերցրել ձեր ողջ զգեստապահարանը: Փոխնորդ շորերն էլ հատկապես օգնում են ուսապարկը հանելուց հետո, երբ ձեր մեջքին քրտինքը սրտիկ է նկարել:

Անձրևապաշտպան թիկնոց

Անձրևապաշտպան թիկնոցն ամենապարզ և էժան արշավային պարագաներից է, որը պետք է լինի ուսապարկում ցանկացած եղանակի: Կան անձրևանոցների մի քանի տեսակ, որոնցից ամենապրակտիկը «պոնչո» անձրևանոցն է: Պոնչոն ծածկում է նաև ուսապարկը, և ձեր իրերը չեն թրջվի նույնիսկ երկարատև անձրևի ընթացքում:

Արևապաշտպան գլխարկ կամ գլխաշոր

«Ինձ չի սազում», «ես գլխարկ չեմ սիրում» արտահայտությունները պետք է մոռանալ, եթե գնում ես արշավ: Արշավականը պարտադիր պետք է ունենա արևապաշտպան գլխաշոր (buff) կամ արևային գլխարկ: Կիզիչ արևի տակ բաց գլխով քայլելը կարող է ծանր հետևանքներ ունենալ:

Ձմեռային գլխարկ

Ձմեռային գլխարկ պետք է ունենալ նաև ամռանը: Լեռներում եղանակը կտրուկ փոխվում է: Օրինակ ամռան ամիսներին Արագածի կամ Աժդահակի գագաթին շատ հաճախ է գլխարկի կարիք զգացվում: Խնայեք ականջները և դրանք դեռ երկար կծառայեն ձեզ:

Արևային ակնոց

Արևային ակնոցն ամռանը ցանկալի է, իսկ ձմռանը՝ պարտադիր: Հատկապես արևոտ եղանակին ձյան մեջ քայլելը վտանգավոր է: Արևի ճառագայթները ձյան անդրադարձից կարող են «վառել աչքերը» առաջացնելով ձնային կուրություն: Այնպես որ ձմեռային արշավներին և բարձր լեռներում արևային ակնոցը պարտադիր է:

Լապտեր

Արշավային լապտերը պետք է լինի գլխին ամրացվող: Այդ լապտերների ամենամեծ առավելությունը ձեռքերի ազատությունն է: Լապտերը պետք է լինի մարտկոցային, ոչ թե վերալիցքավորվող: Բնության մեջ լիցքավորելը անհնար է, իսկ հավելյալ մարտկոցները ձեզ կփրկեն ցանկացած վայրում:

Կրակայրիչ կամ լուցկի

Միշտ ուսապարկում սեփական կրակայրիչ ունեցեք: Պետք չի հույս դնել ծխողների վրա: Երբեմն արշավախմբում ոչ ոք չի ծխում և ամբողջ խումբը կանգնում է փաստի առաջ:

Լողազգեստ

Լողազգեստ պետք է ունենալ ոչ միայն Սևան գնալուց, այլ նաև լեռ բարձրանալիս: Լեռներում պատահական հանդիպող սառնորակ լճակում լողալու գայթակղությունը մեծ է լինում: Եթե ուսապարկում ունես լողազգեստ դու էլ կլինես լողացողներից մեկը, այլ ոչ թե «ես չգիտեի, որ լողալու ենք» դեմքով կհետևես մյուսներին:

Սրբիչ

Վերը նշված կետից հետո այս պարագան շատ է օգնում:

Պոլիէթիլենային տոպրակներ

Ցավոք մեր հայրենիքում կան շատ արարածներ, որոնք օգտվում են բնությունից խոզի պես, իրենց հետևից չեն մաքրում՝ հույսը դնելով արշավականների վրա, իսկ մենք չենք կարող հիասթափեցնել նրանց, քանի որ մեզ վրա հույս են դրել: Պոլիէթիլենային տոպրակները պետք են գալիս նաև արշավից հետո, երբ ցեխոտ ոտքերով մտնում եք մեքենա և խուսափում վարորդի հայացքից:

Անձնական հիգիենայի պարագաներ

Այս կետի մասին չխոսեմ: Դուք ավելի լավ պատկերացրիք ինչ է պետք վերցնել:

Ահա այս ամենը ձեռք բերելուց հետո դուք կունենաք մեկօրյա արշավին ահնրաժեշտ արշավային պարագաների ցանկ:

Հեղինակ՝ Տիգրան Շահբազյան

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավային բլոգ

Բժշկական հակացուցումներ արշավների ժամանակ

Աշնանային արշավներ / Ինչպես պատրաստվել

Ինչպես պատրաստվել ձմեռային արշավներին

Պաշտպանություն թունավոր օձերից

Ջրի աղբյուրները լեռներում

Լեռնային հիվանդություն

Կլիմայավարժեցումը լեռներում

Ինչպե՞ս գիշերել վրանում և չմրսել

Ինչպե՞ս իրերը ճիշտ դասավորել ուսապարկում

Արշավից հաճույք ստանալու և այն անմոռանալի դարձնելու համար անհրաժեշտ է ճիշտ պատրաստվածություն՝ ոչ միայն ֆիզիկական, այլ նաև տեխնիկական: Սարերում եղանակն աննկարագրելի արագ ու անսպասելի է փոխվում, այդ իսկ պատճառով պետք է միշտ պատրաստ լինեք ցանկացած եղանակի: Ձեր ուսապարկը կարող է ընկնել գետը կամ ուղղակի թրջվել անձրևի տակ: Ուսապարկի պարունակությունը չոր պահելու համար ավելի լավ է իրերն առանձին-առանձին տեղավորել անջրաթափանց տոպրակների մեջ, և այդ ամենը միասին տեղավորել մեկ ընդհանուր տոպրակի մեջ:

Այժմ եկեք ավելի մանրամասն փորձենք հասկանալ թե ինչ է մեզ հարկավոր մի քանի օրանոց արշավի համար։

Իրերի ցուցակը կբաժանենք երկու խմբի՝ հանդերձանք և գույք։

Հանդերձանք 

• Թրեքինգային կոշիկներ՝ երկարաճիտ, ամուր, հաստ տակացուով կոշիկ:
• Զանգապաններ։
• Թերմո ներքնազգեստ, ցանկալի է մի քանի կոմպլեկտ։
• Մի քանի զույգ սպորտային թերմոգուլպաներ և հասարակ գուլպաներ։
• Քամուց և անձրևից պաշտպանող մեմբրանե բաճկոն։
• Պինդ արշավային տաբատ, առնվազն մինիմալ ջրադիմացկունությամբ։
• Ֆլիսե բաճկոն, կամ նմանատիպ այլ բաճկոն, կամ սվիտեր մերինոյի բրդից կամ այլ սինթետիկ նյութից։
• Արևապաշտպան գլխարկ և ակնոց։
• Փետուրե ժիլետ կամ բարակ փետուրե բաճկոն: Սրանք առանձնապես քաշ և տեղ չեն զբաղեցնում, բայց շատ հարմար են երեկոյան ճամբարում կրելու համար:
• Կեդեր, քրոքսեր կամ նմանատիպ թեթև ոտնամաններ՝ ճամբարում կրելու համար։
• Բաֆ։
• Մի քանի զույգ շապիկ՝ կրկին սինթետիկ նյութերից, քրտինքը հեռացնելու հատկությամբ։
• Վարտիքներ՝ մի քանի հատ։
• Տաք գլխարկ։
• Ձեռնոց՝ տեսակը կախված երթուղուց։

Գույք

• Ուսապարկ։

Ուսապարկը ցանկալի է լինի առնվազն 60 լիտր՝ երեք – չորս օրվա համար հարմար: Եթե երթուղին երկար է, ուսապարկի ծավալն էլ համապատասխանաբար մեծանում է:

• Վրան՝ պարտադիր երկշերտ:
• Քնապարկ՝ ողջ երթուղուն համապատասխան ջերմային հատկություններով։
• Ինքնափչվող կամ փրփուրե գորգ։
• Դանակ։

Հաշվի առեք, որ դանակը ձեզ պետք է գալու կենցաղում, այլ ոչ թե ինքնապաշտպանության համար։

• Առանձին ինքնապաշտպանության միջոցներ։

Սրանք են՝ բիբարե սփրեյ, էլեկտրաշոկեր, ճայթուկներ (խորհուրդ չենք տալիս վերցնել հրազեն հիշեցնող որևէ բան՝ պնեվմատիկ կամ գազային ատրճանակ, ատրճանակի կոթով էլեկտրոշոկեր և այլն: Սրանք արդյունավետ կիրառելու համար դուք երկար պետք է մարզվեք, իսկ այսպես միայն ավելորդ ուշադրություն կգրավեք:

• Անձնական սպասք՝ ափսե, գդալ, բաժակ, դանակ
• Հիդրացիոն պարկ
• Ջրաման

Անկախ նրանից օգտվում եք հիդրացիոն պարկից, թե ոչ, ևս մեկ տարա հեղուկի համար ունենալը շատ ցանկալի է:

• Թերմոս

Թերմոսը պետք է լինի որակյալ, բարձրակարգ արտադրողներից՝ Thermos, Stanley ավելի մատչելի Kovea, TSL: Խորդուրդ կտանք ընտրել առաջին երկու արտադրողների թերմոսներից: Որակյալ թերմոսը պետք է օդի զրոյական ջերմաստիճանի պայմաններում 12 ժամ հեղուկը տաք վիճակում կարողանա պահել:

• Թրեքինգային փայտիկներ
• Power bank՝ առնվազն 10.000 միլիամպեր/ժամ ուժով:

Ավելի լավ է եթե ունենաք մի քանի power bank, թեկուզ և ավելի փոքր ուժով: Բանն այն է, որ եթե դրանցից մեկը ցրտից լիցքաթափվի, կամ վնասվի, դուք պահեստային տարբերակ կունենաք։

• Սնունդ՝  հաշվարկած ըստ օրերի քանակի։
• Ճակատային լապտեր՝ մի քանի զույգ պահեստային մարտկոցներով։
• Տուրիստական գազօջախ։

Ցանկալի է ունենալ նաև մի քանի պահեստային գազի բալոն՝ տուրիստական գազօջախների համար կան հատուկ գազի բալոններ՝ իզոբութան և պրոպան գազերի լուծույթով: Սրանք առավել արդյունավետ են բարձրլեռնային ցուրտ պայմաններում:

• Առաջին օգնության դեղարկղիկ
• Արևապաշտպան քսուկ և շրթներկ
• Թել/ասեղ
• Սքոչ
• Փրկարարական վերմակ կամ ծածկոց
• Հեռախոս
• GPS նավիգատոր՝ եթե հեռախոսը չունի GPS հնարավորություն

Թերևս այսքանը: Փորձեցինք նշել բոլոր հիմնական իրերը, որոնք անհրաժեշտ է ունենալ մի քանի օրով սարերում «կորելու» համար: Ցուցակը բնականաբար վերջնական և իդեալական չէ, միշտ կատարելագործելու և լրացումներ անելու տեղ կա: Այնպես որ պատրաստ ենք լսել ձեր լրացումներն ու տարբերակները:

Եվ միշտ հիշե՛ք

Եթե դուք որևէ իր եք տանում ձեզ հետ արշավի, պատրաստ եղեք, որ այն կարող է պատռվել, այրվել խարույկի կայծերից կամ ուղղակի կորել: Վերցրեք ձեզ հետ այնպիսի իրեր, որոնցից բաժավեն այնքան էլ դժվար չի լինի:

Այն, ինչ վերցնում եք ձեզ հետ արշավի համար, պետք է տանեք ինքներդ: Այնպես որ, վերցրեք միայն ամենաանհրաժեշտ իրերը:

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Բլոգ Հայաստանի մասին

Մասիսի բարձրությունը՝ 5165 թե՞  5137

Արարատ լեռ

Հայաստանի լեռները որպես մարդիկ

Կիլիմանջարո. Աֆրիկայի «կտուրին»

Mediamax-ի հարցազրույցը Տիգրան Վարագի հետ

Հայկական լեռնաշխարհի «7 գագաթ» նախագիծ

Տիրինկատար և «Վիշապների հովիտ»

5165-ի սրտում ծնված երազանքի ճանապարհը

Հայաստանի 5 ամենագեղեցիկ գարնանային ուղղությունները

Ստորև ներկայացրել ենք տեխնիկական վերելքի գույքը և հանդերձանքը։

Հանդերձանք

Բաճկոն

5000 մետրից բարձր լեռներում շերտերով հագնվելը խիստ կարևոր է։ Անհրաժեշտ է ունենալ 2 բաճկոն: Առաջին բաճկոնը և ֆլիսե համազգեստը պետք է ծառայեն որպես միջին շերտ: Սա կապահովի մարմնի ջերմությունը։ Բաճկոնը, ինչպես նաև ֆլիսե համազգեստն ու թերմոներքնազգեստը, պետք է հնարավորինս  համապատասխանեն մեր մարմնի կառուցվածքին։

Ձմեռային բաճկոն

2-րդ բաճկոնը պետք է պաշտպանի քամուց և ցածր ջերմաստիճանից: Ցանկալի է, որ այն ունենա պաշտպանիչ գլխարկ:

Ֆլիսե վերնազգեստ

Այս գործվածքը նաև անվանում են արհեստական բուրդ: Ֆլիսն առավել թեթև ու փափուկ է, քան բուրդը:

Ի տարբերություն բրդյա շապիկի, ֆլիսե վերնազգեստը նույնիսկ թրջվելուց հետո է շարունակում որոշ չափով տաք պահել մարմինը:

Թերմոներքնազգեստ

Թերմոներքնազգեստը  հատուկ գերշնչող նյութերից պատրաստված շապիկ և տաբատ է, որը կրում են անմիջապես մարմնի վրա:

թերմոներքնազգեստ

Այն լավ ներծծում է քրտինքը և արագ չորանում: Արդյունքում մարմինը մնում է չոր և հետևաբար՝ ավելի տաք:

Տաբատ

Տեխնիկական վերելքների համար անհրաժեշտ է ունենալ 2 տաբատ: Գագաթ բարձրանալու օրվա համար անհրաժեշտ է քամուց ու ցրտից պաշտպանող ալպինիստական տաբատ կամ դահուկորդի համազգեստ: Այն պետք է լինի անջրաթափանց և տաք: Ոչ պարտադիր, բայց ցանկալի պայման է, որ տաբատը ունենա մեմբրանե «շնչող» շերտ:

2-րդ տաբատը անհրաժեշտ է գագաթի վերելքին նախորդող օրերի համար: Այն պետք է լինի համեմատաբար ավելի բարակ:

Գուլպա

Արշավային գուլպաները լինում են սինթետիկ կամ մերինոյի բրդից: Այս կենդանիների բուրդը թեթև է և շատ տաք: Արագ կլանում է քրտինքը և  շուտ է չորանում:

Այսպիսի գուլպաները ունենում են անատոմիական ձև և հաճախ անկար գործվածքով են: Ցանկալի է ունենալ մի քանի զույգ, տարբեր հաստության գուլպաներ:

Անհրաժեշտ գույք

Բարձր լեռնային կոշիկներ

Արշավային կոշիկները պետք է լինեն հարմար, հաստ տակացուներով և չսեղմող: Սովորաբար արշավային կոշիկները ընտրում են այն հաշվարկով, որ այն կրեն հաստ գուլպայով, այսինքն՝ մեկ կամ երկու համար մեծ: Արշավից առաջ անպայման կրեք այն, որպեսզի այն ընդունի ձեր ոտքի ձևը: Արգելվում է նոր կոշիկներով սկսել վերելքը:

Տեխնիկական վերելքների համար նախատեսված կոշիկները պինդ են և նախատեսված ժայռոտ ու սառցապատ տեղանքներով քայլելու համար: Դրանք պետք է պաշտպանեն ոտքերը կոպիտ հարվածներից։ Տեխնիկական վերելքների համար նախատեսված կոշիկները նաև պետք է ունենան կատվիկներն ամրացնելու հնարավորություն:

Կատվիկներ

Կատվիկները լինում են երկու տեսակի՝ պողպատե և ալյումինե։ Չնայած ալյումինն ավելի թեթև է և հարմար քայլքի համար, սակայն այնքան էլ դիմացկուն չէ։

Կատվիկներ

Տեխնիկական վերելքների համար խորհուրդ է տրվում պողպատե տարբերակները, քանի որ ավելի պինդ են և դիմացկուն։ Կատվիկները պետք է հարմար լինեն և առաջին հերթին համապատասխանեն մեր կոշիկներին։

Սառցահատ

Սառցահատ ձեռք բերելու ժամանակ, պետք է ուշադրություն դարձնել սառցահատի երկարությանը։

Երբ սառցահատն ուղիղ պահում ենք, այն պետք է լինի ոտնաթաթից մոտ 10 սմ բարձր։

Ալպինիստական պարան

Այս Պարաններն ունենում են տարբեր երկարություններ և տրամագիծ։ Սառցադաշտային վերելքների ժամանակ պետք է ընտրել չոր վերամշակում անցած պարաններ: Ի տարբերություն  պարանների մյուս տեսակների, սրանք շուտ չեն կլանում ձյան և սառույցի խոնավությունը։

Ալպինիստական պարան

Խոնավանալու դեպքում պարանն ավելի է ծանրանում՝ դառնալով լրացուցիչ բեռ մեզ համար։

Սաղավարտ

Այն սաղավարտները, որոնք նախատեսված են հեծանվային կամ դահուկային սպորտի համար, չեն կարող կիրառվել 5000 մետր և բարձր տեխնիկական վերելքների ժամանակ։ Ուստի պետք է փնտրել տեխնիկական վերելքներին համապատասխան սաղավարտներ։

Սաղավարտ

Նման սաղավարտների դեպքում նախընտրությունը պետք է տալ առավել ծանր տեսակներին։ Անկախ նրանից, որ ավելի ծանր բեռով ենք քայլելու, միևնույն է, սաղավարտների այս տեսակները ավելի դիմացկուն են: Դրանք կարող են մեզ պաշտպանել նույնիսկ մի քանի հարվածներից։

Զսպանակակեռիկ

Զսպանակակեռիկները հիմնականում անհրաժեշտ են գույքի լավ ամրացման, հանգույցներ ստեղծելու և պարանից միասին կապված լինելու համար։

Տեխնիկական վերելքների դեպքում զսպանակակեռիկները պարզապես անհրաժեշտություն են։

Ուսապարկ (50 լ և ավելի մեծ)

Ուսապարկի չափսերը կախված են վերելքի տևողությունից, սակայն հիմնականում նախընտրելի է 60 լ չափսը։ Տեխնիկական վերելքների համար ուսապարկ ընտրելիս՝ պետք է մանրամասնորեն ուսումնասիրել ուսապարկի հնարավորությունները։

Առաջին հերթին պետք է համոզվել, որ ուսապարկի չափսերն ու ձևը համապատասխանում են ձեր մեջքի կառուցվածքին: Պետք է վստահ լինել, որ ուսապարկը ջրակայուն է և ունի որոշակի հարմարանքներ սառցահատի, սաղավարտի և նմանատիպ այլ գույքի համար։

Արշավային ձեռնափայտեր

Արշավային ձեռնափայտերը  կիսում են ոտքերի լարվածությունը և թեթևացնում քայլքը: 5000 մ և բարձր տեխնիկական վերելքների ժամանակ, պետք է ուշադրություն դարձնել ձեռնափայտի ծայրային հատվածին: Այն պետք է նախատեսված լինի ձյան շերտի վրայով քայլելու համար։

Քնապարկ

Քնապարկերը  ունենում են ջերմաստիճանի երեք ցուցիչ՝ «comfort», «minimum», «extreme»:

«Comfort»-ը ցույց է տալիս օդի այն ջերմաստիճանը, որի պայմաններում առավել նպատակահարմարն է տվյալ քնապարկը: «Extreme»-ը ցույց է տալիս նվազագույն ջերմաստիճանը, որի դեպքում կյանքին լուրջ վտանգ չի սպառնա:

Աքսեսուարներ

Տաք գլխարկ

Նախապատվությունը տվեք ֆլիսե գլխարկներին: Ինչպես ֆլիսե համազգեստի դեպքում, այնպես էլ գլխարկի՝ այն լավագույնս կապահովի ջերմություն և կպաշտպանի քամուց։

Արևային ակնոց

Արևային ակնոցը պետք է լինի լեռնային և առնվազն 3-րդ կարգի պաշտպանությամբ: Արևային ակնոցների ապակիներն ունեն դասակարգում: Առաջին և երկրորդ կարգերը նախատեսված են քաղաքում կրելու և թեթև զբոսանքների համար: Տեխնիկական վերելքների դեպքում այս տարբերակները անհրաժեշտ չեն:

Երրորդ կարգը փոխանցում է արևի լույսի 8-18%-ը, 4-րդը՝ 3 – 8%-ը: 5000 մետրից բարձր տեխնիկական լեռները ձնածածկ են և կարևոր է ընտրել համապատասխան լեռնային ակնոց: Հակառակ դեպքում ձնային կուրությունը կլինի բավականին լուրջ խոչընդոտ և վերելքը չեղարկելու հիմնավոր պատճառ։

 Բաֆ (Buff)

Բաֆերը պաշտպանում են ինչպես քամուց ու փոշուց, այնպես էլ ձնից ու ցրտից: Բաֆը պաշտպանում է վիզը և կանխում է քամու ներթափանցումը:

Ուժեղ քամու ժամանակ բաֆով ծածկում ենք նաև դեմքը:

Ձեռնոց

Ունեցեք 2 զույգ ֆլիսե ձեռնոցներ։ Մեկ զույգը մատներով, իսկ մյուսը՝ թաթման:

Դահուկի ձեռնոց նույնպես կարելի է վերցնել: Կարևոր է, որ ձեռնոցները արտաքինից ունենան ջրակայուն պինդ շերտ, իսկ ներսից՝ փափուկ տաքացնող շերտ:

Ճակատային լապտեր

Ճակատային լապտեր  ունենալը պարտադիր է, քանի որ գագաթի վերելքները սկսվում են գիշերը: Արշավից առաջ անպայման պետք է ստուգել լապտերի մարտկոցները:

Եվ մի մոռացեք ցանկացած վերելքի համար վերցնել մի քանի զույգ պահեստային մարտկոցներ։

Անհատական դեղատուփ

Դեղատուփի պարունակությանը կարող եք ծանոթանալ այստեղ։ Հղումով բացվող նյութում փորձել ենք հավաքագրել բոլոր հիմնական դեղամիջոցներն ու իրերը, որոնք պարտադիր պետք է լինեն ձեր անհատական դեղատուփում:

Դեղատուփ

Պետք է հաշվի առնել, որ ցուցակում ներկայացված դեղերի ցանկը միանշանակ բոլորի համար չէ: Շատերը հնարավոր է ունենան ալերգիա որոշ դեղամիջոցներից կամ նյութերից: Վստահ եղեք, որ չունեք ալերգիա որևէ դեղամիջոցից, մինչ այն ընդունելը: Իսկ եթե ունեք, ապա ընտրեք տվյալ դեղահաբին փոխարինող այլընտրանքային տարբերակ: Ուրիշին դեղահաբ առաջարկելուց առաջ  էլ համոզվեք, որ նա նույնպես ալերգիկ չէ:

Այլ պարագաներ

• Հողաթափեր
• Թերմոս
• լիցքավորիչ (power bank)
• Ներքնազգեստ
• Հեռախոս
• Անձնագիր, դրամապանակ և այլ կարևոր փասթաթղթեր: Այս ամենը կեղտոտվելուց կամ թրջվելուց ապահով պահելու համար կարելի է պահել պինդ զիպ փականով պատյանների մեջ
• Ուսապարկի պաշտպանիչ ծածկոց և պոլիէթիլենային տոպրակներ
• Անձնական հիգիենայի պարագաներ
• Ջրաման
• Հիգիենիկ շրթներկ
• Արևապաշտպան քսուք՝ առնվազն «50spf» պաշտպանության մակարդակով

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Մեր առաջիկա արշավները

Սևանի մայրամուտը Արտանիշից

Սպիտակասար և Նազելի լիճ

Վերելք Աժդահակ լեռ

Մթնալիճ, Ռապի լիճ և Աստղկան

Գիշերային վերելք Արագած

Վերելք Դիմաց լեռ

Յուրաքանչյուր մարդ, հատկապես արշավական, իր կյանքում գոնե մեկ անգամ բնության գրկում հանդիպել է պլաստիկ թափոնների։ Բացի այն, որ այդ տեսարաններն ընդհանրապես էսթետիկ հաճույք չեն պատճառում, այլև խաթարում են բնական մի շարք գործընթացներ։ Առհասարակ աղբի առկայությունն արշավային երթուղիների վրա, և ոչ միայն, խոսում է մարդկանց դաստիարակության և գիտակցության մասին։

Պլաստիկն ու մարդու առողջությունը

Այս խնդրին առաջին հերթին պետք է մոտենալ մեր առողջության տեսանկյունից։ Համացանցում կարելի է գտնել հազարավոր գիտական հոդվածներ այն մասին, թե որքան վատ ազդեցություն ունեն ջրի պլաստիկ շշերը մեր առողջության վրա։ Բանն այն է, որ պլաստիկ շշեր արտադրող ընկերությունները հիմնականում դիմում են ավելի մատչելի տարբերակների և արտադրում մեկանգամյա օգտագործման շշեր։

Իսկ եթե մի կողմ դնենք գիտական տերմիներնն ու բացատրություններն այս թեմայի շուրջ, ապա կարող ենք յուրաքանչյուրս մեր հերթին փաստել, որ սովորաբար ջրի պլաստիկ շիշը մի քանի անգամ օգտագործելու դեպքում ջրից գալիս է ինչ-որ տարօրինակ համ։

Պլաստիկ շշերի բազմակի օգտագործումը հանգեցնում է մարդու օրգանիզմում մի շարք վնասակար քիմիական տարրերի ներթափանցմանը։ Իսկ այդ գործընթացն ավելի արագ և վնասակար է, եթե շիշն ամբողջ ընթացքում լինում է արևի ճառագայթների տակ։

Իսկ հիմա եկեք հիշենք, թե որտեղ ենք մենք սովորաբար դնում մեր ջրամանները կամ պլաստիկ շշերը։ Իհարկե ուսապարկի կողքերում գտնվող դրսի գրպաններում։ Կարծում ենք վնասակար կապը ջրի պլաստիկ շշերի օգտագործման և մեր առողջության վատթարացման հարցում ակնհայտ է։

Գուցե շատերի համար այս նկատառումը ոչ այնքան համոզիչ է ու կարևոր։ Սակայն պետք է հիշել, որ ինչպես օրինակ արշավային գույք-հանդերձանքում կարևոր են փոքրիկ դետալները, այնպես էլ այս հարցում՝ կարևոր են փոքրիկ սովորությունները, որոնք երկարատև ընթացքում դառնում են մեծ խնդրի առաջացման պատճառ։

Պլաստիկ թափոններն արշավային երթուղիներում

Պլաստիկ թափոնների վերամշակումն աշխարհում ամենամեծ խնդիրներից մեկն է, քանի որ այդ գործընթացը բավականին բարդ է, իսկ բնության գրկում պլաստիկը կարող է պահպանվել հարյուրավոր տարիներ՝ լինելով մեծ խնդիր ոչ միայն ցամաքային, այլև ջրային միջավայրում։

1 պլաստիկ շշի ամբողջական քայքայման համար միջինում պահանջվում է 450 տարի, իսկ որոշ դեպքերում՝ մինչև 1000 տարի։ Իսկ պլաստիկ շշերի 90%-ը նույնիսկ ենթակա չէ վերամշակման։

1 պլաստիկ շիշ = 450 տարի

Գնելով ջրի պլաստիկ շիշ, եկեք խոստովանենք, որ շատերս այն օտագործում ենք միայն մեկ անգամ, և լավագույն դեպքում այն նետում աղբը։ Սակայն, այս դեպքում հարց է առաջանում, թե որտեղից են հայտնվում պլաստիկ շշերը բնության գրկում ու արշավային երթուղիներում։ Չնայած որ արշավականների մեծ մասն այդ հարցում ավելի գիտակից է և շատերը հոգ են տանում բնության մասին, բայց փաստը մնում է փաստ, որ երթուղիներում մինչ օրս կարող ենք հանդիպել պլաստիկ թափոններ։

Ֆինանսական խելամտություն

Եթե առողջության և բնության մասին հոգ տանելու կետերն այնքան համոզիչ չէին, որ հրաժարվես պլաստիկ շշերի օգտագործումից, անդրադառնանք նաև այդ ամենի ֆինանսական կողմին։

Արշավների ժամանակ մարդիկ միջինում օգտագործում են 1․5լ ջուր։ Ստացվում է, որ մեկ արշավի համար մեզ պետք է 3 հատ 0,5լ պլաստիկ շշով ջուր, որը մոտավոր կստացվի 500 ՀՀ դրամ։ Պատկերացնենք, որ ամիսը 3 անգամ գնում ենք արշավների, ստացվեց՝ 1500 ՀՀ դրամ ամսվա կտրվածքով մենք ծախսում ենք ջրի համար։

Եթե ձեռք ենք բերում ջրաման՝ մոտավոր 7000 ՀՀ դրամով, 1-1,5լ, ստացվում է, որ մեկ տարվա կտրվածքով ջրաման գնելու դեպքում մենք ծախսում ենք 7000 ՀՀ դրամ, իսկ պլաստիկ շշով գնելու դեպքում՝ 18 000 ՀՀ դրամ, այսինքն 2,5 անգամ ավելի շատ ենք վճարում։

Այստեղ, իհարկե, պետք է նաև նշել, որ մարդկանց ֆինանսները տարբեր են, ցանկությունները նույնպես, և ինչ-որ մեկը կարող է գնել ավելի թանկ ջրաման կամ ավելի քիչ պլաստիկ շշով ջուր, բայց միևնույն է, երկարատև ընթացքում ջրաման ունենալն ավելի խելամիտ որոշում է ֆինանսների տեսանկյունից։

Ինքնարտահայտում ջրամանի միջոցով

Եթե խոսքը գնում է ջրաման, թե՞ պլաստիկ շիշ ընտրության մասին, ապա այն միանշանակ պետք է լինի հօգուտ ջրամանի, որը որպես բոնուս ունի նաև էսթետիկ կողմ։ Մեծ հաշվով բոլոր պլաստիկ շշերը միանման են, իսկ ահա ջրամանները կարող են լինել բազմատեսակ, տարբեր գույների, դիզայնի ու բրենդի։ Հետևաբար ամեն անձ կարող է ընտրել իր անհատականությունն ընդգծող ջրաման։ Ճիշտ է, փոքրիկ դետալ է, բայց ինչքան հաճելի կարող է լինել։

Սա նույնպես շատ կարևոր է, քանի որ մենք բոլորս ինքնաարտահայտվում ենք մեր հոբբիներով, հագուստով և ինչու ոչ, նաև ինչ-որ աքսեսուարներով։

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավային գույք և հանդերձանք

Ինչպես պատրաստվել գիշերակացով արշավներին

Տեխնիկական վերելքին անհրաժեշտ պարագաների ցանկ

Ջրաման, թե՞ պլաստիկ շիշ

Ինչպես ընտրել արշավային գլխարկ

Ինչպես լիցքավորել գաջեթներն արշավների ժամանակ

Արշավային լապտեր

Արշավային գլխարկ

Արշավային գլխարկ ընտրելիս կարևոր է հաշվի առնել, որ այն չկրի ձևական բնույթ ու ունենա պաշտպանիչ հատկանիշներ: Արշավային գլխարկները կարող են լինեն տարբեր տեսակի, բայց եթե նպատակային առումով նայենք՝ գոյություն ունեն արևապաշտպան ու ցրտից պաշտպանող արշավային գլխարկներ: Այս երկու տեսակի գլխարկներն էլ անհրաժեշտ են արշավների ժամանակ՝ անկախ նրանից արշավում եք ամռանը, թե ձմռանը:

Արևապաշտպան արշավային գլխարկ

Արևապաշտպան գլխարկ

Եթե խոսենք արևապաշտպան գլխարկներից, ցանկալի է, որ արշավային գլխարկները լինեն լայն եզրերով, ինչը հնարավորություն կտա պաշտպանել դեմքն արևից և քամուց: Հասկանալի է, որ գլխարկները հիմնականում գլխամաշկը և դեմքի մաշկը պաշտպանելու համար են, սակայն կան գլխարկներ, որ նաև ունեն վիզը պաշտպանելու հնարավորություն, ինչը նույնպես շատ դրական հանգամանք է:

Սարերում քամիները շատ ուժգին կարող են լինել, դրա համար գլխարկը պետք է հարմարեցված լինի ձեր գլխին այնպես, որ քամին չկարողանա հանել այն: Այս հանգամանքը հաշվի առնելով՝ կարելի է ասել, որ, օրինակ, ծովափնյա արևապաշտպան գլխարկներն այնքան էլ հարմար չեն լեռներում քայլելու համար: Դրանք սովորաբար շատ ամուր չեն նստում գլխին, ինչի արդյունքում էլ հեշտությամբ ընկնում են: Դրա համար, նախընտրելի է, որ գլխարկը լինի հենց ձեր գլխի չափով ու ամրանալու հնարավորություն ունենա:

Ֆլիսե արշավային գլխարկ

Ցրտից պաշտպանող արշավային գլխարկները, բնականաբար, տարբերվում են արևապաշտպան գլխարկներից: Սրանք նախատեսված են գլուխն ու ականջները ցրտից ու ուժեղ քամիներից պաշտպանելու համար: Այս գլխարկները տաքությունը պահելու հատկություն ունեն, ու, որպես կանոն, չեն ունենում եզրեր: Ցրտից պաշտպանող արշավային գլխարկերը շատ հաճախ լինում են ֆլիսից կամ ֆլիսե միջադիրով: Ֆլիսն ունի ջերմամեկուսիչ հատկություն ու թույլ է տալիս, որ մարդու գլուխն ու ճակատային մասը չսառչեն:

Ֆլիսե գլխարկ

Որպեսզի ձեր արշավային ուղևորությունն անցնի առավել հարմարավետ ու ապահով, մի մոռացեք կրել արշավային գլխարկ կամ գլուխն ու դեմքը պաշտպանող այլ միջոցներ: Մենք մեր արշավականներին նույնպես խրախուսում ենք կրել արշավային գլխարկ:

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավային գույք և հանդերձանք

Արարատի վերելքին անհրաժեշտ պարագաների ցանկ

Մեկօրյա արշավին անհրաժեշտ պարագաների ցանկ

Ինչպես պատրաստվել գիշերակացով արշավներին

Տեխնիկական վերելքին անհրաժեշտ պարագաների ցանկ

Ջրաման, թե՞ պլաստիկ շիշ

Ինչպես ընտրել արշավային գլխարկ

Ինչպես լիցքավորել գաջեթներն արշավների ժամանակ

Արշավային լապտեր

Արշավային գուլպաներ

Արտաքին մարտկոց կամ Powerbank

Դա ապահովելու ամենապարզ ձևը արտաքին մարտկոց՝ Powerbank ունենալն է: Դրանք լիցքավորում են բոլոր հիմնական սարքավորւոմները, որոնք ունեն USB մուտք: Powerbank ընտրելիս հիմնական ցուցանիշը, որին պետք է ուշադրություն դարձնել, մարտկոցի տարողունակությունն է, որը չափվում է միլիամպեր/ժամ՝ “Mah” ցուցանիշով: Բնականաբար որքան շատ, այնքան լավ: Սակայն քաշի և չափսերի մասին էլ պետք չէ մոռանալ: Որքան մարտկոցի տարողունակությունը շատ է, այնքան ծանր է լինելու powerbank-ը: Սովորաբար 10.000 միլիամպերը բավարար է 4000 միլիամպեր/ժամ մարտկոցով հեռախոսը երկու անգամ լիցքավորելու համար:

Գաջեթների վերալիցքավորումը արշավների ժամանակ

Հաշվի առեք նաև հոսանքի կորուստը, որը տեղի է ունենում powerbank-ի ապահովիչների և փոխարկիչների պատճառով: Բացի տարողությունը,  ուշադրություն դարձրեք նաև դուրս եկող հոսանքի ուժին՝ դրանից է կախված, թե որքան արագ այն կլիցքավորի ձեր սարքը:

Ստանդարտ ցուցանիշ է համարվում 1 ամպեր/ժամ ուժով միակցիչը, սակայն պատահում է, որ մի քանի միակցիչ է լինում, որոնցից մեկը 2, 2.5 և անգամ 3 ամպեր/ժամ հոսանքով: Նաև հաշվի առեք, թե քանի սարք եք լիցքավորելու: Եթե դուք միայն սմարթֆոն պետք է լիցքավորեք, ապա մեկ USB միակցիչով Powerbank-ը բավարար է: Բայց եթե դուք մի քանի սարք ունեք, կամ ձեր ընկերոջ հեռախոսը նույնպես պետք է լիցքավորել, ապա ավելի լավ է ձեռք բերեք երկու կամ մի քանի միակցիչներով Powerbank: Եթե դուք ակտիվ հանգստի սիրահար եք և հաճախ եք բնության գրկում էքստրեմալ իրավիճակներում հայտնվում, ապա ձեր powerbank-ը ևս պետք է պատրաստ լինի էքստրեմալ պայմաններին: Ցանկալի է ընտրել մետաղյա թաղանթով, ջրադիմացկուն տարբերակ, որի միակցիչները ռետինե խցաններով պատշտպանված կլինեն ջրի և փոշու ներթափանցումից:

Գաջեթների վերալիցքավորումն արշավների ժամանակ

Եվս մեկ խորհուրդ  powerbank-երի հետ կապված՝ ձեզ մոտ մի քանի powerbank պահեք: Ավելի լավ է ունենալ երկու 7000 միլիամպերանոց, քան մեկ մեծը, քանի որ դրանք կարող են վնասվել, փչանալ կամ ցրտից լիցքաթափվել: Նման դեպքերում միշտ լավ է ունենալ պահեստային տարբերակ:

Powerbank-երն ունեն մեկ թույլ կողմ՝ դրանք աշխատում են 3.7 վոլտ լարմամբ: Այսինքն մի շարք սարքեր ի զորու չեն լիցքավորվել առանց հատուկ փոխարկիչների: Իսկ դրանք կրկին քաշ և տեղ են զբաղեցնում ձեր ուսապարկում: Այդ պատճառով, օրինակ ֆոտոխցիկի, ռադիոսարքերի համար, ավելի լավ է պահեստային մարտկոցներ ձեռք բերել և միշտ լիցքավորված վիճակում պահել ուսապարկում: Իսկ լապտերների դեպքում ցանկալի է ձեռք բերել այնպիսիք, որոնք կրկին ունեն փոխվող մարտկոցներ՝ AA կամ AAA տեսակի: Դուք կարող եք այդ չափսի վերալիցքավորվող մարտկոցներ ձեռք բերել, որպեսզի ամեն անգամ գումար չվատնեք նորերը գնելու համար, բայց մի քանի մեկ անգամյա մարտկոցներ պարտադիր պահեք ուսապարկում, որպես պահեստային տարբերակ:

Արևային վահանակներ

Ինչ վերաբերում է արևային վահանակներին, ապա դրանց արդյունավետությունը մի փոքր վիճելի հարց է: Քանի որ կոմպակտ և թեթև վահանակները, որոնք նպատակահարմար են կրել ուսապարկում, միշտ չէ, որ բավարար հզորությամբ և կայուն հոսանք են ապահովում սարքերը լիցքավորելու համար: Դրանց հետ պետք է միջանկյալ մարտկոց ունենալ՝ powerbank, որն ունակ է լիցք վերցնել նման անկայուն հոսանքի աղբյուրից: Սմարթֆոնների և այլ գաջեթների մարտկոցներն առավել պարզունակ են և հնարավոր է թույլ հոսանքի դեպքում ընդհանրապես չլիցքավորվեն, կամ անեն դա շատ դանդաղ: Այս ողջ համակարգը կարող է մի ամբողջ կիլոգրամով ավելացնել ձեր ուապարկի քաշը: Այդ իսկ պատճառով պետք է լավ մտածել, արդյո՞ք դրա կարիքը կա, թե՞ ոչ: Եթե ձեր քայլարշավը չի տևելու մեկ շաբաթ կամ ավել, եթե այն լիովին ավտոնոմ չէ, ապա արևային վահանակ ունենալն անիմաստ է: Արևային վահանակները լինում են շատ տարբեր հզորությունների՝ 0.5-ից մինչև 75 վատ:

Արևային վահանակներ

Իրատեսական է ուսապարկում կրել առավելագույնը 20-25 վատ հզորություն ապահովող արևային վահանակ: Առավել հզորներն արդեն շատ ծանր կլինեն: Նմանատիպ վահանակներ կարող եք վերցնել երկարատև քեմփինգների ժամանակ, երբ ճամբարում տարբեր սարքեր կան, և դուք համեմատաբար պասիվ հանգստով եք զբաղված լինելու: Հաշվի առեք նաև այն, որ արևային վահանակի հզորությունն անմիջականորեն կախված է արևից: Այն պետք է ողջ մակերեսով ուղղված լինի դեպի արևը, իսկ առավելագույն հզորություն ապահովելու համար անհրաժեշտ է ուժեղ արև և անամպ երկինք լինի: Հզորությունը կախված է նաև աշխարհագրական դիրքից: Օրինակ Երևանում ավելի մեծ հզորություն կստացվի ապահովել, քան, օրինակ՝ Հելսինկիում:

Ինչպես խնայել լիցքը

Եվ վերջում մի քանի խորհուրդ ձեր գաջեթների լիցքն ավելի երկար պահելու համար:

• Պաշտպանեք բոլոր սարքերն ու մարտկոցները ցրտից: Փաթաթեք տաք շորերի և անջրանցիկ տոպրակների մեջ, որպեսզի չթրջվեն: Խոնավ շորն ավելի շուտ կսառեցնի, քան տաք կպահի:
• Բոլոր հեռախոսները, պլանշետներն ու ֆոտոխցիկներն էլ ունենում են խնայողական ռեժիմ՝ ակտիվացրեք այն, որպեսզի ձեր գաջեթները քիչ էներգիա վատնեն:
• Լեռներում, այսպես թե այնպես, ռադիոծածկույթ հիմնականում չի լինում: Եվ քանի որ ցանցի բացակայության դեպքում հեռախոսն ուժեղացնում է ալեհավաքի հզորությունը, որպեսզի կարողանա ցանց գտնել՝ այն արագացնում է մարտկոցի լիցքաթափումը: Այդ իսկ պատճառով սմարթֆոնները դրեք «ինքնաթիռի ռեժիմի» վրա: Այն անջատում է հեռախոսի ալեհավաքը և մնացած բոլոր անլար կապի մոդուլներն՝ ինչը զգալիորեն երկարացնում է մարտկոցի կյանքը: Այս ռեժիմով լեռներում հնարավոր է հեռախոսի մեկ լիցքով երեք օր քայլել, օգտվելով միայն GPS-ից և ժամանակ առ ժամանակ ֆոտոխցիկից: Նույն հեռախոսը քաղաքային պայմաններում մեկ լիցքով հազիվ թե երկու օր ապրի:

Գաջեթների վերալիցքավորումն արշավների ժամանակ / լուսանկարը՝ outdoorsymama.com-ից

• Ձեր սմարթֆոնը կամ ցանկացած այլ սարք կարող է անսպասելի լիցքաթափվել: Մի՛ վհատվեք: Փորձեք տեղափոխել այն տաք վայր, դրեք այն ուսապարկի մեջ՝ շրջապատված տաք շորերով, կամ ձեր բաճկոնի տակ: Հավանաբար այն պարզապես սառել է և տաքանալուց հետո դեռ մի որոշ ժամանակ կաշխատի՝ մինչև լիովին լիցքաթափվելը:
• Ունեցեք պահեստային հեռախոս: Վերցրեք ձեր կոճակներով հին Nokia-ն, կամ Sony Ericsson-ը, որը հեռու մի դարակում եք մոռացել: Քաջ հայտնի է, որ այդ հեռախոսները կարող էին շաբաթներով պահել լիցքավորումը: Այստեղ դրանք շատ պետք կգան:
• Եվ ի վերջո հստակ սահմանեք առաջնահերթ իրավիճակները: Օգտվեք սմարթֆոնից միայն անհրաժեշտության դեպքում՝ այսինքն խաղեր մի խաղացեք, ֆիլմեր մի դիտեք, թողեք ինտերնետը սոցիալական ցանցերով և գործնական նամակագրություններով հանդերձ: Հեռախոսը ձեզ կարող է անհրաժեշտ լինել, երբ անելանելի իրավիճակում հայտնվեք, կամ օգնություն կանչելու կարիք ունենաք:

Այսքանն այն մասին, թե ինչպես պետք է իրականացնել գաջեթների վերալիցքավորումն արշավների ժամանակ: Թեև խորհրուդրների մեծ մասն ակնհայտ էին, բայց պետք էր չէ՞, որ որևէ մեկը դրանք մեկ նյութի մեջ հավաքագրեր:

Արշավեք ապահով!

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Օգտակար է իմանալ

Բժշկական հակացուցումներ արշավների ժամանակ

Աշնանային արշավներ / Ինչպես պատրաստվել

Ինչպես պատրաստվել ձմեռային արշավներին

Պաշտպանություն թունավոր օձերից

Ջրի աղբյուրները լեռներում

Լեռնային հիվանդություն

Կլիմայավարժեցումը լեռներում

Ինչպե՞ս գիշերել վրանում և չմրսել

Ինչպե՞ս իրերը ճիշտ դասավորել ուսապարկում

Լապտերները կարելի է բաժանել երեք տեսակի.

• Ձեռքի
• Ճակատային
• Ճամբարային

Ձեր գլխվոր լապտերը պետք է լինի ճակատային: Այս լապտերները հարմար են, քանի որ ձեր ձեռքերը մնում են ազատ, իսկ լույսը միշտ ուղղված է լինում անմիջապես ձեր դիմաց:

Կարելի է ունենալ ևս մեկ՝ լրացուցիչ ձեռքի լապտեր՝ որոշ աշխատանքներ իրականացնելու համար, սակայն այն պարտադիր չէ: Դե իսկ ճամբարային լապտերները մեծ սարքավավորումներ են, որոնք նախատեսված են անշարժ ճամբարների համար: Նրանք ավելի մեծ են, ծանր և նպատակահարմար չեն ուսապարկում պահելու համար:

Ճակատային լապտերների չափորոշիչները

*Հզորություն

Չափվում է լյումեններով (lumen), որքան շատ՝ այնքան լավ: Սակայն պետք է հիշել, որ հզոր լապտերներն ավելի շատ էներգիա են ծախսում և արագ լիցքաթափվում: Սովորական արշավների համար 200-300 լյումեն հզորությունը լիովին բավարար է: Հնարավորության դեպքում կարող եք ավելի հզորն ընտրել, սակայն այն ավելի թանկ կլինի: Լույսի հզորությունը կախված է մարտկոցի մեջ եղած լարումից: Այդ իսկ պատճառով մարտկոցի լիցքաթափման հետ միասին ընկնում է նաև լույսի պայծառությունը: Ժամանակակից լապտերներն ունենում են էլեկտարէներգիայի կարգավորման համակարգեր, որի շնորհիվ լապտերը տալիս է կայուն, միջին հզորության լուսավորում՝ անկախ մարտկոցի լիցքից:

Արշավային լապտեր

Լապտերները հիմնականում ունեն լուսավորման երեք ռեժիմ՝ ուժեղ, թույլ և ստրոբասկոպ՝ թարթող լույս, որը պետք է գալիս նշան տալու, ձեր տեղը նշելու համար, օրինակ, երբ պետք է փրկարարների ուշադրությունը գրավել:

*Լույսի շթի հեռավորություն

Այս չափորոշիչը կախված է լապտերի հզորությունից, բայց ավելի հզոր չի նշանակում, որ լապտերը պարտադիր պետք է ուժեղ, կենտրոնացված լույսի շիթ գցի դեպի հեռուն: Այս ցուցանիշը ցույց է տալիս, թե առավելագույնն ինչ հեռավորության վրա է լապտերը ապահովում նվազագույն տեսանելի լուսավորում: Բայց միշտ չէ, որ հեռահար լույսի անհրաժեշտություն է լինում: Անհրաժեշտ է ունենալ լայն, ցրված լույս՝ ոտքերի տակ տեսնելու, քարտեզը լուսավորելու, ճամբարում որևէ աշխատանք կատարելու կամ վրանում լուսավորություն ապահովելու համար: Եթե լույսը լինի կենտրոնացված մի կետի վրա, ապա դուք չեք կարողանա լուսավորել ողջ տարածքը և ուժեղ լույսով կկուրացնեք ձեզ և ձեր կողքին գտնվող մարդկանց:  Այս խնդրի համար ժամանակակից լապտերներն ունենում են լուսավորման մի քանի ռեժիմ՝ մոտիկ, հեռահար և համակցված:

Արշավային լապտեր

Բարձր կարգի լապտերներն, ինչպես  Petzl-ը կամ Black Diamond-ը, ունեն խելացի համակարգ, որը, կախված գլխի դիրքից, ավտոմատ փոխում է լուսավորման տեսակը: Ալպինիզմի, երկարատև թրեքինգների ժամանակ ուժեղ, հեռահար լույսն անհրաժեշտություն է, իսկ համակցված տարբերակը հիմնական օգտագործվողն է:

Չինական լապտերներն ունենում են կիզակետի հեռավորությունը կարգավորող ոսպնյակ, որն աշխատում է լուսանկարչական սարքի խոշորացուման նման: Սա առավել պարզ տարբերակ է, և կարելի է ճշգրիտ կառավարել լույսի ուղղությունը: Սակայն սա հնացած տարբերակ է: Այն ծանր է լինում, լույսը հեռվում կորցնում է իր ուժը, իսկ ոսպնյակը հարվածներից կոտրվում է: Այսպիսի լապտերներ վաճառում են ցանկացած որսորդական խանութում և տարբեր տոնավաճառներում: Ընտրեք այսպիսի տարբերակ, եթե ձեզ պետք է բյուջետային տարբերակ: Սակայն հնարավորության դեպքում ընտրեք մասնագիտացված ընկերությունների լապտերները, որոնք ավելի որակյալ են, հարմարավետ և ունենում են տարբեր լրացուցիչ գործառույթներ՝ մշակված հատուկ արշավականների և լեռնագնացների համար:

Արշավային լապտեր

*Քաշ

Ինչքան թեթև, այնքան քիչ հնարավորություններ և հակառակը: Եթե երկարատև մի քանի օրանոց թրեքինգների չեք մասնակցելու, ապա նախապատվությունը տվեք պարզ մոդելներին: Իսկ առավել բարձրակարգ մոդելների մասին դեռ կխոսենք:

*Սնուցման տեսակ

Լինում են վերալիցքավորվող և մեկանգամյա օգտագործման AA կամ AAA տեսակի մարտկոցներով: Թեև վերալիցքավորվողներն առավել երկար են աշխատում մեկ լիցքով, և կարիք չի լինում անընդհատ գնել նոր մարտկոցներ, սակայն լեռներում այն վերալիցքավորելը կարող է խնդիրներ առաջացնել: Այդ իսկ պատճառով  նախընտրելի է վերցնել մեկանգամյա օգտագործման մարտկոցներով տարբերակը և մի քանի  պահեստային մարտկոց:

Ավելի թանկ մոդելներում լինում են այս երկուսի համակցումով տարբերակները: Օրինակ Petzl-ն ունի լապտերներ, որոնք սնուցվում են ստանդարտ AA տեսակի մարտկոցներով և հատուկ Core վերալիցքավորվող մարտկոցով: Նաև տարբերվում են մարտկոցների տեղադրությամբ: Հանդիպում է, որ մարտկոցները լապտերի հետ մեկ ընդհանուր հատվածում են լինում և առանձին արտաքին բլոկով, որը ամրանում է գլխի ետևում: Առաջին տարբերակը թեթև է և շատ տեղ չի զբաղեցնում:

Արշավային լապտեր

Իսկ երկրորդն էլ հարմար է նրանով, որ քաշը հավասարաչափ բաշխվում է գլխի վրա, ունենում է ավելի տարողունակ մեծ մարտկոց: Արտաքին բլոկը կարելի է նաև տեղադրել բաճկոնի կամ ուսապարկի ներսում, ինչով այն պաշտպանված կլինի ցրտից և շուտ չի լիցքաթավի:

*Պաշտպանվածություն

Լապտերները լինում են խոնավությունից, ջրից և փոշուց պաշտպանությամբ: Պաշտպանվածության մակարդակը չափվում է IPX չափորոշիչով: Պարզապես հիշեք՝ որքան մեծ է թիվն, այնքան ավելի լավ է պաշտպանված լապտերը: Այսինքն IPX1-ը կպաշտպանի ջրի կաթիլներից, IPX4-ը կպաշտպանի անձրևից, լապտերի վրա ջուր լցնելուց, իսկ IPX-7 մակարդակի լապտերը կարելի է ընկղմել ջրի մեջ՝ մինչև 1- 1.5 մետր խորությամբ, 30 րոպեով: Թրջվելու դեպքում ցանկալի է անջատել լապտերը, հանել մարտկոցը և չորացնել օդափոխվող տարածքում, բայց ոչ արևի անմիջական ճառագայթների տակ:

*Կարմիր լույս

Որոշ լապտերներ ունենում են լրացուցիչ կարմիր գույնի լույս: Քանի որ կարմիր գույնի լույսն ամենաերկար ալիքներն ունի և տալիս է կայուն և հանգիստ լույս՝ այն շատ հարմար է վրանի ներսը լուսավորելու համար:

Արշավային լապտեր

Կարմիր լույսը չի կուրացնում և չի ցավեցնում աչքերը, տալիս է կայուն և ցրված լույս: Այն հարմար է նաև գիշերը կենդանադիտարկում անելու համար, քանի որ կենդանիների մեծ մասը չեն տեսնում կարմիր գույնը:

Ամփոփելով ողջ հոդվածը՝ կարող ենք ասել, որ եթե դուք հազվադեպ եք գնում արշավների, չեք իրականացնում բարդ վերելքներ, կամ մի քանի օրանոց թրեքինգներ, ապա պետք չէ երկար մտածել: Ընտրեք մատչելի տարբերակ, որը կապահովի կայուն 100-200 լյումեն հզորության լույս և փոխվող մարտկոցներ: Ամեն դեպքում խորհուրդ ենք տալիս ընտրել հայտնի մասնագիտացված ընկերություններից և զերծ մնալ անհայտ ծագման լապտերներից, քանի որ դրանց վրա գրված տեխնիկական հատկությունները հիմնականում ճիշտ չեն լինում, դետալները ցածրորակ են, իսկ լուսադիոդը շուտ շարքից դուրս է գալիս:  Մարտկոցներն ավելի շուտ են նստում, քանի որ էլեկտրաէներգիայի ծախսն օպտիմիզացված չի լինում և մի շարք նմանատիպ թերություններ:

Արշավային լապտեր

Պարզ, բայց որակյալ լապտերն օնլայն խանութներում միջինում արժենում է 10-12.000 դրամ: Եթե դուք արդեն փորձառու արշավական եք, կամ պատրաստվում եք այդպիսին դառնալ և ավելի հաճախ եք գնում արշավներ, ավելի երկարատև, բարդ երթուղիներ եք ընտրում, ապա մեծ է հավանականությունը, որ դուք երկար ժամանակ քայլելու եք մթով: Այդ պատճառով պետք է ընտրեք ավելի բարձր կարգի արշավային լապտեր, որը կունենա լրացուցիչ ֆունկցիաներ, ավելի հզոր լույս և մարտկոց:

Եվ հիշե՛ք մի կարևոր բան․

լապտերն, ինչպես զենքը, պետք է լինի ձեռքի տակ, միշտ լիցքավորված և պատրաստ աշխատանքի: Միշտ ունեցեք պահեստային մարտկոցներ, արշավից տուն վերադառնալուց հետո ստուգեք մարտկոցի լիցքը և անհրաժեշտության դեպքում փոխեք կամ վերալիցքավորեք այն: Եվ երբե՛ք, կրկնում ենք, երբե՛ք մի հանեք լապտերն ուսապարկից և ուրիշ տեղ մի դրեք: Որովհետև հնարավոր է մի օր մոռանաք այն տանը և հենց այդ անգամն էլ դրա կարիքն ունենաք:

Արշաավե՛ք գրագետ։

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավային գույք և հանդերձանք

Արարատի վերելքին անհրաժեշտ պարագաների ցանկ

Մեկօրյա արշավին անհրաժեշտ պարագաների ցանկ

Ինչպես պատրաստվել գիշերակացով արշավներին

Տեխնիկական վերելքին անհրաժեշտ պարագաների ցանկ

Ջրաման, թե՞ պլաստիկ շիշ

Ինչպես ընտրել արշավային գլխարկ

Ինչպես լիցքավորել գաջեթներն արշավների ժամանակ

Արշավային լապտեր

Արշավային գուլպաներ

• Ջերմակարգավորում
• Քրտինքի հեռացում
• Կոմպրեսիոն հատկություն

Քրտինքի արդյունավետ հեռացում

Գուլպան պետք է արդյունավետ հեռացնի քտրինքը ոտքերից: Սա աշխատում է նույն սկզբունքով, ինչ թերմոներքնազգեստը: Սինթետիկ գործվածքը կլանում է քրտինքի կաթիլները և բաշխում առավելագույն մակերեսով, որպեսզի հնարավորինս արագ այն գոլորշիանա: Բացի այդ բարձրակարգ թերմոգուլպաները ունենում են գործվածքի վրա հատուկ ուղղորդող ալիքներ՝ ոտնաթաթից ճտքերով դեպի վերև: Սրանք  ուղղորդում են քրտինքի գոլորշու հոսքը դեպի վեր՝ արագացնելով նրա հեռացումը կոշիկի միջից: Շատերին ծանոթ տհաճ զգացողություն է, երբ գուլպաները խոնավանում են, կռկվում և սկսում սառեցնել ոտքը, իսկ շոգ եղանակին` գնդվում և քրտնախաշ անում: Խոնավ ոտքերը նաև ցրտահարվելու և սառելու գլխավոր պայմաններից են: Այդ իսկ պատճառով շատ կարևոր է, որ ոտքերը չոր մնան:

Թերմոգուլպա

Ճիշտ գուլպան պետք է ձմռանը չսառեցնի, իսկ ամռանը՝ չքրտնեցնի: Այստեղ պետք է շատ ուշադիր լինել, որպեսզի ընտրել համապատասխան գուլպա: Արշավային գուլպաները բազմազան են լինում՝ կախված կիրառության վայրից և նշանակությունից: Եվ պետք է հիշել, որ հաստ չի նշանակում ավելի տաք: Օրինակ՝ լեռնադահուկային գուլպաներն ավելի բարակ են լինում, քանի որ դահուկների կոշիկները պետք է ամուր գրկեն ոտքը: Դե իսկ թրեքինգների և լեռնագնացության համար նախատեսված գուլպաները կարող են փոքր-ինչ ավելի հաստ լինել, անկախ ջերմային հատկություններից, որպեսզի միջանկյալ բուֆերային տարածություն ստեղծեն ոտնաթաթի և կոշիկի միջև: Սա կարևոր է, որպեսզի վայրէջքների ժամանակ մատերը չհարվեն:

Ջերմակարգավորում

Ջերմային հատկությունները կախված են լինում գործվածքի խտությունից, օգտագգործվող նյութերից և գործվածքի ձևից: Սովորաբար, գուլպայի որոշակի հատվածներում լինում են տաք գործվածքով ուժեղացումներ, որոնք նախագծվում են այնպես, որ առավել արդյունավետ դարձնեն ջերմամեկուսացումը: Առավել ցուրտ պայմանների համար նախատեսված գուլպաներում գործվածքի բաղադրության մեջ ավելացվում է մերինոսի բուրդ, որը զգալիորեն բարձրացնում է ջերմամեկուսիչ հատկությունները՝ նվազագույնս ազդելով «շնչողունակության» վրա: Գուլպաների պիտակների վրա նշվում է, թե ինչ ջերմաստիճանային պայմաններում հագնելու համար են դրանք նախատեսված: Ուշադրություն դարձրեք պիտակին գուլպա ընտրելիս:

Կոմպրեսիոն հատկություն

Չափազանց կարևոր կետ է կոմպրեսիոն հատկությունները: Եթե երկու բառով, ապա գործվածքը որոշակի հատվածներից սեղմում է մկանները, ինչի շնորհիվ կարգավորում է արյան շրջանառությունը: Անկար գործվածքը նպաստում է գուլպայի դիմացկունությանը և հարմարավետությանը: Ժամանակակից գրեթե բոլոր գուլպաներ արտադրվում են այս եղանակով: Այսպիսի գուլպաներ հաճախ են օգտագործում վազորդները, թեթև ատլետները, տրիատլոնիստները: Այս սպորտաձևերում հոդերը և մկանները շատ ծանրաբեռնված են, այդ իսկ պատճառով անհրաժեշտ է կոմպրեսիոն գործվածքի օժանդակում՝ վնասվածքներից խուսափելու և ժամանակից շուտ չհոգնելու համար:

Արշավային գուլպաներ

Թերմոգուլպաներն ունենում են ձախ և աջ կողմեր, դա նույնպես արված է առավելագույն անատոմիական ձև հաղորդելու համար: Կարևոր է ուշադիր լինել չափն ընտրելիս: Եթե գուլպան փոքր լինի այն կսեղմի ոտքը, կկակշկանդի ձեր շարժումները և կխոչընդոտի արյան շրջանառությունը: Եթե գուլպան մեծ լինի, այն կծալքավորվի և կգնդվի կրունկի, կամ մատների մոտ, կհավաքվի ոտքի ու կոշիկի արանքում՝ հարելով ոտնաթաթը: Ժամանակակից գուլպաների վրա նշվում է ոտքի չափսը, այն սովորաբար լինում է որոշակի միջակայքում, օրինակ 40-43 չափսի համար: Ուղղորդվեք այս ցուցանիշով և հնարավորության դեպքում փորձեք գուլպան հագնել, զգացեք, թե ինչպես է այն նստում ոտքին, հագեք այն կոշիկի հետ, որով պետք է արշավի մասնակցեք, որպեսզի հստակ պատկերացնեք դրանց համադրությունը: Նաև շատ կարևոր է, որ գուլպան լինի կոշիկի ճտքից մի փոքր ավելի բարձր, որպեսզի կոշիկի լեզվակը չհարի ոտքի սրունքը:

Թերմոգուլպաների խնամքը

Ինչպես թերմոներքնազգեստն, այնպես էլ գուլպաները կարելի է լվանալ լվացքի մեքենայով: Սակայն կան մի քանի նրբություններ: Ջուրը չպետք է շատ տաք լինի՝ առավելագույնը 40-50 աստիճան: Լվացեք մեղմ ռեժիմով, օգտագործեք լվացքի գելեր փոշու փոխարեն, մի օգտագործեք սպիտակեցնող միջոցներ և կոնդիցիոներներ: Լվացքից հետո քամել կամ չորացնող մեքենայով չորացնել չի կարելի: Պետք է թաց վիճակում կախել և թողնել, որ քամվեն:

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավային գույք և հանդերձանք

Արարատի վերելքին անհրաժեշտ պարագաների ցանկ

Մեկօրյա արշավին անհրաժեշտ պարագաների ցանկ

Ինչպես պատրաստվել գիշերակացով արշավներին

Տեխնիկական վերելքին անհրաժեշտ պարագաների ցանկ

Ջրաման, թե՞ պլաստիկ շիշ

Ինչպես ընտրել արշավային գլխարկ

Ինչպես լիցքավորել գաջեթներն արշավների ժամանակ

Արշավային լապտեր

Արշավային գուլպաներ

Ձեռնոցը կատարում է երկու գործառույթ՝ պաշտպանական և ջերմացնող:

Ժայռամագլցման ու քարանձավախուզության ժամանակ, կամ պարզապես ամռանն արշավի մասնակցելիս կարելի է հագնել մատները կտրած բարակ կտորից ձեռնոցներ պաշտպանական ներդիրներով: Կհամապատասխանեն հեծանվորդի ձեռնոցները, կամ այնպիսի ձեռնոցներ, որոնք կրում են հատուկ ջոկատայինները: Դրանք կպաշտպանեն ձեր ձեռքերը քերծվածքներից և արևահարումից:

Արշավային ձեռնոց

Իսկ ձեռքերը ցրտից, քամուց և թրջվելուց պաշտպանելու հարցին ավելի լուրջ է պետք մոտենալ: Նախ ցանկալի է ունենալ մի քանի տարբեր հաստության ձեռնոց: Մեկ զույգ ֆլիսե, կամ նման այլ նյութից (օրինակ սոֆթշել) բարակ ձեռնոց՝ որպես առաջին շերտ: Սա պետք է որոշակի տաքություն ապահովի, բայց լինի փափուկ և բարակ, որպեսզի չկաշկանդի ձեր մատների շարժունակությունը, և դուք կարողանաք տարբեր գործողություններ կատարել: Ցանկալի է, որ այս ձեռնոցները լինեն ջրից որոշակի պաշտպանությամբ, որպեսզի խոնավ մակերեսներին և ձյանը դիպչելիս միանգամից չթրջվեն:

Տաք արշավային ձեռնոցներ

Հաջորդը վերցնում ենք հաստ և չափազանց տաք ձեռնոց՝ հատուկ ցուրտ պայմաններում կրելու համար: Հաճախ լինում են երկշերտ և միմյանցից առանձնացվող: Ներքին շերտը կարող է լինել փետուրե, բրդյա, ֆլիսե կամ այլ սինթետիկ մեկուսիչով, իսկ արտաքինը՝ պոլիէսթերի ջրակայուն շերտով, հաճախ պատահում է կաշվից, կորդուրայից և այլ ամուր գործվածքներից: Ձեռնոցներն ունենում են հետևյալ հնարավորությունները, որոնք ցանկալի է առկա լինեն․

• Մեմբրանե շերտի առկայություն
• Կաշվե ուժեղացումներ ափի մեջ, կոճերի հատվածում՝ վնասվածքներից հավելյալ պաշտպանության համար
• Բացվող շղթաներ, որոնց տակ կա ցանց, որը շոգ եղանակին ուժեղացնում է օդափոխությունը
• Ձեռնոցները ձեռքերից կախելու համար թելեր, որպեսզի անհրաժեշտության դեպքում հանեք և ձեռքերից կախած պահեք, ամեն անգամ ուսապարկի մեջ հանել-դնելու փոխարեն:
• Ցուցամատի և բթի վրա հատուկ շերտ, որի հանդեպ սմարտֆոնների էկրանները զգայուն կլինեն: Այսպիսով դուք հաստ ձեռնոցով կկարողանաք օգտվել ձեր հեռախոսից:

Թաթմաններ

Վիճելի հարց է, թե ո՞րն է ավելի լավ՝ տաք ձեռնոցը, թե՞ թաթմանը: Դե… երկուսն էլ ունեն իրենց լավ և վատ կողմերը: Պետք է ընտրել ըստ նշանակության:

Թաթմաներն էլ են լինում տարբեր՝

• բարակ ֆլիսե թաթմաններ,
• թեթև, բայց չափազանց տաք, փետուրե թաթմաններ,
• ջրակայուն շերտով, կոշտ թաթմաններ

Թաթմանի առավելությունը ձեռնոցի հանդեպ այն է, որ բոլոր մատներն ընդհանուր տարածքում են և ազատ, ոչ մի բան դրանց չի սեղմում և այդպիսով ավելի տաք են մնում: Այդ պատճառով կարելի է ավելի հաստ թաթման ընտրել, ավելի շատ ջերմամեկուսիչ լցոնումով: Սակայն թաթմանով ոչ մի աշխատանք չես կարող անել, բացի թրեքինգյաին փայտիկները կամ, օրինակ, սառցահատը բռնելուց: Դրա համար թաթմանի տակից պետք է հագնել համեմատաբար թեթև, բայց կրկին տաք ձեռնոց: Որպեսզի անհրաժեշտության դեպքում թաթմանը կարողանաք հանել և ձեռնոցով աշխատանք կատարել:

Հայաստանյան արշավների ժամանակ, անգամ ձմռանը (մինչև 3000մ), չեն հանդիպում այնպիսի պայմաններ, որտեղ թաթմանների անհրաժեշտություն լինի: Դրա կարիքը կարող է լինել, եթե դուք օրացույցային ձմեռով գնում եք Արագած, կամ Աժդահակ: Մնացած դեպքերում ամուր, ջրակայուն և տաք ներդիրով ձեռնոցը պետք է լիովին բավարար լինի:

Թաթման կաորղ է պետք գալ ինչպես Արարատի, այնպես էլ ավելի բարդ վերելքների ժամանակ։ Ամեն դեպքում փետուրե թաթմանները նախատեսված են էքստրեմալ սառը պայմաններում բարձրլեռնային վերելքենրի համար: Խորհուրդ կտանք վերցնել ավելի բարակ, բայց պինդ գործվածքով թաթման, որը հնարավոր կլինի հագնել այլ ձեռնոցի վրայից:

Անկախ նրանից, թե ինչ արշավային ձեռնոց և թաթման կվերցնեք, միշտ ունեցեք փոխնորդ ձեռնոց, քանի որ թրջվելու դեպքում ձեռնոցը հաշված րոպեների ընթացքում կցրտահարի ձեր ձեռքերը:

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավային գույք և հանդերձանք

Արարատի վերելքին անհրաժեշտ պարագաների ցանկ

Մեկօրյա արշավին անհրաժեշտ պարագաների ցանկ

Ինչպես պատրաստվել գիշերակացով արշավներին

Տեխնիկական վերելքին անհրաժեշտ պարագաների ցանկ

Ջրաման, թե՞ պլաստիկ շիշ

Ինչպես ընտրել արշավային գլխարկ

Ինչպես լիցքավորել գաջեթներն արշավների ժամանակ

Արշավային լապտեր

Արշավային գուլպաներ