Լուսանկարիչներ - Armenian Geographic - ArmGeo.am

Տիգրան Վարագ

armeniangeographic — Fri, 04 Oct 2019 09:29:54 +0000

Անհնար է ճանապարհորդել և չլուսանկարել

Մասնագիտությամբ աշխարհագրագետ եմ: Արշավների սկսել եմ մասնակցել դպրոցական տարիքից: Լուսանկարում եմ 2011-ից, լուսանկարիչ դառնալու նպատակ երբեք չեմ հետապնդել, ուղղակի անհնար է ճանապարհորդել և չլուսանկարել: Փորձում եմ լուսանկարների միջոցով ցույց տալ Հայաստանի բնությունը, կենցաղը, կյանքը: Ամենահաճելին այս գործում արձագանքն է, երբ լուսանկարիդ շնորհիվ մարդկանց մեջ զարթնում է նույնը իրենց աչքերով տեսնելու ցանկությունը: Լուսանկարներս հիմնականում տեղադրում եմ Armenian Geographic ֆեյսբուքյան էջում:

Ստորև ներկայացնում եմ «Արցախ» ֆոտոշարքը

Մեր ակումբի անդամները

Սիփան Գրիգորյան

armeniangeographic — Sat, 07 Sep 2019 11:30:36 +0000

2004-2011 թ. սովորել եմ Երևանի թատրոնի և կինոյի պետական ինստիտուտի կինոօպերատորական բաժնում: Քանի որ լուսանկարչությունը դա կինոօպերատորության հիմքն է` ես սիրեցի այն իմ մասնագիտության պես: Լուսանկարել սկսել եմ 2003 թվականից: Աշխատել եմ իմ մասնագիտությամբ հենց առաջին ուսանողական տարուց: Լուսանկարչությունն ինձ համար ինքնաարտահայտման, ինքնադրսևորման, հոգուս խոսքը մարդկանց հասցնելու միջոցն է:

Նախընտրում եմ մինիմալիզմը

Լուսանկարչության մեջ նախընտրում եմ մինիմալիզմը, սիմվոլիզմը, սյուրռեալիզմը և նատուրալիզմը: 2011-2016 թվականներին ժամանակավոր դադարեցի լուսանկարել: Բայց 2016 թվականի գարնանը ապրեցի վերածնունդ, և սկսեցի ինտենսիվ զբաղվել իմ սիրած գործով: Լուսանկարներս մասնակցել են ֆոտոմրցույթների և արժանացել մրցանակների: Արշավել սկսել եմ պատանեկության տարիներից, բայց ցավոք այդ ժամանակ ֆոտոխցիկ չունեի իմ տեսած հրաշքները ֆիքսելու ու իմ ապրած զգացողությունները դիտորդին փոխանցելու համար: Մինչ այս արշավում էի մենակ, սակայն 2016 թվականին ծանոթացա ARMGEO-ի հրաշալի անդամների հետ և իմ արշավական լուսանկարչությունը դարձավ էլ ավելի հետաքրքիր:

Մեր ակումբի անդամները

Հրաչուհի Այվազյան

armeniangeographic — Wed, 14 Aug 2019 04:37:12 +0000

Մասնագիտությամբ բանասեր եմ: Սկսել եմ լուսանկարել 2010 թվականից, բայց երկար ժամանակ էր ինչ չէի զբաղվում լուսանկարչությամբ..վերսկսեցի արշավների ժամանակ, քանի որ հնարավոր չէր տեսնել բնության հրաշքներն ու չհավերժացնել դրանք:

Արշավները սովորեցրին ինձ սիրել ու զգալ բնությունը

Լուսանկարներիս միջոցով փորձում եմ փոխանցել բնության գեղեցկությունը, մարդկանց հույզերն ու տվյալ պահին տիրող մթնոլորտը: Արշավները սովորեցրին ինձ սիրել ու զգալ բնությունը, մարդկանց..կյանքին ուրիշ աչքերով նայել ու լուսանկարել այն ինչը որ ոչ բոլորին է հասու:

Մեր ակումբի անդամները

Սասուն Դանիելյան

armeniangeographic — Tue, 28 Feb 2017 13:34:11 +0000

Մասնագիտությամբ գեղանկարիչ-դիզայներ եմ: Լուսանկարչությամբ զբաղվել եմ 2011 թվականից, սիրողական լուսանկարիչ եմ, հիմնականում լուսանկարում եմ բնությունը: Մանկությունս անց եմ կացրել սարերում և գյուղում, այդ իսկ պատճառով բնության տեսարաններն ինձ համար ամենահոգեհարազատն են:

Հիմնականում լուսանկարում եմ բնությունը

Արշավներ դեռևս փոքր ժամանակից եմ գնացել, լուսանկարչությամբ հիմնականում սկսեցի զբաղվել, երբ հասկացա, որ այն գեղեցիկ տեսարանները , որ տեսնում եմ հեռավոր գողտրիկ վայրերում, պետք է դարձնեմ հասարակությանը ճանաչելի: Վերջին տարիներին միացել եմ «Հայկական աշխարհագրական նախագծին», հետաքրքիր բացահայտումների ակնկալիքով:

Մեր ակումբի անդամները

Անի Բաղդասարյան

armeniangeographic — Tue, 13 Dec 2016 11:37:23 +0000

Մասնագիտությամբ գրաֆիկ-դիզայներ եմ: Լուսանկարում եմ 2012 թվականից, սիրում եմ հատկապես մակրոլուսանկարչությունը, մակրոաշխարհը, որտեղ սահմաններ չես գտնի, որտեղ չբացահայտվածը խառնվում է երևակայությանդ հետ:

Լուսանկարելիս միկրովայրկյանը դադարում է իր դինամիկան, դառնում է շոշափելի, դառնում է իմը:

Արշավել սկսել եմ 2015 թվականից: Լուսանկարելիս ինձ համար կարևոր է “մաքուր” լուսանկար ստանալը, լուսանկար, որը ֆոտոշոփի կարիք գրեթե չունի. առանց լարերի, առանց տեսարանը փակող շենքերի: Իսկ արշավներն այս առումով կատարյալ են:

Մեր ակումբի անդամները

Կարապետ Սահակյան

armeniangeographic — Thu, 14 Jul 2016 05:16:18 +0000

«ՊանՖոտո» (pan.am/photo) ֆոտոգործակալության լուսանկարիչ եմ։ 2012 թվականից Ալպինիզմի և Լեռնային Տուրիզմի Հայկական Ֆեդերացիայի անդամ եմ հանդիսանում։

Մասնագիտացած եմ բնության և ճանապարհորդական լուսանկարչության մեջ։

Համագործակցում եմ մի շարք տպագիր և առցանց գործակալությունների հետ։ Լուսանկարներիցս մի քանիսը համարվել են լավագույնը ՅՈՒՆԻՍԵՖ-ի կողմից իրականացված աճուրդում 2012 թվականին։

Լուսանկարը՝ Կարապետ Սահակյանի

Մեր ակումբի անդամները

Նորայր Հովհաննիսյան

armeniangeographic — Tue, 12 Jul 2016 12:16:06 +0000

Մասնագիտությամբ անասնաբույժ-փորձագետ եմ: Լուսանկարել սկսել եմ 2015 թվականից: Սիրում եմ լուսանկարել մարդկանց ու բնապատկերներ: Սկսել եմ արշավել 2013 թվականից, ArmGeo-ին միացել եմ 2016 թվականից: Ճանապարհորդելն ու արշավելը համարում եմ հանգստի լավագույն ձևերից մեկը, լուսանկարների միջոցով փորձում եմ արտացոլել այն գեղեցկությունը ու ապրումները որ զգում եմ արշավելու և բնության հետ հարաբերվելու ընթացքում:

Մեր ակումբի անդամները

Արաքս Ասատրյան

armeniangeographic — Fri, 03 Jul 2015 09:57:26 +0000

Մասնագիտությամբ բեմանկարիչ եմ. լուսանկարչությամբ զբաղվում եմ 2013 թվականից. արշավների մասնակցում եմ 2010 թվականից.

Մեր ակումբի անդամները

Բաբկեն Արզումանյան

armeniangeographic — Mon, 02 Mar 2015 14:46:06 +0000

Մասնագիտությամբ օպերատոր և լուսանկարիչ եմ: Լուսանկարչությամբ զբաղվում եմ 7 տարի:

Ինձ համար նախընտրելի ժանր է դիմանկարը, չնայած բնությունը զգալը, իհարկե, նույնպես անչափ հաճելի է: Դասական դիմանկարի կողմակից եմ ու սիրում եմ հենց բնական էմոցիաներ ու կյանք, ոչ մի ֆոտոսեսիա:

Լուսանկարչությունը փոխկապակցված է կյանքի բոլոր մնացած բաղադրիչների հետ

Արշավում եմ 2014 թվականից: Լուսանկարչության ու արշավների կապը շատ մեծ եմ համարում, նախ որովհետև լուսանկարչությունը փոխկապակցված է կյանքի բոլոր մնացած բաղադրիչների հետ, իսկ արշավներն ու ճանապարհորդությունները , հատկապես դժվար ու հեռավորները, անգնահատելի բնության երևույթ են, որը քչերին ծանոթ տեսարանների ու աննման մարդկանց հետ է ծանոթացնում, բացում մտահորիզոնն ու ստիպում սիրել Հայաստանը:

Մեր ակումբի անդամները

Արթուր Մանուչարյան

armeniangeographic — Mon, 02 Mar 2015 13:56:48 +0000

Մասնագիտությամբ կինո-հեռուստաօպերատոր եմ, աշխատում եմ հեռուստատեսությունում: Արշավների բավականին մեծ փորձ ունեմ, արշավում եմ 15 տարեկանից: Լուսանկարչությամբ զբաղվում եմ 1999 թվականից:

Նախընտրում եմ լուսանկարել բնություն

Արշավները, ճանապարհորդությունները և լուսանկարչությունը ինձ համար փոխկապակցվաց բաներ են, քանի որ ավելի շատ նախընտրում եմ լուսանկարել բնություն, ժանրային դիմանկարներ, գյուղական միջավայր: Աշխատաանքներս կարելի է տեսնել հետևյալ կայքերում՝

www.arthorius.photosight.ru
www.lifeisphoto.ru/Arthorius