Տևողությունը` 7 օր, 6 գիշեր

Վերելք Արարատ լեռ

Մանրամասների և գրանցվելու համար զանգահարեք 043 00 5165 կամ գրեք մեր ֆեյսբուքյան էջին:

2027 թ․-ին իրականացնելու ենք վերելք Արարատ լեռ:

Վերելքի օրերը՝ 

• 26.07-01.08
• 01.08-07.08
• 07.08-13.08 (6-օրյա ծրագիր)
• 16.08-22.08
• 22.08-28.08

Օր 1: Երևան – Անի – Բայազետ

Երևանից շարժվում ենք գիշերը: Ուղևորվում ենք հայ-վրացական սահման: Անցնելով Բավրայի անցակետը ուղևորվում ենք դեպի վրաց-թուրքական սահման (Կարծախի անցակետ): Դեպի Կարս տանող ճանապարհն անցնում է գեղատեսիլ Ծովակ Հյուսիսո լճի կողքով։

Առաջին կանգառը կլինի Բագրատունիների թագավորության մայրաքաղաք Անիում: Անիում շրջայցից հետո ուղևորվում ենք Բայազետ:

Գիշերակացը հյուրանոցում:

Առաջին օրվա համար ձեզ հետ ունեցեք սնունդ։ Բայազետում կլինենք երեկոյան։ Ճանապարհին սնվելու համար հարմար կանգառներ չունենք։

Անի

Օր 2: Առաջին Ճամբար / 3400 մ /

Բայազետի հյուրանոցից մեքենաներով կսկսենք մոտենալ Մասիսին: Մեքենան մեզ կհասցնի մինչև 2400 մետր բարձրություն: Այստեղից կսկսենք քայլել դեպի առաջին ճամբար, որը գտնվում է 3400 մետր բարձրության վրա։

Ծանր իրերը տեղափոխվելու են ձիերով:

Գիշերակացը՝ վրաններում:

Վերելք Արարատ

Երթուղու երկարությունը՝ 5 կմ

Հարաբերական բարձրությունը՝ 1000 մ

Օր 3: Երկրորդ ճամբար /  4200 մ /

Առավոտյան նախաճաշից հետո սկսում ենք վերելքն առաջին ճամբարից (3400 մ) դեպի երկրորդ ճամբար (4200 մ):

Ծանր իրերը տեղափոխվում են ձիերով:

Գիշերակացը՝ վրաններում:

Վերելք Արարատ

Երթուղու երկարությունը՝ 4 կմ

Հարաբերական բարձրությունը՝ 800 մ

Oր 4: Արարատի գագաթ / 5165 մ /

Գիշերը սկսում ենք վերելքը դեպի գագաթ (6-7 ժամ): Գագաթից վերադառնում ենք 4200 մ, հանգստանում ենք, հավաքում ենք իրերը և իջնում մինչև առաջին ճամբար (3400 մ):

Գիշերակացը առաջին ճամբարում՝ վրաններում:

Վերելք Արարատ

Երթուղու երկարությունը՝ 12 կմ

Հարաբերական բարձրությունը՝ 1000 մ

Օր 5: Վերադարձ Բայազետ

Առավոտյան նախաճաշից հետո իջնում ենք մինչև 2400 մ, որտեղից մեքենաները մեզ տեղափոխում են Բայազետ: Հյուրանոցում լոգանք ընդունելուց և հանգստանալուց հետո կայցելենք Իսահակ Փաշայի ամրոց։

Երթուղու երկարությունը՝ 5 կմ

Վերելք Արարատ

Երեկոյան բոլորս միասին կնշենք Արարատի վերելքը:

Գիշերակացը հյուրանոցում:

Օր 6: Բայազետ – Բերկրիի ջրվեժ – Վան

Առավոտյան նախաճաշից հետո ուղևորվում ենք Վան: Օրվա առաջին կանգառը Բերկրիի ջրվեժի մոտ է, որը սկիզբ է առնում Թոնդրակ լեռնազանգվածից և գահավիժում է մոտ 15 մետր բարձրությունից։

Հաջորդ կանգառը Վանում է։ Կբարձրանանք Վանի երեքհազարամյա բերդը և վերևից կտեսնենք Վան քաղաքը, Քաղաքամեջ թաղամասի ավերակները, Վարագ լեռըն ու Վանա լիճը։

Աղթամար

Եվ իհարկե կտեսնենք Վանի խորհրդանիշը հանդիսացող կատուներին։ Կայցելենք Վանա կատուների բուծարան և կտեսնենք տարբեր աչքերի գույն ունեցող հանրահայտ կատուներին։ Այնուհետև կճաշակենք Վանա տառեխը, կնավարկենք դեպի Աղթամար կղզի: Կլողանք Վանի կապուտակ ջրերում:

Երեկոյան վերադարձ Բայազետ:

Գիշերակացը հյուրանոցում:

Օր 7: Բայազետ – Կարս – Երևան

Առավոտյան նախաճաշից հետո ուղևորվում ենք Կարս: Կտեսնենք Առաքելոց եկեղեցին, Կարսի բերդը և Վարդանի կամուրջը:

Վերադարձ Երևան:

Կարս / Վերելք Արարատ

Ճամփորդության արժեքը՝ $ 950 (համարժեք դրամ)

Եթե ցանկանում եք գիշերել մեկտեղանոց սենյակում, ապա հավելավճարը կկազմի $ 100 (համարժեք դրամ)։

Արժեքի մեջ ներառված է`

• Տրանսպորտը
• Հյուրանոցը
• Նախաճաշը հյուրանոցում
• Լեռնային ուղեկցորդների ծառայությունը
• Լեռնային խոհարարի ծառայությունը
• Երեքանգամյա սնունդը սարի վրա (նախաճաշ, լանչբոքս, ընթրիք)
• Բոլոր տեսարժան վայրերի մուտքավճարները
• Վրանների, ներքնակների, կատվիկների տրամադրումը
• Ծանր իրերի տեղափոխումը ձիերով
• Վերելքի թույլտվությունը
• Արարատ բարձրանալու վկայականը (հավաստագիր «Հայկական աշխարհագրական նախագծի» և «Ալպինիզմի և լեռնային տուրիզմի հայկական ֆեդերացիայի» կողմից)
• դեպի Աղթամար կղզի նավարկութան գումարը

Արժեքի մեջ ներառված չէ՝

• Քաղաքներում ճաշն ու ընթրիքը
• Քնապարկը
• Արկածային ապահովագրությունը (պարտադիր)
• Պարտադիր բժշկական ապահովագրություն Վրաստան մուտքի համար
• Վիզայի արժեքը (ցանկության դեպքում մենք կարող ենք պատրաստել: Արժեքը ՀՀ քաղաքացիների համար՝ 17 000 դրամ)

Հաճախ տրվող հարցեր Արարատի վերելքի մասին

Եթե ​​պատրաստվում եք մասնակցել Արարատ լեռան վերելքին, ապա անպայման կարդացեք այս օգտակար հոդվածները.

Ինչպես պատրաստվել Արարատի վերելքին

Արարատի վերելքին անհրաժեշտ պարագաների ցանկ

6 պատճառ, թե ինչո՞ւ պետք է բարձրանալ Արարատ հենց մեզ հետ

1. Մենք մասնագիտացված ենք արշավների և լեռնագնացության բնագավառում
2. Կազմակերպել ենք 5 000-ից ավել արշավ և լեռնային վերելք Հայաստանում և Հայաստանի սահմաններից դուրս
3. Արդեն իսկ 500-ից ավել մասնակիցներ մեզ հետ բարձրացել են Արարատի գագաթ
4. Խումբը ղեկավարում են միայն փորձառու լեռնային ուղեկցորդները
5. Աշխատում ենք տեղացիների հետ, ովքեր ունեն Արարատի վերելքի կազմակերպման երկար տարիների փորձ
6. Ողջ տարվա ընթացքում կազմակերպում ենք նախապատրաստական վերելքներ, բոլոր մասնակիցների հարցերին տալիս ենք սպառիչ պատասխաններ՝ գործնականում փորձի փոխանակման շնորհիվ

Մեկնելուց առաջ կլինեն հավաքներ և նախապատրաստական վերելքներ, որոնց ընթացքում կպատասխանենք մասնակիցների բոլոր հարցերին:

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին

Արարատվածների պատմությունները

Այս ամառ բարձրանում ենք Արարատ

Արարատի գագաթին՝ երազանքից իրականություն

Արարատը՝ հավերժական սեր

Երազանքի կանչով դեպի Արարատ

Արարատը սկսվում է երազանքից

Երազանքից մինչև իրականություն

Արարատն ապացուցեց, որ այն պարզապես սիմվոլիկա չէ

Արարատը կարծես մի երազ լինի

Արարատը սարի, մարդկանց ու սիրո մասին է

Վերելք Արարատ

Մանրամասների և գրանցվելու համար զանգահարեք 043 00 5165 կամ գրեք մեր ֆեյսբուքյան էջին:

Վերելքի օրերը՝ 

07.08-13.08, 2027

Օր 1: Երևան – Անի – Բայազետ

Երևանից շարժվում ենք գիշերը: Ուղևորվում ենք հայ-վրացական սահման: Անցնելով Բավրայի անցակետը ուղևորվում ենք դեպի վրաց-թուրքական սահման (Կարծախի անցակետ): Դեպի Կարս տանող ճանապարհն անցնում է գեղատեսիլ Ծովակ Հյուսիսո լճի կողքով։

Ժամանում Բայազեթ

Առաջին կանգառը կլինի Բագրատունիների թագավորության մայրաքաղաք Անիում: Անիում շրջայցից հետո ուղևորվում ենք Բայազետ:

Գիշերակացը հյուրանոցում:

Օր 2: Առաջին Ճամբար / 3400 մ /

Բայազետի հյուրանոցից մեքենաներով կսկսենք մոտենալ Մասիսին: Մեքենան մեզ կհասցնի մինչև 2400 մ բարձրություն: Այստեղից մինչև 3400 մ կլինի քայլարշավ (4-5 ժամ): Ծանր իրերը տեղափոխվելու են ձիերով:

Գիշերակացը՝ վրաններում:

Արարատի առաջին ճամբար

Երթուղու երկարությունը՝ 5 կմ

Հարաբերական բարձրությունը՝ 1000 մ

Օր 3: Երկրորդ ճամբար /  4200 մ /

Առավոտյան նախաճաշից հետո սկսում ենք վերելքն առաջին ճամբարից (3400մ) դեպի երկրորդ ճամբար (4200մ): Վերելքը տևում է մոտ 4-ից 5 ժամ: Ծանր իրերը տեղափոխվում են ձիերով:

Գիշերակացը՝ վրաններում:

Վերելք Արարատ

Երթուղու երկարությունը՝ 4 կմ

Հարաբերական բարձրությունը՝ 800 մ

Oր 4: Արարատի գագաթ / 5165 մ / – Վերադարձ առաջին ճամբար

Գիշերը սկսում ենք վերելքը դեպի գագաթ (6-7 ժամ): Գագաթից վերադառնում ենք 4200 մ, հանգստանում ենք, հավաքում ենք իրերը և իջնում մինչև 3400 մ, որտեղ էլ կգիշերենք:

Գիշերակացը՝ վրաններում։

Վերելք Արարատ

Երթուղու երկարությունը՝ 12 կմ

Հարաբերական բարձրությունը՝ 1000 մ

Օր 5: Վերադարձ Բայազետ

Առավոտյան նախաճաշից հետո իջնում ենք մինչև 2400 մ, որտեղից մեքենաները մեզ տեղափոխում են Բայազետ: Հյուրանոցում լոգանք ընդունելուց և հանգստանալուց հետո կայցելենք Իսահակ Փաշայի ամրոց։

Երթուղու երկարությունը՝ 5 կմ

Վերելք Արարատ

Երեկոյան բոլորս միասին կնշենք Արարատի վերելքը:

Գիշերակացը հյուրանոցում:

Օր 6: Բայազետ – Կարս – Երևան

Առավոտյան նախաճաշից հետո ուղևորվում ենք Կարս: Կտեսնենք Առաքելոց եկեղեցին, Կարսի բերդը և Վարդանի կամուրջը:

Վերադարձ Երևան:

Կարս / Վերելք Արարատ

Ճամփորդության արժեքը՝ 800 $ (համարժեք դրամ)

Եթե ցանկանում եք գիշերել մեկտեղանոց սենյակում և վրանում, ապա հավելավճարը կկազմի $ 160 (համարժեք դրամ)։

Արժեքի մեջ ներառված է`

• Տրանսպորտը
• Հյուրանոցը
• Սնունդը սարի վրա՝ վերելքի ողջ ընթացքում
• Հյուրանոցի նախաճաշերը
• Հայ և քուրդ ուղեկցորդների ծառայությունները
• Անիի մուտքավճարները
• Վրանների, ներքնակների, կատվիկների տրամադրումը
• Ձիերի վարձակալությունը
• Ամենագնացների ծառայություն
• Արարատ բարձրանալու վկայականը (հավաստագիր «Հայկական աշխարհագրական նախագծի» և «Ալպինիզմի և լեռնային տուրիզմի հայկական ֆեդերացիայի» կողմից)

Եթե ​​պատրաստվում եք մասնակցել Արարատ լեռան վերելքին, ապա անպայման կարդացեք մեր օգտակար հոդվածները.

Ինչպես պատրաստվել Արարատի վերելքին

Արարատի վերելքին անհրաժեշտ պարագաների ցանկ

6 պատճառ, թե ինչո՞ւ պետք է բարձրանալ Արարատ հենց մեզ հետ

1. Մենք մասնագիտացված ենք արշավների և լեռնագնացության բնագավառում
2. Կազմակերպել ենք 5 000-ից ավել արշավ և լեռնային վերելք Հայաստանում և Հայաստանի սահմաններից դուրս
3. Արդեն իսկ 500-ից ավել մասնակիցներ մեզ հետ բարձրացել են Արարատի գագաթ
4. Խումբը ղեկավարում են միայն փորձառու լեռնային ուղեկցորդները
5. Աշխատում ենք տեղացիների հետ, ովքեր ունեն Արարատի վերելքի կազմակերպման երկար տարիների փորձ
6. Ողջ տարվա ընթացքում կազմակերպում ենք նախապատրաստական վերելքներ, բոլոր մասնակիցների հարցերին տալիս ենք սպառիչ պատասխաններ՝ գործնականում փորձի փոխանակման շնորհիվ

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին

Արարատվածների պատմությունները

Այս ամառ բարձրանում ենք Արարատ

Արարատի գագաթին՝ երազանքից իրականություն

Արարատը՝ հավերժական սեր

Երազանքի կանչով դեպի Արարատ

Արարատը սկսվում է երազանքից

Երազանքից մինչև իրականություն

Արարատն ապացուցեց, որ այն պարզապես սիմվոլիկա չէ

Արարատը կարծես մի երազ լինի

Արարատը սարի, մարդկանց ու սիրո մասին է

Հիմալայներ՝ Աստվածային երթուղի

Մեր վստահելի գործընկերոջ հետ միասին մշակել ենք այնպիսի երթուղի, որն անցնում է ոչ մարդաշատ արահետներով՝ ողողված նեպալյան շնչով, կոլորիտով և կուսական բնությամբ։ Այսպիսի ուղղություններն ավելի լավ են օգնում մխրճվել երկրի մշակույթի և սովորույթների մեջ, վայելել ամեն քայլը և ավելի խորը զգալ բնության ու լեռների ոգին։

Մեր երթուղին անցնում է Մաչապուչարե սուրբ լեռան լանջերով և ուղեկցվում է լեռան հզոր տեսարաններով։ Ըստ ավանդության՝ հենց այս լեռան գագաթին է բնակվում Շիվա աստվածը։ Հենց այս պատճառով էլ այն սուրբ է համարվում և փակ է լեռնագնացության համար։ Բայց ոչինչ մեզ չի խանգարում քայլել լեռան լանջերով ու վայելել բացվող տեսարանները։ 

Ողջ երթուղու ընթացքում քայլելու ենք թեթև ուսապարկերով, իսկ ծանր իրերը տեղափոխելու են բեռնակիրները։

Ճամփորդության ծրագիրն ըստ օրերի՝

Օր 1։ Մեկնում Երևանից դեպի Կատմանդու

Ժամանում Կատմանդու քաղաքի միջազգային օդանավակայան և տեղափոխում հյուրանոց։

Օր 2։ Կատմանդու

Երկրորդ օրը կիրականացնենք զբոսանք Կատմանդու քաղաքում։

Կատմանդու

Օր 3։ Կատմանդու – Պոկհարա

Երրորդ օրը կուղևորվենք դեպի Պոկհարա։ Ճանապարհը կտևի 7-8 ժամ։ Օրվա ավարտին կարող ենք շրջել քաղաքում, վայելելով տեղի մթնոլորտը։

Պոկհարա

Օր 4։ Պոկհարա – Կանդե

Պոկհարայից մեքենայով մոտ մեկ ժամում կհասնենք Կանդե, որտեղից էլ կսկսվի մեր քայլարշավը: Անցնելով կանաչապատ բլուրներով և անտառներով կհասնենք Դեուրալիի լեռնանցք։ Շարունակելով մեր երթուղին տարբեր գյուղերով՝ կվայելենք հեռվում երևացող ձյունածածկ գագաթների հիասքանչ տեսարանները:

• Վերելքի տևողությունը՝ 3-4 ժամ
• Երթուղու երկարությունը՝ 5-6 կմ
• 550 մ ↑, 150 մ ↓

Օր 5։ Առաջին ճամբար (3050 մ)

Այսօրվա քայլարշավի ընթացքում կանցնենք մարգագետիններով, որտեղից բացվում են հիասքանչ տեսարաններ դեպի Անապուրնայի լեռնաշղթան: Ապա կշարունակենք վերելքը դեպի առաջին ճամբար: Ճանապարհին հանդիպում են լեռնային այծեր, բծավոր եղջերուներ և այլ էկզոտիկ կենդանիներ։

Մարդի Հիմալի բազային ճամբար

Գիշերակացը՝ լեռնային հյուրատանը:

• Վերելքի տևողությունը՝ 5-6 ժամ
• Երթուղու երկարությունը՝ 12-13 կմ
• 1200 մ ↑, 300 մ ↓

Օր 6։ Երկրորդ ճամբար (3600 մ)

Նախաճաշից հետո կուղևորվենք դեպի երկրորդ ճամբար։ Այս երթուղին արշավի ամենագեղեցիկ հատվածներից մեկն է։ Կքայլենք մոտավորապես 3-4 ժամ։

Մարդի Հիմալ բազային ճամբար

Գիշերակացը՝ լեռնային հյուրատանը:

• Երթուղու երկարությունը՝ 5-6 կմ
• 550 մ ↑

Օր 7։ Մարդի Հիմալի բազային ճամբար (4500 մ)

Այսօր մեր ճանապարհորդության ամենասպասված օրն է․ կհասնենք Մարդի Հիմալ բազային ճամբար։ Այստեղից մեզ կբացվեն Հիմալայների ամենագեղեցիկ տեսարաններից մեկը՝ Մարդի Հիմալ (5 587 մ), Անապուրնա I (8 091 մ), Հարավային Անապուրնա (7 219 մ), Հինչուլի (6 441 մ), Բարա Շիքհար (Կռունկ լեռ) (7 647 մ), Մաչապուչարե (6 993 մ) և այլ տպավորիչ գագաթներ։

Մարդի Հիմալ բազային ճամբար

Այնուհետև կիջնենք Բադալ Դանդա՝ գիշերակացի համար։

• Վերելքի տևողությունը՝ 9-10 ժամ
• Երթուղու երկարությունը՝ 15 կմ
• 1300 մ ↑, 1600 մ ↓

Օր 8։ Սիդհինգ – Պոկհարա

Այսօր մենք հրաժեշտ ենք տալիս բարձր լեռների աշխարհին և քայլում դեպի Սիդհինգ։ Օրվա ավարտին կհասնենք Սիդհինգ բնակավայրը, որտեղ էլ ավարտվում է մեր ճամփորդության արշավային հատվածը և սկսվում մոտ 2 ժամ տևողությամբ ճանապարհը դեպի Պոկհարա։

• Վերելքի տևողությունը՝ 3-4 ժամ
• Երթուղու երկարությունը՝ 7 կմ
• 110 մ ↑, 1650 մ ↓

Օր 9։ Դեպի Կատմանդու

Այսօր կվերադառնանք Կատմանդու և երեկոյան կշրջենք քաղաքում։

Օր 10։ Վերադարձ

Կուղևորվենք օդանավակայան և կվերադառնանք տուն։

Ճամփորդության արժեքը՝ 1275 $ (համարժեք դրամ)

Արժեքը ներառում է՝

• Ուղեկցորդների ծառայությունը
• Տրանսպորտը
• Գիշերակացը և նախաճաշը Կատմանդուի 3* հյուրանոցում (2 գիշեր)
• Գիշերակացը և նախաճաշը Պոկհարայի 3* հյուրանոցում (2 գիշեր)
• Երեքանգամյա սնունդը արշավի ընթացքում 
• Բոլոր գիշերակացերը լեռան վրա
• Բոլոր անհրաժեշտ փաստաթղթերը և թույլտվությունները
• Բեռնակիրների ծառայությունը (15 կգ յուրաք․ արշավականի հաշվարկով)

Արժեքը չի ներառում՝

• Միջազգային ավիատոմսերը (700-800$)
• Վիզայի արժեքը (ՀՀ քաղաքացիների համար՝ անձը 30$)
• Էքստրեմալ ճամփորդական պահովագրությունը
• Ճաշն ու ընթրիքը քաղաքներում
• Անձնական ծախսերը 
• Անձնակազմի թեյավճարները (150$)

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

Վերելք Արայի լեռ / Հյուսիսային երթուղով

Գոշավանքից Խաչարձան

Երեք բազեների արահետ

Արշավ Ծաղկաշատից Սանահին

Վերելք Վիթասար

Վերելք Գոմբակ լեռ

2026 թվականի նոյեմբերի 1-ից 15-ը հրավիրում ենք մասնակցել մեր արշավին ու մի քայլ ավելի մոտ լինել աշխարհի ամենաբարձր և ամենացանկալի գագաթին, հայտնվել լեռնագնացների միջավայրում, ծանոթանալ Շերպերի կենցաղին ու վերջապես վայելել աշխարհի հսկաների շլացուցիչ տեսարանները։

Ճամփորդության ծրագիրն ըստ օրերի՝

Օր 1։ Ժամանում Կատմանդու

Ժամանում Կատմանդու քաղաքի միջազգային օդանավակայան և տեղափոխում հյուրանոց։

Էվերեստի բազային ճամբար

Օր 2։ Կատմանդու – Լուկլա (2700մ) – Փակդինգ (2900մ)

Առավոտյան ինքնաթիռով կուղևորվենք Լուկլա, որտեղից կսկսենք մեր արշավը դեպի Էվերեստի բազային ճամբար։
Լուկլայում կհանդիպենք շերպաների անձնակազմին և կսկսենք արշավը Դուդհ Կոսի գետի երկայնքով դեպի Փակդինգ։

Էվերեստի բազային ճամբար

Թռիչքն իրականացվելու է Dornier կամ Twin Otter տեսակի ինքնաթիռներով։ Թռիչքի տևողությունը մոտ 30 րոպե։

Էվերեստի բազային ճամբար

• Վերելքի տևողությունը՝ 3-4 ժամ
• Երթուղու երկարությունը՝ 8 կմ
• Հարաբերական բարձրությունը՝ 400 մ

Օր 3։ Փակդինգ (2900 մ) – Նամչե Բազար (3440 մ)

Առավոտյան, նախաճաշից հետո, կշարունակենք մեր քայլարշավը դեպի Նամչե Բազար՝ Խումբու շրջանի ամենամեծ ու կարևոր բնակավայրը։

• Վերելքի տևողությունը՝ 5-6 ժամ
• Երթուղու երկարությունը՝ 11 կմ
• Հարաբերական բարձրությունը՝ 960 մ

Նամչե Բազար

Օր 4։ Կլիմայավարժեցում Նամչե Բազարում

Մեր ճամփորդության չորրորդ օրը կանցկացնենք Նամչե Բազարում՝ զբոսնելով քաղաքում և վայելելով մեզ շրջապատող հսկա լեռների տեսարանները։
Ցանկության դեպքում կարող ենք բարձրանալ Սյանգբոչե (3800մ), որտեղից բացվում է հիանալի տեսարան դեպի Էվերեստ, Լհոցզե, Ամա Դաբլամ, Խումբիլա լեռները։

Նամչե Բազար

Օր 5։ Նամչե Բազար (3440մ) – Թենգբոչե (3860մ)

Առավոտյան, նախաճաշից հետո, կշարունակենք վերելքը դեպի Թենգբոչե քաղաք։ Այստեղ է գտնվում համանուն Բուդդիստական վանքը, որը Խումբու շրջանի ամենամեծ գոմպան է (Բուդդիստական ուսումնական և հոգևոր կառույց)։

• Վերելքի տևողությունը՝ 5-6 ժամ
• Երթուղու երկարությունը՝ 10 կմ
• Հարաբերական բարձրությունը՝ 1150 մ

Թենգբոչե վանք

Օր 6։ Թենգբոչե (3860մ) – Դինգբոչե (4410մ)

Առավոտյան կեչիների անտառով կքայլենք դեպի Դինգբոչե գյուղը։ Ճանապարհին կանցնենք Պանգբոչե գյուղով, որը տեղակայված է Ամա Դաբլամի փեշերին։

• Վերելքի տևողությունը՝ 5-6 ժամ
• Երթուղու երկարությունը՝ 11 կմ
• Հարաբերական բարձրությունը՝ 950 մ

Էվերեստի բազային ճամբար

Օր 7։ Դինգբոչե (4410մ) – Լոբուչե (4940մ)

Լոբուչեն մեր արահետի երկրորդ ամենաբարձր գյուղն է։ Այստեղից երևում է ողջ Խումբու սառցադաշտը։
Լոբուչե տանող ճանապարհին մենք կանցնենք Թուկլայի լեռնանցքով, որտեղ գտնվում է Էվերեստից այդպես էլ չվերադարձած լեռնագնացների և շերպերի հիշատակին նվիրված սրբավայրը։

• Վերելքի տևողությունը՝ 5-6 ժամ
• Երթուղու երկարությունը՝ 10 կմ
• Հարաբերական բարձրությունը՝ 900 մ

Էվերեստի բազային ճամբար / Լոբուչե

Օր 8։ Լոբուչե (4940մ) – Էվերեստի բազային ճամբար (5360մ) – Գորակ Շեպ (5150մ)

Սա մեր ճամփորդության ամենասպասված օրն է, քանի որ այսօր քայլելու ենք դեպի Էվերեստի բազային ճամբար։
Երթուղու սկզբում Լոբուչեից կքայլենք դեպի Գորակ Շեպ, որը մոտ 3-4 ժամ կտևի, որից հետո կշարունակենք ճանապարհը դեպի բազային ճամբար։
Շրջապատված լինելով աշխարհի ամենաբարձր լեռնագագաթներով ու վայելելով դրանց վեհությունը կվերադառնանք Գորակ Շեպ։

• Վերելքի տևողությունը՝ 7-8 ժամ
• Երթուղու երկարությունը՝ 14 կմ
• Հարաբերական բարձրությունը՝ 700 մ

Էվերեստի բազային ճամբար

Օր 9։ Գորակ Շեպ (5150մ) – Կալա Պատթար (5644մ) – Փանգբոչե (3900մ)

Առավոտյան, նախաճաշից հետո, կսկսենք բարձրանալ Կալա Պատթար լեռնագագթը, որտեղից բացվում է շլացուցիչ տեսարան դեպի Հիմալայան հսկաների ձյունածածկ գագաթները։

• Վերելքի տևողությունը՝ 8-9 ժամ
• Երթուղու երկարությունը՝ 18 կմ
• Հարաբերական բարձրությունը՝ 494 մ

Դեպի Կալա Պատհար

Օր 10։ Փանգբոչե (3900մ) – Նամչե Բազար (3440մ)

Առավոտյան կվերադառնանք Նամչե Բազար, որտեղ էլ կգիշերենք։

• Քայլարշավի տևողությունը՝ 6-7 ժամ
• Երթուղու երկարությունը՝ 15 կմ

Փանգբոչե – Նամչե Բազար

Օր 11։ Նամչե Բազար (3440մ) – Լուկլա (2700մ)

Հրաժեշտ ենք տալիս լեռներին ու վերադառնում Լուկլա, որտեղ կանցկացնենք գիշերակացը։

• Քայլարշավի տևողությունը՝ 6-7 ժամ
• Երթուղու երկարությունը՝ 19 կմ

Նամչե Բազար – Լուկլա

Օր 12։ Լուկլա (2700մ) – Կատմանդու

Առավոտյան փոքրիկ ինքնաթիռով կվերադառնանք Կատմանդու։ Կունենանք երեկոյան զբոսանք քաղաքում։

Կատմանդու

Օր 13։ Զբոսանք Կատմանդույում

Այս օրն ամբողջության նվիրված կլինի Կատմանդուին։ Կզբոսնենք Կատմանդուի հայտնի տաճարներով, ժամանակ կունենանք շրջել շուկայում։

Կատմանդու

Օր 14։ Վերադարձ

Կուղևորվենք օդանավակայան և կվերադառանքն տուն մի մեծ ուսապարկ հիշողություններ ու փորձ հավաքած։

Ճամփորդության արժեքը՝ 1950 $ (համարժեք դրամ)

Արժեքը ներառում է՝

• Ուղեկցորդների ծառայությունը
• Տրանսպորտը
• Կատմանդու – Լուկլա – Կատմանդու ավիատոմսը
• Գիշերակացը և նախաճաշը Կատմանդուի 3* հյուրանոցում (3 գիշեր)
• Երեքանգամյա սնունդը արշավի ընթացքում (12 նախաճաշ, 11 լանչ, 11 ընթրիք)
• Բոլոր գիշերակացերը լեռան վրա (10 գիշեր)
• Բոլոր անհրաժեշտ փաստաթղթերը և թույլտվությունները
• Բեռնակիրների ծառայությունը (15 կգ յուրաք․ արշավականի հաշվարկով)

Արժեքը չի ներառում՝

• Միջազգային ավիատոմսերը (մոտ 800$)
• Վիզայի արժեքը (ՀՀ քաղաքացիների համար՝ անձը 30$)
• Ապահովագրությունը
• Ճաշն ու ընթրիքը Կատմանդույում
• Անձնական ծախսերը 
• Անձնակազմի թեյավճարները (150$)

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

Վերելք Արայի լեռ / Հյուսիսային երթուղով

Գոշավանքից Խաչարձան

Երեք բազեների արահետ

Արշավ Ծաղկաշատից Սանահին

Վերելք Վիթասար

Վերելք Գոմբակ լեռ

Մեր ճամփորդության հիմնական նպատակն Էկվադորի ամենաբարձր կետը՝ Չիմբորասո (6263 մ) հրաբուխը բարձրանալն է, որը համարվում է Երկրագնդի կենտրոնից ամենահեռու կետը։  Չիմբորասոն ծովի մակարդակից աշխարհի ամենաբարձր լեռը չէ, բայց, գտնվելով հասարակածային ուռուցիկության վրա, այն երկրի կենտրոնից ամենահեռու կետն է։
Կունենանք արշավներով ու արկածներով լի օրեր՝ վայելելով Անդերի շքեղ լանդշաֆտները, ճանաչելով էկվադորյան մշակույթն ու մեր լեռների ցանկն ավելացնելով 6000+ մ գագաթով:

Ճամփորդության ծրագիրն ըստ օրերի՝

Օր: 1 Երևան – Կիտո

Ժամանում Կիտո քաղաք, որը գտնվում է 2850 մ բարձրության վրա։ Մեզ կդիմավորեն և կտեղափոխեն հյուրանոց: Մի փոքր հանգստանալուց և երկար թռիչքից ուժերը վերականգնելուց հետո կզբոսնենք քաղաքում։ 

Կիտո

Օր: 2 Կիտո քաղաքը և «Աշխարհի կենտրոն»-ը

Առավոտյան մեր տեղացի գիդի հետ կշրջենք Կիտոյի պատմական կենտրոնում։ Կիտոն 1978 թվականին ՅՈՒՆԵՍԿՕ-ի կողմից Համաշխարհային ժառանգության ցանկում գրանցված առաջին քաղաքներից մեկն է եղել։ Ճաշից հետո կուղևորվենք հյուսիս՝ այցելելու Միտադ Դել Մունդո (Աշխարհի կենտրոն) հուշարձանը, որտեղ բառացիորեն կարող ենք կանգնել հենց հասարակածի գծի վրա. միաժամանակ գտնվելով հյուսիսային և հարավային կիսագնդերում։ Հենց այստեղ է, որ կարելի է լիովին զգալ Էկվադորի աշխարհագրական յուրահատկությունը:

Գիշերակացը՝ Կիտոյում:

Օր 3: Վերելք Ռուկու Պիչինչա (4696 մ)

Այս օրը մեզ սպասվում է ակլիմատիզացիոն վերելք դեպի Ռուկու Պիչինչա հրաբուխ։ Մեքենայով կբարձրանանք մինչև 4,100 մ, որտեղից կսկսենք մեր վերելքը դեպի լեռան գագաթ։ Գագաթից բացվում են Անդերի լեռների և շրջակա հրաբուխների շշմեցնող տեսարաններ։ Այս վերելքն օրգանիզմը մեծ բարձրություններին աստիճանաբար սովորեցնելու հիանալի հնարավորություն է:

Ռուկու Պիչինչա

Վերելքը տևում է միջինում 4–5 ժամ:

Երեկոյան կվերադառնանք Կիտո քաղաք։

Օր 4: Չիմբորասո բազային ճամբար (3900 մ)

Առավոտյան կուղևորվենք դեպի Չիմբորասո արգելոցի տարածք, ճանապարհին անցնելով «Հրաբուխների պողոտա» կոչվող հատվածով։
Հասնելով 3900 մետրի վրա տեղակայված մեր տնակը՝ կտեղավորվենք և կճաշենք։ Այնուհետև կզբոսնենք տարածքում՝ օրգանիզմին թույլ տալով կլիմայավարժեցվել։

Այստեղ կարող ենք հանդիպել տարածքում խաղաղ շրջող ալպակաների և վիկունիաների։

Օր 5: Վերելք Կարիհուաիրազո (5020 մ)

Գիշերը ժամը 2:00-ին կսկսենք վերելքը բազային ճամբարից դեպի Կարիհուաիրազո լեռան գագաթ, որը Չիմբորասոյի փոքր «հարևանն» է։
Վերելքը տևում է մոտ 5–6 ժամ և ծառայում է որպես հիանալի ակլիմիտիզացիա՝ օրգանիզմը նախապատրաաստելով ավելի բարձր գագաթին։

Գիշերակացը բազային ճամբարում։

Օր 6: Հանգստի օր

Այս օրն ամբողջությամբ նախատեսված է պատասխանատու վերելքից առաջ լիարժեք հանգստի և վերականգնման համար:

Կշրջենք տարածքում, գեղեցիկ լուսանկարներ կանենք ու պարզապես կվայելենք Անդերի տեսարանները։

Օր 7: Երկրորդ ճամբար (5300 մ)

Մեքենայով կբարձրանանք մինչև Չիմբորասոյի կայանատեղի՝ 4,800 մ բարձրության վրա, որտեղից կսկսենք արշավը դեպի երկրորդ ճամբար, որը տեղակայված է 5,300 մ բարձրության վրա։ Այստեղ գիշերելու ենք հատուկ վրաններում։

Չիմբորասո

Կունենանք վաղ ընթրիք, որպեսզի կարողանանք բավականաչափ հանգստանալ և պատրաստ լինել հաջորդ օրվա վերելքին դեպի գագաթ։ 

Օր 8: Չիմբորասոյի գագաթ (6310 մ)

Այս օրն արթնանում ենք կեսգիշերին։ Վերելքը սովորաբար 6–7 ժամ է տևում։ Առավոտյան 06:00–07:30-ի սահմաններում նախատեսվում է հասնել Էկվադորի ամենաբարձր կետ՝ այն վայրը, որտեղ մարդը կանգնած է ամենամոտն արևին:
Կվայելենք աներևակայելի արևածագը և գագաթից բացվող տեսարանները։

Չիմբորասո

Այնուհետև կիջնենք երկրորդ ճամբար՝ նախաճաշելու, ապա կշարունակենք մինչև կայանատեղի, որտեղից էլ մեքենայով կվերադառնանք բազային ճամբար։ Այստեղից էլ կուղևորվենք Բանյոս դե Ագուա Սանտա։

Օր 9: Ջրվեժների ուղի

Այս օրն անց ենք կացնելու Բանյոս դե Ագուա Սանտայում։
Այցելելու ենք հայտնի «Ջրվեժների ուղին» և վայելենք հսկա ջրվեժների կասկադը։

Էկվադոր

Ցանկության դեպքում կարելի է փորձել տարբեր ակտիվություններ՝ զիփլայն, կանյոնինգ կամ այցելել տաք ջրային աղբյուրները։
Կեսօրից հետո կարելի է զբոսնել քաղաքով և վայելել տեղական խոհանոցը:

Օր 10: Վերադարձ

Կուղևորվենք դեպի Կիտո և կվերադառնանք Հայաստան:

Մասնակցության արժեքը՝ 2350 USD (համարժեք դրամ)

Արժեքը ներառում է՝

• Ծրագրում նշված բոլոր գիշերակացերը
• Տրանսպորտը
• Սնունդը սարերի վրա
• Տեղացի սերտիֆիկացված ուղեկցորդների ծառայություն (1 ուղեկցորդ ամեն 2 մասնակցին)
• Չիմբորասո ազգային պարկի մուտքավճարները
• Վերելքի թույլտվությունը
• Բեռնակիրների ծառայությունը
• Կատվիկների, սաղավարտների, պարանների տրամադրում

Արժեքի մեջ ներառված չէ՝

• Միջազգային ավիատոմսերը (մոտ 1300-1400$)
• Ճաշը և ընթրիքը քաղաքներում
• Ցանկության դեպքում հավելյալ ծառայություններ Բանյոսում (զիփլայն, կանյոնինգ, տաք ջրային աղբյուրներ և այլն)։
• Անձնական ծախսեր

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

Վերելք Արարատ 2027

Վերելք Արարատ / 6-օրյա ծրագիր

Հիմալայներ՝ Աստվածային երթուղի

Էվերեստի բազային ճամբար 2026

Չիմբորասո. Երկրի կենտրոնից ամենահեռու կետը

Վերելք Կիլիմանջարո

Մարոկկո / Վերելք Թուբկալ լեռ և Սահարա

Սվանեթ․ աշտարակներից մինչև սառցադաշտեր

Բալկաններ․ 3 երկիր, 3 գագաթ

Վերելք Կիլիմանջարո

Մարանգու երթուղին անվանում են նաև «Կոկա Կոլա»։ Սա ամենահին և ամենալավ կահավորված երթուղին է համարվում, որտեղ արգելվում են վրանային ճամբարները, բայց փոխարենը երթուղին կահավորված է հարմարավետ լեռնային խրճիթներով և բոլոր հարմարություններով, ինչն էլ իր հերթին շատ հարմար է վատ եղանակային պայմաններում հավելյալ պաշտպանության համար։

Մարանգու երթուղին համեմատաբար հանգիստ վերելք է ապահովում, սակայն պետք չէ թերագնահատել վերելքի լրջությունը։

Ճամփորդության տևողությունը՝ 9 օր

Բարդության աստիճանը՝ միջին

Վերելքի մանրամասներն ըստ օրերի՝ 

Օր 1: Ժամանում Տանզանիա

Մոտ 14-ժամյա թռիչքից հետո ժամանում Կիլիմանջարոյի միջազգային օդանավակայան և տեղափոխում հյուրանոց։

Օր 2։ Մարանգու անցակետ (1830մ) – Մանդարա ճամբար (2720մ)

• Վերելքի տևողությունը՝ 4-5 ժամ
• Երթուղու երկարությունը՝ 8 կմ
• Հարաբերական բարձրությունը՝ 890 մ
• Բնական միջավայր՝ խոնավ անտառներ

Վերելք Կիլիմանջարո / Մանդարա ճամբար

Հյուրանոցում նախաճաշելուց հետո կուղևորվենք Մարանգու անցակետ։ Ճանապարհը կտևի մոտ 1,5 ժամ։ Գրանցումն անցնելուց հետո պատրաստվում ենք վերելքին, իսկ մինչ այդ բեռնակիրները փաթեթավորում և դասավորում են իրերը՝ ճամբար բարձրացնելու համար։
Մոտ 4-5 ժամ խոնավ ու խիտ անտառներով քայլելուց հետո կհասնենք մեր առաջին ճամբարը։

Ընթրիք և գիշերակաց խրճիթներում։

Օր 3։ Մանդարա ճամբար (2720մ) – Հորոմբո ճամբար (3720մ)

• Վերելքի տևողությունը՝ 6-7 ժամ
• Երթուղու երկարությունը՝ 13 կմ
• Հարաբերական բարձրությունը՝ 1000 մ
• Բնական միջավայր՝ ճահճային գոտի

Վերելք Կիլիմանջարո / Հորոմբո ճամբար

Նախաճաշից հետո լքում ենք անտառային գոտին և բարձրանում դեպի ճահճային գոտի։
Ընթացքում կվայելենք Մավենզի հրաբխային կոնի գեղեցիկ տեսարանը։ Մոտ 6-7 ժամ վերելքից հետո կհասնենք երկրորդ ճամբար, որտեղից էլ կվայելենք հրաշալի տեսարան դեպի Կիբո գագաթ։
Ընթրիք և գիշերակաց խրճիթներում։

Օր 4։ Կլիմայավարժեցում (Zebra Rocks, 4010մ)

• Վերելքի տևողությունը՝ 3 ժամ
• Երթուղու երկարությունը՝ 10 կմ
• Հարաբերական բարձրությունը՝ 310 մ
• Բնական միջավայր՝ կիսաանապատ

Վերելք Կիլիմանջարո

Առավոտյան նախաճաշից հետո կսկսենք մեր կլիմայավարժեցումը դեպի Zebra rocks բնական հուշարձան, որից հետո կվերադառնանք Հորոմբո ճամբար։
2023-ի վերելքի ընթացքում հասկացանք, թե ինչքան կարևոր է կլիմայավարժեցումը, ու թե ինչքան էր զգացվում դրա կարիքը գագաթ բարձրանալիս։ Այդ պատճառով հետագա ծրագրերում որոշել ենք հատուկ մեկ օր առանձնացնել հենց կլիմայավարժեցման համար, այդպիսով դարձնելով մեր վերելքն ավելի անվտանգ և մեծացնելով գագաթ հասնելու հավանականությունը։

Օր 5։ Հորոմբո ճամբար (3720մ) – Կիբո ճամբար (4720մ)

• Վերելքի տևողությունը՝ 6-7 ժամ
• Երթուղու երկարությունը՝ 10 կմ
• Հարաբերական բարձրությունը՝ 1000 մ
• Բնական միջավայր՝ կիսաանապատ

Վերելք Կիլիմանջարո

Նախաճաշից հետո կբարձրանանք դեպի երրորդ ճամբար, որը տեղակայված է «Թամբ» կոչվող տեղանքում, որը գտնվում է Մավենզի և Կիբո գագաթների արանքում։ Այստեղից պարզ երևում է դեպի գագաթ տանող երթուղին։

Վաղ ընթրիք և գիշերակաց խրճիթներում։

Օր 6։ Կիբո ճամբար (4720մ) – Կիլիմանջարո (Ուհուրու) գագաթ (5895մ)

• Վերելքի տևողությունը՝ 7-8 ժամ
• Երթուղու երկարությունը՝ 6 կմ
• Հարաբերական բարձրությունը՝ 1100 մ
• Բնական միջավայր՝ սառցադաշտեր, ձնածածկ գագաթ

ArmGeo-ն Կիլիմանջարոյի գագաթին

Արթնանալու ենք կեսգիշերին և թեթև սնվելուց հետո սկսենք մեր վերելքը։ Քայլելու ենք քարքարոտ երթուղով մինչև Գիլմանի կետ (5681մ)։ Եվս մեկ-երկու ժամ վերելքից հետո կհասնենք Աֆրիկայի ամենաբարձր կետը՝ Կիլիմանջարո։ 

Ուհուրու գագաթ (5895մ) – Հորոմբո ճամբար (3720մ)

• Տևողությունը՝ 4-5 ժամ
• Երթուղու երկարությունը՝ 16 կմ
• Բնական միջավայր՝ ճահճային գոտի

Արևածագը Կիլիմանջարոյից / հայացք դեպի Մավենզի լեռնագագաթ

Գագաթին հանգստանալուց և լուսանկարվելուց հետո սկսում ենք իջնել։ Մոտ 3 ժամ վայրէջքից հետո հասնում ենք Կիբո ճամբար, որտեղ հանգստանում ենք, թեթև սնվում և շարունակում իջնել դեպի Հորոմբո ճամբար։
Ընթրիք և գիշերակաց խրճիթներում։

Օր 7։ Հորոմբո ճամբար (3720մ) – Մարանգու անցակետ (1830մ) – Արուշա

Առավոտյան նախաճաշից հետո սկսում ենք իջնել դեպի Մարագու անցակետ, ճանապարհին կանգառ կունենանք Մանդարա ճամբարում՝ լանչի համար։ Անցակետում կստանանք մեր վերելքի սերտիֆիկատները և կուղևորվենք դեպի մեր հյուրանոց։ 

Վերելք Կիլիմանջարո

Սերտիֆիկատների հանձնումը բավականին ուրախ է անցնում։ Ահա, մի փոքրիկ հատված մեր 2023-ի վերելքի սերտիֆիկատների հանձնման արարողությունից՝ պատկերացում կազմելու համար։

Օր 8։ Սաֆարի տուր Տարանգիրե ազգային պարկում

Առավոտյան նախաճաշից հետո կուղևորվենք Տարանգիրե ազգային պարկ և կիրականացնենք սաֆարի տուր պարկի տարածքում։ Այն հարուստ է բուսական և կենդանական աշխարհով։ Տուրի ընթացքում հնարավոր է տեսնել զեբրերի, ռնգեղջյուրների, առյուծների, փղերի, գոմեշների և այլն։

Սաֆարի տուր Տարանգիրե ազգային պարկում

Մասաի ցեղ (Maasai)

Օրվա ընթացքում բացառիկ հնարավորություն կունենանք այցելել Աֆրիկյան Մասաի ցեղի ներկայացուցիչներին։ Կծանոթանանք նրանց կենցաղին ու սովորույթներին, և պարզապես հետաքրքիր ու յուրօրինակ փորձառություն կունենանք։

Ծանոթություն Մասայի ցեղի հետ

Օր 9։ Հրաժեշտ

Տեղափոխում դեպի Կիլիմանջարոյի միջազգային օդանավակայան և վերադարձ Երևան։

Ճամփորդության արժեքը՝ 2450 EUR (համարժեք դրամ)

Արժեքն իր մեջ ներառում է՝

• օդանավակայանից տեղափոխում դեպի հյուրանոց և հակառակը
• մեքենաներով տեղափոխում դեպի լեռնային անցակետ և հակառակը
• գիշերակացը հյուրանոցում (2 գիշեր)
• երեքանգամյա սնունդ ողջ վերելքի ընթացքում
• պահպանվող տարածքների մուտքավճարները
• ուղեկցորդների ծառայության վճարը
• փրկարարի ծառայության վճարը
• գիշերակացը խրճիթներում
• ճամբարային հարմարություններից օգտվելու վճար
• թթվածնային բալոններ
• լեռնային խոհարարի աշխատավարձ
• բեռնակիրների աշխատավարձ
• սաֆարի տուր Տարանգիրե ազգային պարկում
• պիկնիկ սաֆարի տուրի ժամանակ
• մասայի ցեղերի այցելություն
• տեղական հարկեր

Արժեքը չի ներառում`

• ինքնաթիռի տոմսերը (գումարը տատանվում է 1300-ից 1600 դոլարի սահմաններում)
• վիզայի արժեքը (50$՝ օդանավակայանում)
• անձնական գույքը
• քնապարկերը
• ընթրիքները
• բեռնակիրների, խոհարարի և ուղեկցորդի թեյավճարները (մոտավորապես 300$ ամեն մասնակցից)

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Մեր առաջիկա արշավները

Վերելք Արայի լեռ / Հյուսիսային երթուղով

Գոշավանքից Խաչարձան

Երեք բազեների արահետ

Արշավ Ծաղկաշատից Սանահին

Վերելք Վիթասար

Վերելք Գոմբակ լեռ

Ուղևորվում ենք Մարոկկո՝ յուրահատուկ մշակույթով, շքեղ բնապատկերներով և բազմազան փորձառություններով լի երկիր։
Այս 10-օրյա ճամփորդության ընթացքում կվայելենք Մարոկկոյի գույները, համերը, անհավանական տեսարանները, կծանոթանանք նոր մշակույթի և այս ամենը կհամադրենք լեռնային վերելքի հետ՝ բարձրանալով Ատլասյան լեռների ամենաբարձր կետը՝ Թուբկալ լեռը։

Այս արկածային օրերին կհետևի գիշեր Սահարայի անապատում, որտեղ մեզ սպասվում է եզակի փորձառություն՝ զբոսանք ուղտերով և գիշեր աստղազարդ երկնքի տակ։

Ճամփորդության ծրագիրն ըստ օրերի՝

Օր 1։ Ժամանում Մարաքեշ

Ժամանում Մարաքեշի Մենարա օդանավակայան և տեղափոխում հյուրանոց: Մարաքեշը հաճախ անվանում են «Կարմիր քաղաք» ճարտարապետական շինությունների յուրահատուկ գույների համար։

Մարաքեշ

Միասին կշրջենք  քաղաքի նեղ փողոցներով, որտեղ երաժշտությունը, բույրերը և ճարտարապետությունը տեղափոխում են միջնադարյան յուրօրինակ մթնոլորտ։ 

Օր 2։ Թուբկալի բազային ճամբար

Առավոտյան կուղևորվենք դեպի հարավ՝ Իմլիլ գյուղ, որտեղից կսկսենք վերելքը դեպի Թուբկալ լեռան բազային ճամբար: Սիդի Շամհարուշի սրբավայրը կդառնա մեր ճանապարհի ոգեշնչող կանգառներից մեկը։ Այն գրավում է ինչպես զբոսաշրջիկներին, այնպես էլ ուխտավորներին (սակայն միայն մահմեդականներին է թույլատրվում մուտք գործել սրբավայր): 

Թուբկալի բազային ճամբար

Այստեղից կշարունակենք վերելքը դեպի Թուբկալի բազային ճամբար (3206 մ), որտեղ կանցակցնենք գիշերակացը՝ լեռների անսահման խաղաղության մեջ։

• Վերելքի տևողությունը՝ 5 ժամ
• Երթուղու երկարությունը՝ 10-12 կմ

Օր 3: Վերելք Թուբկալ լեռ

Վաղ առավոտյան սկսում ենք մեր վերելքը դեպի Հյուսիսային Աֆրիկայի ամենաբարձր գագաթ՝ Թուբկալ (4165)։ Ճանապարհը անցնելու է հարավային զառիթափ լանջերով: Գագաթից բացվում են շլացուցիչ տեսարաններ դեպի բոլոր կողմերը՝ Մարաքեշի հարթավայրից դեպի հյուսիս գտնվող Բարձր Ատլասի լեռներ, Անտի-Ատլաս և Սահարա։

Թուբկալ լեռ

Գագաթից նույն ճանապարհով կվերադառնանք Թուբկալի բազային ճամբար, որտեղ կունենաք ճաշ: Հետո կվերադարնանք Իմլիլ և այնտեղից կուղևորվենք Մարաքեշ:
Գիշերակացը Մարաքեշում։

• Արշավի տևողությունը՝ 9-10 ժամ 
• Առավելագույն բարձրությունը՝ 4165 մ

Օր 4: Մարաքեշ – Վարզազատի

Առավոտյան կուղևորվենք դեպի Ատլասյան լեռներ՝ անցնելով Թիզի-Ն-Թիշկա հիասքանչ լեռնանցքով։ Ճանապարհին կտեսնենք իրենց եզակիությամբ աչքի ընկնող բերբերական գյուղեր, գետափնյա օազիսներ, ամայի սարալանջեր  և բերբերական քասաբներ (արաբերեն՝ ամրոցներ):

Վարզազատի

Ցանկության դեպքում ճանապարհին հնարավորություն կունենանք այցելել Մարոկկոյի կինոմայրաքաղաք Վարզազատի (Ouarzazate) կինոստուդիան, որտեղ նկարահանվել են բազմաթիվ հայտնի հոլիվուդյան ֆիլմեր՝ «Մումիա»-ն, «Գլադիատոր»-ը, «Ալեքսանդր»-ը: 

Մեքենայով ճանապարհի տևողությունը՝ 7 ժամ: 

Գիշերակացը՝ Վարզազատիում։

Օր 5: Դադեսի կիրճ – Թոդրայի կիրճ – Մերզուգա

Հյուրանոցում նախաճաշելուց հետո Դադեսի կիրճով կշարժվենք դեպի Թոդրայի կիրճ: Այստեղ կունենանք հիանալի զբոսանք կանաչ  արմավենիների օազիսով: Ճաշից հետո կուղևորվենք դեպի սահմանամերձ Մերզուգա քաղաք, որը հայտի զբոսաշրջային կենտրոն է: Մայրամուտին կսկենք անմոռանալի մի ուղևորություն դեպի բերբերների ճամբար:

Մերզուգա

Մեզ սպասվում է մոտ 2 ժամ տևողությամբ յուրահատուկ զբոսանք ուղտերով դեպի ճամբարի տեղակայման վայր։ Կունենանք Մարոկկոյի ավանդական ընթրիք, իսկ գիշերը կանցկացնենք վրաններում կամ բաց երկնքի տակ՝ վայելելով աստղազարդ երկինքը: 

Մեքենայով ճանապարհի տևողությունը՝ 5-6 ժամ: 

Օր 6: Զբոսանք ուղտերով

Վաղ առավոտյան կունենանք հիանալի զբոսանք  ուղտերով և կդիմավորենք արևածագը: Հետո ուղտերով կվերադառնանք Մերզուգա։ Նախաճաշից հետո կսկսենք մեր ճանապարհորդությունն անապատով և Ատլասի լեռներով:

Զբոսանք ուղտերով

Կունենանք բազմաթիվ կանգառներ՝ լուսանկարվելու համար: Երեկոյան կհասնենք Այաթ Բեն Հադդու՝ բերբերական մշակույթի խորհրդանիշ դարձած հնագույն ամրոց-քաղաք, որը գրանցված է ՅՈւՆԵՍԿՕ-ի համաշխարհային ժառանգության ցանկում։ 

 Մեքենայով ճանապարհը՝  6 ժամ

Օր 7: Այաթ Բեն Հադդու

Առավոտյան, նախաճաշից հետո, կունենանք հետաքրիքր զբոսանք Այաթ Բեն Հադդուի նեղ փողոցների, բարձր պարիսպների և գեղեցիկ աշտարակների իսկական լաբիրինթոսով: 

Այաթ Բեն Հադդուն հանդիսանում է ավանդական Մարոկկոյի ամենանշանավոր պատմական և ճարտարապետական ​​վայրերից մեկը: Այն չափազանց հայտնի է, որպես ֆիլմերի նկարահանման վայր: 

Այաթ Բեն Հադդու քաղաքն ուսումնասիրելուց հետո կվերադառնանք Մարաքեշ:

Օր 8: Էսաուիրա

Առավոտյա կուղևորվեք նավահանգստային Էսաուիրա քաղաք: Այս կոլորիտային քաղաքի կենտրոնը ներառված է ՅՈՒՆԵՍԿՕ-ի Համաշխարհային ժառանգության օբյեկտների կազմում։

Էսաուիրա

Միասին կբացահայտենք հնագույն Մեդինայի անկյունները, որտեղ ամեն քայլափոխի կզգանք արաբական և պորտուգալական մշակույթների  ազդեցությունը: Կզբոսնենք Ատլանտյան օվկիանոսի ավազե ափերով: Դե իսկ ամեն քայլափոխի հանդիպող հուշանվերների, համեմունքների տարբեր խանություները մեզ երկար բաց չեն թողնի: 

Օր 9: Մարաքեշ

Այս օրն անց ենք կացնելու Մարաքեշում։ Կզբոսնենք արդեն ծանոթ ու հարազատ դարձած Մարաքեշի գունեղ և հյուրընկալ փողոցներով և հնարավորինս կվայելենք այստեղ անցկացրած վերջին պահերը։ Ժամանակ կունենանք շրջել տեղի շուկաներով և խանութներով։

Մարաքեշ

Օր 10: Հրաժեշտ Մարոկկոյին և վերադարձ տուն

Այսքանով մեր ճամփորդությունը կմոտենա իր ավարտին, իսկ մենք կվերադառնանք տուն՝ մեզ հետ տանելով մի մեծ պարկ հիշողություններ այս յուրօրինակ ճամփորդությունից։

Մասնակցության արժեքը՝ 1450 EUR (համարժեք դրամ)

Արժեքը ներառում է՝

• Տեղացի ուղեկցորդների և գիդերի ծառայությունը
• Տրանսպորտն ըստ ծրագրի
• Գիշերակացը Թուբկալի ճամբարում
• Սնունդը Թուբկալի ճամբարում
• Ձիերով իրերի տեղափոխումը
• Գիշերակացը և նախաճաշը Մարաքեշում (4 գիշեր)
• Քաղաքային տուր Մարաքեշում
• Գիշերակացն Էսաուիրայի հյուրանոցում
• Գիշերակացն անապատում
• Նախաճաշ և ընթրիք անապատում
• Զբոսանք ուղտերով

Արժեքը չի ներառում՝

• Միջազգային ավիատոմսերը (մոտ 500-700$)
• Վիզայի արժեքը (ՀՀ քաղաքացիների համար՝ անձը 25$)
• Ապահովագրությունը
• Ճաշն ու ընթրիքը քաղաքներում
• Անձնական ծախսերը 
• Անձնակազմի թեյավճարները 

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

Վերելք Արարատ 2027

Վերելք Արարատ / 6-օրյա ծրագիր

Հիմալայներ՝ Աստվածային երթուղի

Էվերեստի բազային ճամբար 2026

Չիմբորասո. Երկրի կենտրոնից ամենահեռու կետը

Վերելք Կիլիմանջարո

Մարոկկո / Վերելք Թուբկալ լեռ և Սահարա

Սվանեթ․ աշտարակներից մինչև սառցադաշտեր

Բալկաններ․ 3 երկիր, 3 գագաթ

Հրավիրում ենք միանալ տարվա ամենասպասված ու տպավորիչ ուղևորություններից մեկին՝ Սվանեթին։

Կան վայրեր, որոնք պետք է տեսնել կյանքում գոնե մեկ անգամ, և կա Սվանեթը, որտեղ ուզում ես վերադառնալ անդադար։ Սա Վրաստանի ամենաբարձրադիր շրջանն է, որտեղ հնամենի պաշտպանական աշտարակները հազարամյակներ շարունակ հսկում են Կովկասյան լեռների անդորրը։

Սվանեթի արշավը սկսել ենք կազմակերպել 2013-ից:

Ճանապարհորդության երթուղին ընտրված է առողջ, միջին ֆիզիկական տվյալներ ունեցող անձանց համար: Այն կհետաքրքրի ինչպես փարձառու արշավականներին, այնպես էլ սկսնակներին: Մասնակցության համար հատուկ պատրաստվածություն պետք չէ: Արշավների ժամանակ մեզ հետ վերցնելու ենք միայն փոքր ուսապարկեր՝ այդ օրվա անհրաժեշտ պարագաներով: Գիշերակացը լինելու է հարմարավետ ու մաքուր հյուրատանը:

Սվանեթ

Սվանեթը Վրաստանի հյուսիս-արևմտյան պատմական շրջանն է: Տարածվում է Ինգուրի գետի բարձրալեռնային հովտի վերին հոսանքում: Վերին Սվանեթը, որն ընդգրկված է ՅՈՒՆԵՍԿՕ-ի համաշխարհային ժառանգության ցանկում հայտնի է իր ճարտարապետական գանձերով (մասնավորապես 9-12-րդ դարում կառուցված աշտարակ-ամրոցներով, որոնք մինչ օրս բնակելի են) և աննկարագրելի բնության հրաշքներով (սարեր, ձորեր, ջրվեժներ, սառցադաշտեր, լեռնանցքներ և այլն):

Եթե հետաքրքրեց, ուրեմն ծանոթացիր մանրամասներին:

Ուղևորության տևողությունը` 5 օր, 4 գիշեր (ներառում է 3 ոչ աշխատանքային օր)

Օր 1: Աշտարակների քաղաք

Վաղ առավոտյան, երբ Երևանը դեռ նոր է արթնանում, մենք սկսում ենք մեր ուղևորությունը դեպի վեհաշուք Վերին Սվանեթի սիրտը՝ Մեստիա։ Ճանապարհը մեզ կտանի դեպի Կովկասի ամենախորհրդավոր անկյուններից մեկը, որտեղ բնությունն ու պատմությունը միահյուսված են իրար։

Աշտարակների քաղաք / Մեստիա

Մեստիա կհասնենք երեկոյան, հենց այն ժամին, երբ քաղաքի երեկոյան կյանքը սկսում է արթնանալ։ Եթե ժամանակը ների, մենք կսուզվենք Մեստիայի նեղլիկ փողոցների մեջ, որտեղ ամեն քայլափոխի մեզ կուղեկցեն լեգենդար սվանական աշտարակները։ Այդ հնամենի ամրոց-աշտարակները երեկոյան լուսավորության ներքո ստանում են առանձնահատուկ, գրեթե հեքիաթային տեսք՝ հիշեցնելով հզոր անցյալի մասին։

Օր 2: Ճալաադի սառցադաշտ

Սվանեթի հետ ծանոթությունը սկսելու ենք Մեստիայի ազգագրության թանգարանից, որտեղ կծանոթանանք Վրաստանի այս գողտրիկ անկյան պատմությանն ու ավանդույթներին։ Այնուհետև կայցելենք աշխարհահռչակ լեռնագնաց Միխաիլ Խերգիանիի տուն-թանգարան, որտեղ մենք ոչ միայն կծանոթանանք լեգենդար մարզիկի կենսագրությանն ու խորհրդային լեռնագնացության փառահեղ էջերին, այլև իրական պատկերացում կկազմենք սվանների կենցաղի մասին։ Կտեսնենք, թե ինչ պայմաններում են նրանք ապրել և ինչու են կառուցել իրենց հայտնի աշտարակ-ամրոցները, որոնք դարեր շարունակ եղել են նրանց տունն ու պաշտպանը։

Ճալաադի սառցադաշտ

Այնուհետև կիրականացնենք արշավ դեպի Ճալաադի սառցադաշտ։ Սա թեթև, բայց շատ տպավորիչ քայլարշավ է։ Անցնելու ենք անտառի միջով, անմիջապես սառցադաշտից սկիզբ առնող վարար գետի հոսանք ի վեր ու կախովի կամրջներով մինչև սառցադաշտ։

Երթուղու երկարությունը՝ 7 կմ

Հարաբերական բարձրությունը՝ 400 մ

Օր 3։ Շդուգրա ջրվեժ

Առավոտյան մեկնում ենք Բեչոյի շրջան, որը սահմանակցում է Ռուսաստանի Դաշնության Կաբարդինո-Բալկարիայի հանրապետության հետ: Այստեղ մի փոքրիկ գյուղից սկսենք մեր քայլարշավը դեպի լեգենդար Շդուգրա ջրվեժ, որը գտնվում է Ուշբա լեռան հյուսիս-արևմտյան լանջերին և գահավիժում է մոտ 150 մ բարձրությունից: Մենք կկանգնենք մի կետում, որտեղից բացվում է ջրվեժի ամբողջ համայնապատկերը։ Ջրվեժին մոտենալը վտանգավոր է, սակայն հեռվից նայելիս մենք կտեսնեք նրա իրական մասշտաբն ու ուժը՝ Ուշբայի ժայռոտ լանջերի ֆոնին։ Սա այն տեսարանն է, որը ստիպում է շունչդ պահած վայելել բացվող տեսարանը։

Երթուղու երկարությունը՝ 12 կմ

Հարաբերական բարձրությունը՝ 600 մետր

Օր 4։ Ուշգուլի – Շխարայի սառցադաշտ

Առավոտյան ամենագնաց մեքենաներով ուղևորվում ենք դեպի Սվանեթի ամենաբարձր բնակավայրը՝ Ուշգուլի: Բնակավայրը գտնվում է 2200 մետր բարձրության վրա։ Դժվարամատչելի ճանապարհների շնորհիվ Ուշգուլին կտրված լինելով արտաքին աշխարհից պահպանել է իր բնական միջավայրը։ Գյուղի աշտարակներն ուսումնասիրելուց հետո կիրականացնենք արշավ դեպի Վրաստանի ամենաբարձր լեռան՝ Շխարայի սառցադաշտ: Սառցադաշտից է սկիզբ առնում Սվանեթի ամենաջրառատ գետը՝ Ինգուրին։

Սվանեթ / Ուշգուլի

Երթուղու երկարությունը՝ 10 կմ

Հարաբերական բարձրությունը՝ 350 մ

Օր 5։ Վերադարձ

Վաղ առավոտյան ուղևորվում ենք դեպի Երևան:

Սվանեթ

Հանդիպման վայրը` Կոմիտասի «Երևան Սիթի»

Հանդիպման ժամը` 6:00

Արժեքը՝  490$ (համարժեք դրամ)

Արժեքի մեջ ներառված է՝

Տրանսպորտ

Ուղեկցորդների ծառայություն

4 գիշերակաց հյուրատանը (Մեստիա)

Թանգարանների մուտքի տոմսը

3 օրվա համար նախաճաշ

Արժեքի մեջ ներառված չէ՝

• Պարտադիր առողջապահական ապահովագրություն Վրաստան մուտքի համար

• Սնունդը  (ճաշ, ընթրիք)

Քանի որ Մեստիան տուրիստական քաղաք է, այստեղ շատ են կոլորիտային, համեղ և ավանդական ճաշացանկով ռեստորանները, այնպես որ սնունդի հարցը հեշտ լուծելի է։

Ուշադրություն

Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Մանրամասների և գրանցվելու համար զանգահարեք` 043 00 51 65 կամ գրեք մեր ֆեյսբուքյան էջին։

ArmGeo Global

Վերելք Արարատ 2027

Վերելք Արարատ / 6-օրյա ծրագիր

Հիմալայներ՝ Աստվածային երթուղի

Էվերեստի բազային ճամբար 2026

Չիմբորասո. Երկրի կենտրոնից ամենահեռու կետը

Վերելք Կիլիմանջարո

Մարոկկո / Վերելք Թուբկալ լեռ և Սահարա

Սվանեթ․ աշտարակներից մինչև սառցադաշտեր

Բալկաններ․ 3 երկիր, 3 գագաթ

Մեր ճանապարհը կանցնի ալպյան հովիտներով, լեռնային լճերի ու փոքր գյուղերի կողքով։ Կգիշերենք ինչպես քաղաքներում, այնպես էլ լեռնային հյուրատներում՝ ծանոթանալով տեղի կենցաղին ու խոհանոցին։

Բալկաններ

Մինչ լեռներ ուղևորվելը մեկ օր կանցկացնենք Ալբանիայի ծովափին։ Արշավների միջև կայցելենք Կրույա և Պրիզրեն քաղաքները, իսկ ճանապարհորդությունը կավարտենք Կոսովոյի մայրաքաղաք Պրիշտինայում։

Օր 1․ Հուլիսի 9 – Ժամանում Տիրանա

Կժամանենք Ալբանիայի մայրաքաղաք Տիրանա և կտեղավորվենք հյուրանոցում։ Ազատ ժամանակ կունենանք հանգստանալու և քաղաքում զբոսնելու համար։

Երեկոյան կհավաքվենք ընթրիքի՝ համտեսելու տեղական խոհանոցի ուտեստները։

Բալկաններ / Տիրանա

• Գիշերակացը՝ հյուրանոցում
• Ներառված սնունդը՝ ավանդական ընթրիք

Օր 2․ Հուլիսի 10 — Գոլեմ․ հանգիստ Ադրիատիկ ծովի ափին

Օրը կանցկացնենք Ալբանիայի ծովափին։ Տիրանայից կուղևորվենք Գոլեմ, որտեղ ժամանակ կունենանք լողալու, ավազոտ լողափին հանգստանալու և ծովափով զբոսնելու համար։

Երեկոյան կվերադառնանք Տիրանա։

Գոլեմ / Ադրիատիկ ծով

• Գիշերակացը՝ հյուրանոցում
• Ներառված սնունդը՝ նախաճաշ

Օր 3․ Հուլիսի 11 – Կրույա — Ռադոմիրա

Առավոտյան կուղևորվենք Կրույա՝ Ալբանիայի պատմական քաղաքներից մեկը։ Կայցելենք բերդի տարածք և կզբոսնենք հին շուկայում։

Այնուհետև կշարունակենք ճանապարհը դեպի լեռնային հովտում գտնվող Ռադոմիրա գյուղ։ Այստեղ կտեղավորվենք հյուրատանը, կընթրենք և կքննարկենք հաջորդ օրվա վերելքի մանրամասները։

Բալկաններ / Կրույա

• Գիշերակացը՝ հյուրատանը
• Ներառված սնունդը՝ նախաճաշ և ընթրիք

Օր 4․ Հուլիսի 12 – Վերելք Կորաբ՝ 2764 մ — Պրիզրեն

Վաղ առավոտյան կսկսենք Կորաբի վերելքը։ Ալբանիայի և Հյուսիսային Մակեդոնիայի սահմանին գտնվող այս գագաթը երկու երկրների ամենաբարձր կետն է։

Երթուղին անցնում է բաց լեռնային տարածքներով, իսկ բարձրանալուն զուգահեռ մեր առջև կբացվեն շրջակա լեռնաշղթաներն ու հովիտները։ Այս լեռները նաև անվանում են Ալբանական Ալպեր։

Վերելքից հետո կվերադառնանք Ռադոմիրա և կուղևորվենք Կոսովո՝ Պրիզրեն քաղաք։

Բալկաններ – Կորաբ

• Արշավի երկարությունը՝ 17 կմ, վերելք 1,500 մ / վայրէջք 1,500 մ, 7–9 ժամ
• Բարդությունը՝ միջինից բարդ։
• Գիշերակացը՝ հյուրանոցում։
• Ներառված սնունդը՝ նախաճաշ և լանչբոքս

Օր 5․ Հուլիսի 13 – Պրիզրեն — Վալբոնայի հովիտ

Օրվա առաջին մասը կանցկացնենք Պրիզրենում։ Կզբոսնենք հին քաղաքի փողոցներով, կծանոթանանք նրա պատմությանը և օսմանյան շրջանի ճարտարապետությանը։ Ազատ ժամանակ էլ կունենանք քաղաքն ինքնուրույն բացահայտելու համար։

Տեսարան Վալբոնայի հովտից

Պրիզրենում զբոսանքից հետո կուղևորվենք Վալբոնայի հովիտ։ Վալբոնայի հովտից կսկսվի մեր ճանապարհորդությունը Պրոկլետիե լեռնազանգվածում, որը թարգմանվում է որպես «Անիծյալ լեռներ»։ Ալբանիայի, Մոնտենեգրոյի և Կոսովոյի տարածքով ձգվող այս լեռների անվանումը կապում են դրանց խիստ բնության ու դժվարամատչելի գագաթների հետ։ 

• Գիշերակացը՝ հյուրատանը
• Ներառված սնունդը՝ նախաճաշ և ընթրիք

Օր 6․ Հուլիսի 14 – Վերելք Զլա Կոլատա՝ 2534 մ — Չերեմ

Այս օրը կբարձրանանք Մոնտենեգրոյի ամենաբարձր գագաթը՝ Զլա Կոլատան։ Այն գտնվում է Ալբանիայի և Մոնտենեգրոյի սահմանին՝ Պրոկլետիե լեռնազանգվածում։

Մեզ սպասվում է ճանապարհորդության բարդ վերելքներից մեկը՝ ժայռոտ լեռնային բնապատկերներով և շրջակա գագաթների հարուստ տեսարաններով։

Վերելքից հետո կշարունակենք դեպի Չերեմ գյուղ, որտեղ կընթրենք և կհանգստանանք։

Բալկաններ / Զլա Կոլատա

• Արշավի երկարությունը՝ 19 կմ; վերելք 1,600 մ; 9-10 ժամ
• Բարդությունը՝ բարդ
• Գիշերակացը՝ լեռնային հյուրատանը
• Ներառված սնունդը՝ նախաճաշ, լանչբոքս և ընթրիք

Օր 7․ Հուլիսի 15 – Չերեմ — Դոբերդոլ

Չերեմից կքայլենք դեպի Դոբերդոլ՝ անցնելով «Բալկանների գագաթներ» հայտնի արշավային երթուղու հատվածներից մեկով։

Ճանապարհին մեզ կուղեկցեն ալպյան արոտավայրերը, լեռնային լանդշաֆտներն ու հովիվների սեզոնային բնակատեղիները։ Երեկոյան կհասնենք Դոբերդոլ, որտեղ կգիշերենք լեռնային հյուրատանը։

Բալկաններ

• Արշավի երկարությունը՝ 15.5 կմ; վերելք 1,030 մ / վայրէջք 440 մ; 6-7 ժամ.
• Բարդությունը՝ միջին
• Գիշերակացը՝ հյուրատանը
• Ներառված սնունդը՝ նախաճաշ, լանչբոքս և ընթրիք

Օր 8․ Հուլիսի 16 – Վերելք Գյերավիցա՝ 2656 մ

Կբարձրանանք մեր ճանապարհորդության երրորդ գագաթը՝ Կոսովոյում գտնվող Գյերավիցան։

Երթուղու ընթացքում կվայելենք բարձրալեռնային տեսարանները։ Ճանապարհին կանգ կառնենք նաև գագաթի մոտ գտնվող սառցադաշտային լճի մոտ։

Վայրէջքից հետո կտեղափոխվենք Պրիշտինա քաղաք։

Բալկաններ / Գյերավիցա

• Արշավի երկարությունը՝ 18 կմ; վերելք 900 մ / dվայրէջք 1,000 մ; 7-9 ժամ
• Բարդությունը՝ միջին
• Գիշերակացը՝ հյուրանոցում
• Ներառված սնունդը՝ նախաճաշ և լանչբոքս

Օր 9․ Հուլիսի 17 — Պրիշտինա և շրջակայք

Լեռնային օրերից հետո կունենանք ավելի հանգիստ օր՝ ծանոթանալու Կոսովոյի մայրաքաղաքին ու տեղի առօրյային։

Կզբոսնենք Պրիշտինայի կենտրոնում, կայցելենք Մայր Թերեզայի տաճար և NEWBORN հուշարձան, կզբոսնենք քաղաքի կենտրոնական հրապարակներով ու Մայր Թերեզայի բուլվարով։

Երեկոյան ռեստորանում կհամտեսենք ավանդական ուտեստներ, որից հետո ազատ ժամանակ կունենանք՝ Պրիշտինայի գիշերային կյանքին ծանոթանալու համար։

Բալկաններ / Պրիշտինա

• Գիշերակացը՝հյուրանոցում
• Ներառված սնունդը՝ նախաճաշ և ավանդական ընթրիք

Օր 10․  Հուլիսի 18 – Վերադարձ

Տեղափոխում Պրիշտինայի միջազգային օդանավակայան։

Ում համար է այս ճանապարհորդությունը

Ծրագիրը նախատեսված է արշավային փորձ և լավ ֆիզիկական պատրաստվածություն ունեցող մասնակիցների համար։ Այն ներառում է մի քանի հաջորդական արշավային օրեր և մինչև 7–9 ժամ տևողությամբ վերելքներ։

Լեռնային հատվածներում գիշերակացը լինելու է հյուրատներում:

Ճամփորդության արժեքը՝ 1700 EUR (համարժեք դրամ)

Արժեքի մեջ ներառված է

• 9 գիշերակաց՝ հյուրանոցներում և հյուրատներում,
• 9 նախաճաշ, 9 ընթրիք, 1 ճաշ և 4 փաթեթավորված արշավային սնունդ,
• ծրագրով նախատեսված տրանսպորտային ծառայությունները՝ 8 օր,
• պրոֆեսիոնալ ուղեկցորդի ծառայությունը՝ 9 օր,
• քաղաքային հարկերը և ազգային պարկերի վճարները,
• ծրագրով նախատեսված տեսարժան վայրերի մուտքավճարները։

Արժեքի մեջ ներառված չէ

• ավիատոմսերը
• վիզա (Կոսովո, Մոնտենեգրո)
• ճանապարհորդական ապահովագրությունը
• հավելյալ սնունդը

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

ARMGEO GLOBAL

Վերելք Արարատ 2027

Վերելք Արարատ / 6-օրյա ծրագիր

Հիմալայներ՝ Աստվածային երթուղի

Էվերեստի բազային ճամբար 2026

Չիմբորասո. Երկրի կենտրոնից ամենահեռու կետը

Վերելք Կիլիմանջարո

Մարոկկո / Վերելք Թուբկալ լեռ և Սահարա

Սվանեթ․ աշտարակներից մինչև սառցադաշտեր

Բալկաններ․ 3 երկիր, 3 գագաթ

Իրականացնելու ենք վերելք Կազբեկ լեռ / 5047 մ /։

Կազբեկ հանգած հրաբուխը Կովկասյան լեռների բարձր ու գեղեցիկ լեռներից է: Գտնվում է Վրաստանի և Ռուսաստանի սահմանին:

Ալպինիստական բարդությունը՝ 2A

Արշավի տևողությունը՝ 5 օր, 4 գիշեր

Վերելքի ամսաթիվը՝

Վերելքն իրականացվում է Վրաստանի կողմից: Փորձել ենք վերելքը դարձնել մաքսիմալ հարմարավետ: Վրանային գիշերակաց չի սպասվում: Ծանր իրերը տեղափոխվելու են ձիերով:

Վերելքի մասնակիցները պարտադիր պետք է ունենան լեռնագնացության փորձ։

Ծանոթացեք ծրագրին ըստ օրերի:

Օր 1: Երևան – Ստեփանծմինդա

Առաջին օրը վաղ առավոտյան Երևանից կուղևորվենք Ստեփանծմինդա գյուղ: ճանապարհին կլինի կանգառ Թբիլիսիում: Երեկոյան կհասնենք Ստեփանծմինդա և կտեղավորվենք հյուրատանը:

Ստեփանծմինդա

Օր 2: Ստեփանծմինդա – Ծմինդա Սամեբա – Մետեոկայան

Առավոտյան մեքենաները մեզ կտանեն մինչև Ծմինդա Սամեբա վանք, որը գտնվում է 2200 մ բարձրության վրա: Այստեղից կսկսենք վերելքը դեպի մետեոկայան, որը գտնվում է 3700 մետր բարձրության վրա: Վերելքն իրականացնելու ենք թեթև ուսապարկերով, որոնց մեջ լինելու է միայն ճանապարհին անհրաժեշտ իրերը: Մնացած իրերը (սնունդ, քնապարկ, կատվիկներ, սառցահատ, շորեր և այլն) փոխադրվելու են ձիերով:

Վերելք Կազբեկ

Գիշերակացը մետեոկայանում:

Օր 3: Կլիմայավարժեցում

Այս օրը կունենանք կլիմայավարժեցնող վերելք և կվերադառնանք կացարան: Հանգստանում ենք, պատրաստվում վերելքի:

Օր 4: Վերելք կազբեկ լեռ 5047 մ

Գիշերը ժամը 2-ին սկսում ենք վերելքը: Կացարանից մինչև գագաթ վերելքը տևում է մոտ 11 ժամ: Կացարան վերադառնալուց հետո իջնելու ենք մինչև Ծմինդա Սամեբա վանական համալիր:

Լիլիթ Տոնոյան

Ծանր իրերը իջեցնում ենք ձիերով: Մեզ հետ ունենում ենք միայն փոքր ուսապարկ: Վանքի մոտից մեքենաներով կիջնենք մինչև Ստեփանծմինդա գյուղ։

Կազբեկ լեռ

Օր 5: Վերադարձ

Առավոտյան ուղևորվում ենք Երևան։

Վատ եղանակի դեպքում հնարավոր է պահանջվի հավելյալ գիշերակաց լեռան վրա:

Կազբեկ

Ճամփորդության արժեքը՝ 850 $ (համարժեք դրամ)

Մասնակիցների նվազագույն քանակը՝ 4

Արժեքի մեջ ներառված է՝

• Ուղեկցորդների ծառայություն
• Տրանսպորտ
• Ձիերի վարձակալություն
• Հյուրատուն (2 գիշեր)
• Մետեոկայանի վճար (կացարան 2 գիշեր)

Արժեքի մեջ ներառված չէ՝

• Սնունդը ճամփորդության ընթացքում։
  Յուրաքանչյուր մասնակից ինքը պետք է պատրաստի իր սնունդը: Մետեոկայանում կա խոհանոց, որից կարող ենք օգտվել և պատրաստել մեզ հետ բերված սնունդը:
• Պարտադիր ապահովագրություն Վրաստան մուտքի համար

Հանդիպման վայրը` Կոմիտասի «Երևան Սիթի»
Հանդիպման ժամը` 6։30

Տեխնիկական վերելքներների գույք և հանդերձանք

Կազբեկ ուղևորվելուց առաջ իրականացնելու ենք վերելք Արագածի Հյուսիսային գագաթ։ Կազբեկ կարող են ուղևորվել միայն նրանք, ովքեր առանց որևէ խնդիր մեկ օրում կբարձրանան Հյուսիսային գագաթ։

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

Վերելք Արայի լեռ / Հյուսիսային երթուղով

Գոշավանքից Խաչարձան

Երեք բազեների արահետ

Արշավ Ծաղկաշատից Սանահին

Վերելք Վիթասար

Վերելք Գոմբակ լեռ

Արշավային ուղեկցորդների պատրաստման դասընթաց