Ծաղկոտ լեռնաշղթա
Երկարությունը՝ 7 կմ
Առավելագույն բարձրությունը՝ 2170 մ
Ամենաբարձր գագաթը՝ Մակաղաքար
Լեռնաշղթան ձգվում է Գեղարքունիքի և Տավուշի մարզերում, Միափորի լեռների հվ.-արմ. ճյուղավորությունն է: Սկսվում է Միափորի լեռների Իշխանաց գագաթից, հվ.-արմ. ուղղությամբ ձգվում մինչև Մակաղաքար գագաթը, որտեղից փոխելով ուղղությունը դեպի արմ.՝ հասնում Գետիկ և Աղնովատ գետերի միախառնման վայրը: Լեռների հս. արմ. և հվ. արմ. լանջերը անտառապատ են:
Մակաղաքար լեռ
Մակաղաքարը գտնվում է Գեղարքունիքի և Տավուշի մարզերի սահմանագլխին, Դպրաբակ գյուղից 4 կմ հս.: Լեռան հվ. լանջից է սկիզբ առնում Գետիկի աջ՝ Հզորաղբյուր վտակը: Լեռան լանջերը ծածկված են մարգագետնային բուսականությամբ և սաղարթավոր ծառերով: Մակաղաքարը կազմում է «Գետիկ» արգելավայրի մասը:
