Իրականացնելու ենք վերելք Դեմավենդ (5610 մ)՝ Ասիայի ամենաբարձր հրաբուխը։ Դեմավենդն ընդգրկված է «7 հրաբուխ» նախագծում, որի շրջանակներում պատրաստվում ենք բարձրանալ աշխարհի բոլոր աշխարհամասերի ամենաբարձր հրաբուխները։
Վերելքի ամսաթվեր՝
Հուլիսի 05 – 10, 2024 թ․
Օր 1։ Երևան – Թեհրան
Վաղ առավոտյան Երևանից ուղևորվում ենք Իրան։ Երևանից Թեհրան ճանապարհը տևում է մոտ 22 ժամ։ Ուղևորվում ենք հարմարավետ ավտոբուսով, այնպես որ ճանապարհին կարող եք հանգիստ քնել։
Օր 2։ Թեհրան
Առավոտյան կլինենք Թեհրանում և կուղևորվենք հյուրանոց, մի փոքր հանգստանալուց հետո երեկոյան դուրս կգանք Թեհրան զբոսնելու։
Օր 3։ Փուլուր – 4200 ճամբար
Հյուրանոցից առավոտյան կուղևորվենք Դեմավենդի ստորոտ, որտեղից ամենագնաց մեքենաներով կբարձրանանք մինչև 3200 և կսկսենք վերելքը դեպի առաջին ճամբար, որը գտնվում է 4200 մետր բարձրության վրա։
Բոլոր ծանր իրերը տեղափոխվում են ձիերով։
Օր 4։ Կլիմայավարժեցում
Օրվա երկրորդ կեսին կիրականացնենք վերելք մոտ 400 մետր և նորից կվերադառնանք ճամբար, որպեսզի օրգանիզմն ադապտացվի բարձրությանը։
Օր 5։ Վերելք Դեմավենդի գագաթ
Գիշերը սկսում ենք վերելքը դեպի գագաթ։ Բարձրանալու ենք 1400 մետր և վերադառնանք ճամբար։
Ճամբարում մոտ մեկ ժամ հանգստից և սնվելուց հետո իջնում ենք մինչև 3200 մետր, որտեղից էլ ամենագնաց մեքենաներով կիջնենք ստորոտ և կուղևորվենք Թեհրան։
Օր 6։ Թեհրան-Երևան
Առավոտյան ուղևորվում ենք դեպի Հայաստան։ Երևանում կլինենք հաջորդ օրն առավոտյան։
Մասնակցության արժեքը՝ 650 $ (համարժեք դրամ)
Արժեքի մեջ ներառված է՝
Ուղեկցորդների ծառայություն
Տրանսպորտ
Ամենագնաց մեքենաներ
Ձիերի վարձակալություն
Հյուրանոց
Նախաճաշ հյուրանոցում
Արժեքի մեջ ներառված չէ՝
Սնունդը
ՀՀ քաղաքացիներին վիզա պետք չէ։
Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։