Այս ճանապարհորդությունը լավ հնարավորություն է ծանոթանալու Իրանի բազմազան բնության և մշակութային հարուստ անցյալի հետ։ Էքսկուրսիայի շրջանակներում կուղևորվենք Շիրազ քաղաք, որտեղ կայցելենք թագավորական այգիներ, Նասիր օլ-Մոլք մզկիթ, որը հայտնի է որպես վարդագույն մզկիթ։ Շրջագայությունը ներառում է նաև այցելություն հնագույն Յազդ քաղաք, որը հայտնի է իր հին իրանական ճարտարապետությամբ:
Ճանապարհորդությունը դեպի Իրան թույլ կտա նաև վայելել տեղի ավանդական ուտեստները, ծանոթանալ ազգային երաժշտության և տեղի բնակիչների հյուրընկալության հետ:
Մեզ սպասվում է անմոռանալի ճամփորդություն, որը մնայուն տպավորություն կթողնի գեղեցիկ ու խորհրդավոր Իրանից:
Ուղևորության ծրագիր
Նոյեմբերի 18
Առավոտյան մեկնում ենք Երևանից։ Ճանապարհին ունենալու ենք կանգառներ և ուշ երեկոյան ժամանելու ենք Ջուլֆա քաղաք:
Գիշերակաց հյուրանոցում։
Նոյեմբերի 19
Նախաճաշից հետո սկսում ենք մեր էքսկուրսիան։ Այցելում ենք՝
- Սուրբ Ստեփանոս վանք,
- Արաքսի ափին գտնվող Հովվի մատուռ,
- Խոջա Նազարի քարավանատուն,
- Ավարայրի դաշտ, Տղմուտ գետ,
- Սուրբ Թադեի վանք:
Առավոտյան կուղևորվենք դեպի Սուրբ Ստեփանոսի վանք։ 2008 թ. այն գրանցվել է ՅՈւՆԵՍԿՕ-ի պատմական ժառանգության ցուցակում՝ Սուրբ Թադե վանքի հետ միասին, «Հայկական եկեղեցիները Իրանում» անվան տակ։ Սուրբ Ստեփանոս վանքը աչքի է ընկնում հարուստ և բացառիկ քանդակներով։ Այնուհետև կուղևորվենք Հովվի մատուռ, որը գտնվում է Արաքս գետի ափին, որից այն կողմ գտնվում է Նախիջևանը։ Ըստ ավանդության, մատուռը կառուցվել է երկու եղբայրների կողմից։ Նրանց երկու մատուռներից մեկը գտնվում է Իրանում, մյուսը՝ Նախիջևանում։ Կայցելենք նաև հայ վաճառական Խոջա Նազարի կողմից կառուցված քարավանատուն, որից հետո էլ կտեսնենք Ավարայրի դաշտը, որտեղ 451 թվականին տեղի է ունեցել Ավարայրի ճակատամարտը։
Մեր վերջին կանգառը կլինի Սուրբ Թադեի վանքում։ Վերջինս ոչ միայն հայտնի է որպես հոգևոր կարևոր կենտրոն, այլև աչքի է ընկնում իր ճարտարապետական քանդակներով։
Վերադարձ Ջուլֆա, գիշերակաց հյուրանոցում։
Նոյեմբերի 20
Վաղ առավոտյան մեկնում ենք զրադաշտական Յազդ քաղաք։ Ճամապարհին ունենալու ենք կանգառներ։
Գիշերակաց հյուրանոցում։
Նոյեմբերի 21
Առավոտյան սկսում ենք մեր էքսկուրսիոն շրջայցը Յազդ քաղաքում։ Այցելում ենք՝
- Դոլաթ Աբադի այգի,
- Լռության Աշտարակ,
- զրադաշտական մեհյան,
- հին քաղաք։
Դոլաթ Աբադի այգին կառուցվել է 1750 թվականին և այն 2011 թվականին, 8 այլ այգիների հետ միասին ընդգրկվել է ՅՈւՆԵՍԿՕ-ի պատմական ժառանգության ցուցակում՝ «Պարսկական այգիներ» անվան տակ։ Այուհետև կայցելենք Իրանում պահպանված Լռության Աշտարակներից մեկը։ Այս աշտարակները կարևոր դեր են ունեցել զրադաշտականության մեջ:
Այդ օրը կայցելենք նաև զրադաշտական մեհյան և բավական գեղեցիկ շրջայց կունենանք հին քաղաքում։
Գիշերակաց հյուրանոցում։
Նոյեմբերի 22
Առավոտյան մեկնում ենք Պերսեպոլիս, որն եղել է Աքեմենյան կայսրության մայրաքաղաքը։ Այստեղ պահպանվել են պալատական համալիրի մնացորդները, կրոնական շենքերը և այլն։ Պերսեպոլիսը 1979 թվականից ներառվել է ՅՈՒՆԵՍԿՕ-ի Համաշխարհային ժառանգության օբյեկտների ցանկում։
Գիշերակաց Շիրազի հյուրանոցում։
Նոյեմբերի 23
Նախաճաշից հետո սկսում ենք մեր էքսկուրսիոն շրջայցը Շիրազ քաղաքում։ Այցելում ենք՝
- Շահ Չերաղ մզկիթ,
- Նասիր օլ-Մոլք մզկիթ,
- Հաֆեզի դամբարան,
- Նարինջստան այգի։
Մեր առաջին այցելվող վայրը կլինի Շիրազ քաղաքի տեսարժան վայերից՝ Շահ Չերաղ մզկիթը։ Այնուհետև կուղևորվենք Նասիր օլ-Մոլք մզկիթ, որը կտպավորի մեզ իր գունային խայտաբղետությամբ։ Այս մզկիթը շատ տարբեր անուններ ունի: Հիմնականում հայտնի է որպես «Վարդագույն մզկիթ», բայց նաև կոչում են «Ծաղիկների մզկիթ» և «Ծիածան մզկիթ»։ Այստեղ միահյուսվում են լույսն ու հավատքը։
Կայցելենք նաև Հաֆեզի դամբարան ու Նարինջստան այգի։ Քաղաքային էքսկուրսիոն տուրը ավարտելուց հետո կմեկնենք Սպահան։
Գիշերակաց Նոր Ջուղայի հյուրանոցում։
Նոյեմբերի 24
Առավոտյան կսկսենք մեր էքսկուրսիոն շրջայցը Նոր Ջուղա թաղամասում։ Կքայլենք Նոր Ջուղայի հին փողոցներով, կտեսնենք հայկական Սուրբ Ամենափրկիչ վանքը, որը հարուստ է գեղեցիկ որմնանկարներով և ներառված է ՅՈՒՆԵՍԿՕ-ի ցանկում։ Կտեսնենք նաև Բեթղեհեմի եկեղեցին:
Գիշերակաց հյուրանոցում։
Նոյեմբերի 25
Կշարունակենք ծանոթանալ Սպահան քաղաքի հետ։ Կայցելենք՝
- Շահ Աբբասի պալատներ,
- Շահ Աբբասի ընտանեկան մզկիթ,
- ճոճվող մինարեթ,
- Սիոսեփոլ կամուրջ։
Սպահանը հարուստ է պատմամշակութային օբյեկտներով և մենք կշարունակենք բացահայտել քաղաքի տեսարժան վայրերը։ Կայցելենք Շահ Աբբասի պալատներ և ընտանեական մզկիթ։ Կտեսնենք Սիոսեփոլ կամուրջը, որը նաև 33 կամարների կամուրջ են անվանում։ Այս կամուրջը համարվում է Իրանի ամենամեծ պատմական կառույցը ջրի վրա:
Գիշերակաց հյուրանոցում
Նոյեմբերի 26
Լուսաբացին մեկնում ենք Ալի Սադրի ջրային քարանձավ: Սա աշխարհի ամենամեծ ջրային քարանձավն է և ամեն տարի ավելի ու ավելի շատ զբոսաշրջիկներ են գալիս տեսնելու ու հիանալու բնության այս հրաշքով։
Քարանձավում զբոսնելուց հետո մեկնում ենք Հայաստան:
Նոյեմբերի 27
Ուշ երեկոյան ժամանում Երևան։
Արժեքը՝ 195 000 դրամ
ներառում է՝
- հարմարավետ ավտոբուս
- հյուրանոց
- 2 անգամյա սնունդ (նախաճաշ և ճաշ)
- էքսկուրսիա և պատմական վայրերի այցելություն
- տեսարժան վայրերի մուտքավճարներ