Ես Տիգրանն եմ՝ ArmGeo-ի հիմնադիրը։ Մասնագիտությամբ աշխարհագրագետ եմ, իսկ արշավներն իմ կյանքի ճանապարհն են։ Դեռ մանկուց ունեցած սերը բնության և ճանապարհորդությունների հանդեպ վերածել եմ սիրած գործի։

2012 թվականին հիմնադրել եմ Armenian Geographic նախագիծը և այդ ժամանակից ի վեր կազմակերպել ու ղեկավարել եմ հազարավոր արշավներ ու լեռնային վերելքներ։ Ուսումնասիրելով Հայկական լեռնաշխարհը՝ հրատարակել եմ «Հայաստանի լեռները» և «Լեռնային կղզի» գրքերը։

Այսօր ArmGeo Global-ի շրջանակում կազմակերպում ենք արշավներ ամբողջ աշխարհում՝ առաջին քայլից մինչև միջազգային երթուղիներ՝ Արագածից մինչև Կիլիմանջարո, Կովկասից մինչև Հիմալայներ։

Ես սկսել եմ որպես ուղեկցորդ, իսկ հիմա մեր շուրջ ձևավորվել է ուժեղ թիմ և մեծ համայնք, որտեղ մարդիկ գալիս են ոչ միայն լեռներ բարձրանալու, այլ նաև իրենց նման մարդկանց գտնելու։ Որովհետև արշավը միայն ճանապարհ չէ։ Այն մարդկանց մասին է, ովքեր կողքիդ են։

Եթե զգում ես, որ ժամանակն է՝ միացիր մեզ։ Ուղղակի սկսիր քո արշավային ուղին․ մնացածը ճանապարհը քեզ կսովորեցնի։

Կհանդիպենք լեռներում։