Մանկական արշավ / Եղնասար լեռ և Կակաչ լիճ
Սիրով տեղեկացնում ենք, որ վերսկսում ենք ամեն հինգշաբթի օրերին մանկական արշավների կազմակերպումը։ Այս տարվա առաջին ուղղությունը կլինի դեպի Եղնասար լեռ և Կակաչ լիճ։
Նախագծի նպատակն է երեխաների մոտ փոքրուց ձևավորել արշավային էթիկան և սերը դեպի բնությունը։ Նախագիծը բացի երեխաների մոտ ֆիզիկական ակտիվությունն ապահովելուց ունի նաև ճանաչողական բնույթ։
Եղնասարն ու Կակաչ լիճը
Եղնասար լեռը գտնվում է Գեղարքունիքի և Տավուշի մարզերի սահմանագլխին՝ Արեգունու լեռներում։ Բարձրությունը 2599 մետր է։
Լեռան լանջերը ծածկված են մարգագետնային բուսականությամբ։
Արշավը սկսելու ենք Սեմյոնովկա գյուղից։
Դեպի հարավ երևում է Սևանա լիճը, իսկ դեպի հյուսիս՝ Տավուշի անտառները։
Գագաթից կիջնենք դեպի Կակաչ լիճ և կավարտենք արշավը Ծովագյուղում։
Երթուղու երկարությունը՝ 14 կմ
Հարաբերական բարձրությունը՝ 800 մ
Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 8։30
Մասնակցության արժեքը` 8 500 դրամ
Արժեքի մեջ ներառված է՝
Տրանսպորտ
Ուղեկցորդների ծառայություն
Արշավները կօգնեն երեխաներին ճիշտ բաշխել կուտակված էներգիան, սովորել տարբեր իրավիճակներում արագ կողմնորոշվել, ավելի ինքնուրույն լինել, ինչպես նաև կօգնեն ճանաչել իրենց երկիրի աշխարհագրությունն ու պատմությունը։
Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց
Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):
Երեխաների հետ դրեք նաև փոխնորդ կոշիկներ, որպեսզի թրջվելու դեպքում փոխեն կոշիկները, իսկ ցեխոտվելու դեպքում՝ չկեղտոտեն մեքենան:
Մեր արշավներին կարող են մասնակցել 8-14 տարեկան երեխաները, ովքեր չունեն առողջական խնդիրներ։
Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։ Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):
Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը
Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։
Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։
Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը վերադարձի ենթակա չէ։
ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։
Առաջիկա արշավներ
