Արշավ դեպի Կապուտան լիճ

Օգոստոսի 2-3 ուղևորվում ենք տեսնելու Զանգեզուրի լեռների զարդը՝ Կապուտան լիճը։ Զանգեզուրի լեռները հայտնի են իրենց ծալքաբեկորային ծագման գեղեցկությամբ և անմատչելիությամբ:

Քանի որ մեզ երկար ճանապարհ է սպասվում ունենալու ենք կանգառներ հանգստի և սնվելու համար։

Օր 1: Երևան-Սյունիք

Վաղ առավոտյան Երևանից կշարժվենք դեպի Սյունիք։

Ճանապարհին կունանենք կանգառ Մելիք Թանգի կամրջի և Որոտնավանքի մոտ։

Երեկոյան կհասնենք 2500 մետր բարձրության վրա գտնվող մի շատ գեղեցիկ վայր, որտեղ կլինի մեր ճամբարատեղին։ Ճամբարից բացվում է հիանալի տեսարան դեպի Զանգեզուրի ժայռոտ լեռները։

Գիշերակացը լինելու է վրաններում։

Վրանները տրամադրում ենք մենք։

Մասնակիցներն իրենց հետ պետք է ունենան քնապարկ և ներքնակ։

Քնապարկ և ներքնակ չունենալու դեպքում, կարող ենք տրամադրել նաև վարձակալությամբ՝ երկուսը միասին 5000 դրամ:

Օր 2: Արշավ դեպի Կապուտան լիճ

Երկրորդ օրը արտաճանապարհային մեքենաներով բարձրանում ենք Քաջարանի գետի կիրճով դեպի Կապուտան լիճ։

Կապուտան (Գոգի) լիճը գտնվում է 3202 մետր բարձրության վրա։ Լճի մոտից բացվում է հիանալի տեսարան։

Կապուտան լիճը գտնվում է «Զանգեզուր» կենսոլորտային համալիրի տարածքում և հանդիսանում է արգելավայրի զարդերից մեկը։

Չմոռանաք վերցնել լողազգեստ, քանի որ լճում լողալու գայթակցությունը մեծ է լինելու։

Քայլելու ենք թեթև ուսապարկերով։ Բոլոր իրերը (վրաններ, քնապարկեր, սնունդ և այլն) տեղափոխվում են ամենագնաց մեքենաներով։

Երթուղու երկարությունը կախված է թե որքան հնարավոր կլինի մոտենալ մեքենայով։ Քայելու ենք մոտ 2 ժամ։

Արշավն իրականացնելու ենք 4×4 մեքենաներով։

Խնդրում ենք հաստատել նախապես։ Տեղերը սահմանափակ են։

Հանդիպման վայրը` Կոմիտասի «Երևան Սիթի»
Հանդիպման ժամը` 7։30
Մասնակցության արժեքը՝ 36 000 դրամ

Արժեքի մեջ ներառված է՝
«Զանգեզուր» կենսոլորտային համալիրի մուտքավճարը
Տրանսպորտ
Ուղեկցորդների ծառայություն

Սնունդը կարող եք բերել ձեր հետ կամ միանալ ընդհանուր առևտրին։

Մասնակիցներն իրենց հետ պետք է ունենան՝
Աման, գդալ, պատառաքաղ, բաժակ
Քնապարկ
Ներքնակ (կարեմատ)
Ուսապարկ
Ձեռնափայտեր
Ջուր
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva) հեռախոսահամարով, Երևանի ժամանակով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝ ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս նպատակ դաշտում անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև հուլիսի 29-ը, առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ