Վերելք Կազբեկ լեռ 2026

2026 թ․-ին իրականացնելու ենք վերելք Կազբեկ լեռ / 5047 մ /։

Կազբեկ հանգած հրաբուխը Կովկասյան լեռների բարձր ու գեղեցիկ լեռներից է: Գտնվում է Վրաստանի և Ռուսաստանի սահմանին:

Ալպինիստական բարդությունը՝ 2A

Արշավի տևողությունը՝ 5 օր, 4 գիշեր

Վերելքի ամսաթիվը՝ Հուլիսի 27-31,2026

Վերելքն իրականացվում է Վրաստանի կողմից: Փորձել ենք վերելքը դարձնել մաքսիմալ հարմարավետ: Վրանային գիշերակաց չի սպասվում: Ծանր իրերը տեղափոխվելու են ձիերով:

Վերելքի մասնակիցները պարտադիր պետք է ունենան լեռնագնացության փորձ։

Ծանոթացեք ծրագրին ըստ օրերի:

Օր 1: Երևան – Ստեփանծմինդա

Առաջին օրը վաղ առավոտյան Երևանից կուղևորվենք Ստեփանծմինդա գյուղ: ճանապարհին կլինի կանգառ Թբիլիսիում: Երեկոյան կհասնենք Ստեփանծմինդա և կտեղավորվենք հյուրատանը:

Օր 2: Ստեփանծմինդա – Ծմինդա Սամեբա – Մետեոկայան

Առավոտյան մեքենաները մեզ կտանեն մինչև Ծմինդա Սամեբա վանք, որը գտնվում է 2200 մ բարձրության վրա: Այստեղից կսկսենք վերելքը դեպի մետեոկայան, որը գտնվում է 3700 մետր բարձրության վրա: Վերելքն իրականացնելու ենք թեթև ուսապարկերով, որոնց մեջ լինելու է միայն ճանապարհին անհրաժեշտ իրերը: Մնացած իրերը (սնունդ, քնապարկ, կատվիկներ, սառցահատ, շորեր և այլն) փոխադրվելու են ձիերով:

Գիշերակացը մետեոկայանում:

Օր 3: Կլիմայավարժեցում

Այս օրը կունենանք կլիմայավարժեցնող վերելք և կվերադառնանք կացարան: Հանգստանում ենք, պատրաստվում վերելքի:

 

Օր 4: Վերելք կազբեկ լեռ 5047 մ

Գիշերը ժամը 2-ին սկսում ենք վերելքը: Կացարանից մինչև գագաթ վերելքը տևում է մոտ 11 ժամ: Կացարան վերադառնալուց հետո իջնելու ենք մինչև Ծմինդա Սամեբա վանական համալիր:

Ծանր իրերը իջեցնում ենք ձիերով: Մեզ հետ ունենում ենք միայն փոքր ուսապարկ: Վանքի մոտից մեքենաներով կիջնենք մինչև Ստեփանծմինդա գյուղ։

Օր 5: Վերադարձ

Առավոտյան ուղևորվում ենք Երևան։

Վատ եղանակի դեպքում հնարավոր է պահանջվի հավելյալ գիշերակաց լեռան վրա:

Ճամփորդության արժեքը՝ 850 $ (համարժեք դրամ)

Մասնակիցների նվազագույն քանակը՝ 4

Արժեքի մեջ ներառված է՝

• Ուղեկցորդների ծառայություն
• Տրանսպորտ
• Ձիերի վարձակալություն
• Հյուրատուն (2 գիշեր)
• Մետեոկայանի վճար (կացարան 2 գիշեր)

Արժեքի մեջ ներառված չէ սնունդը վերելքի ընթացքում։ Յուրաքանչյուր մասնակից ինքը պետք է պատրաստի իր սնունդը: Մետեոկայանում կա խոհանոց, որից կարող ենք օգտվել և պատրաստել մեզ հետ բերված սնունդը:

Հանդիպման վայրը` Կոմիտասի «Երևան Սիթի»
Հանդիպման ժամը` 6։30

Կազբեկ ուղևորվելուց առաջ իրականացնելու ենք վերելք Արագածի Հյուսիսային գագաթ։ Կազբեկ կարող են ուղևորվել միայն նրանք, ովքեր առանց որևէ խնդիր մեկ օրում կբարձրանան Հյուսիսային գագաթ։

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ