Չաուխ․ վրացական Դոլոմիտներ

armeniangeographic

2 года ago

Իրականացնելու ենք արշավ Վրաստանի հյուսիսային շրջաններում՝ Կովկասյան լեռների լանջերով։

Ճանարհորդության երթուղին ընտրված է առողջ, միջին ֆիզիկական տվյալներ ունեցող անձանց համար: Արշավների ժամանակ մեզ հետ վերցնելու ենք միայն փոքր ուսապարկեր՝ այդ օրվա անհրաժեշտ պարագաներով: Գիշերակացը լինելու է հարմարավետ ու մաքուր հյուրատներում/հյուրանոցում:

Եթե հետաքրքրեց ուրեմն ծանոթացեք մանրամասներին:

Օր 1: Երևան – Բիրթվիսի կիրճ – Թբիլիսի

Վաղ առավոտյան շարժվում ենք Երևանից դեպի Թբիլիսի։ Ճանապարհին ունենք արշավ դեպի հեքիաթային Բիրթվիսի կիրճ։ Բիրթվիսը գտնվում է Վրաստանի Տետրի-Ցկարո շրջանում: Այն ամբողջությամբ նեղ ձորերով կտրտված, յուրօրինակ ժայռերով, գեղատեսիլ բնությամբ կիրճ է, որի կենտրոնում Բիրթվիսի բերդն է: Սպասվում է հետաքրքիր արշավ նեղ կիրճերով:

Բիրթվիսի կիրճ

Գիշերակացը հյուրանոցում (Թբիլիսի)։

Օր 2։ Թբիլիսի – Աշտարակների հովիտ – Ստեփանծմինդա

Առավոտյան Թբիլիսիից կուղևորվենք դեպի Մեծ Կովկաս։ Սակայն ճանապարհին ունենալու ենք կանգառ Գուդաուրիում, որտեղից իրականացնելու ենք արշավ դեպի Աշտարակների հովիտ։ Ըստ լեգենդի այս հովտում դարեր առաջ եղել է մոտ 60 պաշտպանական աշտարակ, որոնցից այժմ պահպանվել են մի քանիսը։ Արշավի ընթացքում կտեսնենք բարձունքի վրա գտնվող աշտարակներից մեկը և կծանոթանանք նրանց պատմությանն ու ճարտարապետությանը։

Աշտարակների հովիտ

Երթուղու երկարությունը՝ 11 կմ

Հարաբերական բարձրությունը՝ 500 մ

Օր 3: Գերգեթի վանք և Կազբեկի դիտակետ

Առավոտյան նախաճաշից հետո կիրականացնենք արշավ դեպի Կազբեկի լանջին գտնվող Գերգեթի վանք և կշարունակենք ճանապարհը դեպի այն կետը (2940 մ), որտեղից Կազբեկ լեռը հայտնվում է ափի մեջ: Այստեղից կտեսնենք Կազբեկն իր ողջ վեհությամբ:

Ստեփանծմինդա

Երթուղու երկարությունը՝ 16 կմ

Հարաբերական բարձրությունը՝ 1100 մ

Գիշերակացը հյուրատանը (Ստեփանծմինդա)

Օր 4։ Չաուխ / Վրացական Դոլոմիտներ

Վաղ առավոտյան ուղևորվում ենք Սնոյի կիրճ։ Սկսում ենք արշավ Վրաստանի ամենագեղատեսիլ լեռներից մեկի՝ Չաուխի լանջերով դեպի Չաուխի լիճ: Այս երթուղին հնարավորինս մոտենում է Չաուխ լեռանը: Սա այն վայրն է, որտեղից երևում է Չաուխ լեռն իր ողջ վեհությամբ: