Արշավ դեպի Ջրաշուշանների լիճ

Հրավիրում ենք մասնակցել թեթև քայլարշավի դեպի Ջրաշուշանների լիճ (Ուրասար)։ Այս գողտրիկ լճակում ծաղկում են բացառիկ գեղեցկությամբ ջրաշուշաններ։

Խմբի գիդ-ուղեկցորդը լինելու է Քրիս Պողոսյանը։

Ջրաշուշանը Հայկական լեռնաշխարհի ամենագեղեցիկ բույսերից է։ Գրանցված է ՀՀ Կարմիր գրքում և խստիվ ԱՐԳԵԼՎՈՒՄ Է այն քաղել:

Քանի որ ջրաշուշանների ծաղկման շրջանը կարճատև է և մոտենում է ավարտին, ունենք վերջին հնարավորությունը այս հիասքանչ երևույթը վայելելու համար։

Ճամփորդության ընթացքում կայցելենք նաև Սբ. Աստվածածին եկեղեցի։

Բացի այդ, կունենանք ճանաչողական քայլարշավ դեպի Սբ․ Նշան մատուռ, որը հանդիսանում է քաղաքի և ողջ տարածաշրջանի կարևորագույն հոգևոր վայրերից մեկը։ Մատուռը գտնվում է բլրի վրա, որտեղից բացվում է գեղատեսիլ տեսարան:

Ինչպես նաև կուղևորվենք Ստեփանավան քաղաք՝ այցելելու Լոռու չբացահայտված, բայց հրաշալի անկյուններից մեկը Մայորի ձորը, որտեղից բացվում է աննկարագրելի տեսարան դեպի Ձորագետի կիրճ։

Արշավը հարմար է սկսնակների համար, ինչպես նաև կարելի է մասնակցել երեխաների հետ։

Ճանապարհին կանգառ կունենանք ֆուդ կորտում։

Երթուղու երկարությունը՝ 6 կմ

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 8:00
Մասնակցության արժեքը` 9 500 դրամ

Արժեքի մեջ ներառված է՝
Տրանսպորտ
Ուղեկցորդների ծառայություն

Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս նպատակ դաշտում անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ