Страница 13 – Armenian Geographic

Արշավ Սեմյոնովկայից՝ Գոշ

Միացի՛ր մեր լեռնանցմանը Գեղարքունիքից Տավուշ:

Արշավը սկսելու ենք Սեմյոնովկա գյուղից: Անցնելու ենք Արեգունու լեռներով և իջնենք Խաչարձանի կիրճ։

Լեռներում ծվարած նախկին Գեղատափ գյուղն անցնելուց հետո կհասնենք Ճերմակավան և կիջնենք դեպի Գոշի լիճ, այնուհետև կշարունակենք ճանապարհը դեպի Գոշ գյուղ, որտեղ էլ կավարտենք արշավը:

Սեմյոնովկայից՝ Գոշ

Երթուղին անցնում է ալպյան մարգագետիններով և Տավուշի անտառապատ լեռներով։

Ճանապարհին չկան կտրուկ վերելքներ, քանի որ Սեմյոնովկան գտնվում է ավելի բարձր դիրքում՝ գրեթե ողջ ճանապարհն իջնում է դեպի ներքև։

Երթուղու երկարությունը՝ 22 կմ

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը՝ 7:00
Մասնակցության արժեքը՝ 9 500 դրամ

Արժեքի մեջ ներառված է՝
Ուղեկցորդների ծառայություն
Տրանսպորտ

Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։

Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Վերջին պահին
հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։ Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ

Արշավ դեպի Գողթանիկի ջրվեժ

Հրավիրում ենք իրականացնել մշակութային ճանաչողական այց Վայոց Ձորի մարզում, որի ժամանակ կբացահայտենք մշակութային և բնության յուրովի հուշարձաններ։ Խմբի գիդ-ուղեկցորդը լինելու է Քրիս Պողոսյանը։

Օրվա սկզբում կուղևորվենք Եղեգիս գյուղ, որտեղ կտեսնենք Եղեգիսի հրեական գերեզմանոցը (13-14 դարեր)։ Այն համարվում է աշխարհում պահպանված եզակի միջնադարյան հրեական մշակութային ժառանգության նմուշ։

Այնուհետև կուղևորվենք Արատես գյուղ և կտեսնենք 13-րդ դարի կարևոր վանական համալիրներից մեկը՝ Արատեսի վանքը, որը միջնադարում ծառայել է որպես եպիսկոպոսական ամառանոց։

Արատեսի վանք

Հաջորդիվ կուղևորվենք Հերմոն գյուղ, որտեղից էլ կսկսենք մեր քայլարշավը դեպի Գողթանիկի ջրվեժ, այն քչերին է հայտնի, բայց իր գեղեցկությամբ գերում է ցանկացած այցելուի սիրտ ու հոգի։

Հասնելով ջրվեժ հնարավորություն կունենանք զովանալ ջրվեժի մոտ։ Քանի որ Գողթանիկի ջրվեժն ունի բնական ձևավորված լողավազան՝ ցանկացողները կարող են լողանալ շոգ եղանակային պայմանների դեպքում։

Գողթանիկի ջրվեժ

Արշավը հարմար է սկսնակ արշավականների համար։

Ճանապարհին ունենալու ենք կանգառ Եղեգնաձորի «Ֆուդ Կորտ»-ի մոտ։

Երթուղու երկարությունը՝ 7 կմ

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 08:00
Մասնակցության արժեքը` 9 000 դրամ

Արժեքի մեջ ներառված է՝
Տրանսպորտ
Ուղեկցորդների ծառայություն

Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր
Մեկօրյա սնունդ
Ջուր (առնվազն 1,5 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝ ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս նպատակ դաշտում անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ

Աշխարհի ամենաբարձր «7 հրաբուխ» նախագիծ

Շատերն են լսել «7 գագաթ» ծրագրի մասին, որն իրենից ներկայացնում է վերելքներ աշխարհի բոլոր աշխարհամասերի ամենաբարձր գագաթներ։

Սակայն տարիներ առաջ ծնվեց նաև աշխարհի բոլոր աշխարհամասերի ամենաբարձր հրաբուխները բարձրանալու գաղափարը, որն առաջինն իրականացրեց իտալացի լեռնագնաց Մարիո Տրիմերին 2011 թվականին։

Նախագիծն իրականացնելու հիմք են ընդունվում իրական հրաբուխները, որոնք հանդիսանում են հրաբխային ժայթքման կենտրոններ, ունեն խառնարաններ և մինիմում 300 մետրանոց բարձրացում հիմքի շուրջ։

«7 հրաբուխ» նախագիծ

Ի տարբերություն «7 գագաթ» ծրագրի, հրաբուխների լանջերն ավելի մեղմաթեք են և չեն պահանջում հատուկ տեխնիկական պատրաստվածություն։

Միակ դժվարությունը Անտարկտիդա հասնելն է, սակայն ճանապարհորդությունների սիրահարների համար բոլոր խնդիրները լուծելի են։

7 հրաբուխների ցանկը՝

Օխոս-Դել-Սալադո (Հարավային Ամերիկա, Չիլի), բարձրությունը՝ 6893 մետր
Կիլիմանջարո (Աֆրիկա, Տանզանիա), բարձրությունը՝ 5895 մետր
Էլբրուս (Եվրոպա, Ռուսաստան), բարձրությունը՝ 5642 մետր
Օրիսաբա (Հյուսիսային Ամերիկա, Մեքսիկա), բարձրությունը՝ 5636 մետր
Դեմավենդ (Ասիա, Իրան), բարձրություն՝ 5610 մետր
Գիլուվե (Ավստրալիա, Օկեանիա, Նոր Գվինեա), բարձրությունը՝ 4368 մետր
Սիդլեյ (Անտարկտիդա), բարձրությունը՝ 4181 մետր

Օխոս-Դել-Սալադո (6893 մ)

Աշխարհի ամենաբարձր 7 հրաբուխների ցանկը գլխավորում է Չիլիի և Արգենտինայի սահմանին գտնվող Օխոս-Դել-Սալադոն, որը 1993թ․-ից հետո համարվում է աշխարհի ամենաբարձր գործող հրաբուխը (6893 մ)։ Այն Չիլիի ամենաբարձր կետն է, Ամերիկայի և Հարավային կիսագնդի երկրորդ ամենաբարձր գագաթը։ Բացի այդ, Օխոս-Դել-Սալադոյի՝ 6390 մ բարձրության վրա է գտնվում աշխարհի ամենաբարձր լեռնային լիճը։

Օխոս-Դել-Սալադո

Չնայած Օխոս-Դել-Սալադոն համարվում է ամենահեշտ 6000-ներից մեկը, սակայն վերելքը թերագնահատել պետք չէ, քանի որ այն ուղեկցվում է ուժեղ քամիներով, ցածր ջերմաստիճանով, և իհարկե, լեռնային հիվանդությամբ։ Ի շնորհիվ Ատակամա անապատի չոր և քամոտ կլիմայի, հրաբխի գագաթին գրեթե երբեք ձյան շերտ չի գոյանում։ Սակայն վերելքներ հիմնականում իրականավցում են սկսած դեկտեմբեր ամսից, երբ Հարավային կիսագնդում սկսվում է ամառը։

Կիլիմանջարո (5895 մ)

Կիլիմանջարոն Աֆրիկայի ամենաբարձր կետն է՝ 5895 մ, և համարվում է աշխարհի ամենագեղեցիկ երեք հրաբուխներից մեկը։ Բացի «7 հրաբուխ» նախագծի շրջանակներում կատարվող վերելքներից, Կիլիմանջարոն մտնում է նաև «7 գագաթ» ծրագրի մեջ։ Եթե օրինակ Օխոս-Դել-Սալադոն և մի քանի ալլ բարձր հրաբխային գագաթներ կազմում եմ լեռնաշղթնաների մի մասը, ապա Կիլիմանջարոն աշխարհի ամենաբարձր առանձին կանգնած եռագագաթ հրաբուխն է։

Աշխարհի ամենաբարձր «7 հրաբուխներ» նախագիծ

Կիլիմանջարո (5895 մ)՝ Աֆրիկայի ամենաբարձր հրաբուխը

Կիլիմանջարո կարելի է բարձրանալ մի քանի երթուղիներով, որոնցից ամենատարածվածը Մարանգուն է։ Կիլիմանջարոյի վերելքն անմոռանալի է դառնում նաև սաֆարիի շնորհիվ։

Վերելք Կիլիմանջարո

Էլբրուս (5642 մ)

7 հրաբուխներից ամենահաճախ այցելվողը Էլբրուսն է՝ լինելով Եվրոպայի երկգագաթ ամենաբարձր հրաբուխը՝ 5642 մ։

Էլբրուս (5642 մ)՝ Եվրոպայի ամենաբարձր հրաբուխը

Չնայած դրան, Էլբրուսի վերելքն ուղեկցվում է ուժեղ քամիներով, անկանխատեսելի եղանակային փոփոխություններով և լեռնային հիվանդության ախտանիշներով։

Վերելք Էլբրուս

Օրիսաբա (5636 մ)

Օրիսաբան Հյուսիսային Ամերիկայի և Մեքսիկայի ամենաբարձր կետն է՝ լինելով աշխարհի ամենաերկար՝ Անդյան Կորդիլերներ լեռնաշղթայի գագաթներից մեկը։ Չնայած լեռնաշղթան ունի բազմաթիվ հրաբխային լեռներ, սակայն Օրիսաբան դրանցից ամենաբարձրն է՝ 5636 մ։

Օրիսաբա

Օրիսաբայի երթուղին անցնում է անտառներով, ալպյան մարգագետիններով, իսկ վերջին հատվածում նաև սառցադաշտով։

Դեմավենդ (5610 մ)

Ասիայի ամենաբարձր հրաբխային գագաթը Դեմավենդն է՝ իր կոնաձև տեսքով՝ 5610 մ։

Դեմավենդ (5610 մ)՝ Ասիայի ամենաբարձր հրաբուխը

Վերելքի հիմնական դժվարությունը չոր կլիման և մերձգագաթային հատվածում ծծմբային արտանետումներ են։

Վերելք Դեմավենդ

Գիլուվե (4368 մ)

Գիլուվեն Նոր Գվինեայի և Օկեանիայի ամենաբարձր հրաբխային գագաթն է՝ 4368 մ։ Երկգագաթ հրաբխի վերելքը տեխնիկապես բարդ չէ։

Գիլուվե (4368 մ)՝ Նոր Գվինեայի և Օկեանիայի ամենաբարձր հրաբուխը

Դեպի Գիլուվե վերելնքները հիմնականում իրականացվում են Մաունթ Հագեն քաղաքից։ Կլիման խոնավ է, իսկ երթուղին անցնում է ջունգլիներով։

Սիդլեյ (4181 մ)

Սիդլեյն Անտարկտիդայի ամենաբարձր գագաթն է՝ տեղակայված է Մերի Բերդ լեռնաշղթայում։ Բարձրությունը 4181 մ է։ Առաջին հայացքից վերելքը բարդ է թվում, քանի որ հրաբուխը ծածկված է հաստ սառցային շերտով, սակայն երթուղին հասանելի է ոչ միայն փորձառու լեռնագնացների, այլ նաև դահուկորդների համար։

Սիդլեյ (4181 մ)՝ Անտարկտիդայի ամենաբարձր հրաբուխը

Անտարկտիդայի՝ մասնավորապես Մերի Բերդ լեռնաշղթայի հատվածը շատ քիչ է ուսումնասիրված, ինչով էլ պայմանավորված առաջին վերելքը տեղի է ունեցել միայն 2011թ․-ին։

Մեր առաջիկա արշավները

Արշավ Ծաղկաձորից Բջնի

Իրականացնելու ենք արշավ Ծաղկունյաց լեռներում։

Արշավը սկսելու ենք Ծաղկաձորից և Բջնի գետի կիրճով բարձրանալու ենք դեպի Դալար լեռ։ Դալար լեռը Ծաղկունյաց լեռների ամենաբարձր գագաթներից է։ Բարձրությունը՝ 2616 մ։

Արշավ Ծաղկաձորից Բջնի

Ճանապարհն անցնում է անտառներով ու ալպիական մարգագետիններով։ Գագաթից հետո Բջնուսար լեռան փեշերով կիջնենք դեպի Հրազդանի կիրճ։

Երթուղին ավարտելու ենք Բջնի գյուղում։

Երթուղու երկարությունը՝ 16 կմ
Հարաբերական բարձրությունը՝ 700 մ

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 07։30
Մասնակցության արժեքը` 8 500 դրամ