Նոյեմբերի 15-ից 16-ը  հասնելու ենք Հայաստանի հարավային դարպաս՝ Մեղրի: Մնալու ենք բարձր դիրքում գտնվող, անտառներով շրջապատված Լիճք գյուղում:

Լիճք

Երկօրյա ճանապարհորդության ընթացքում կտեսնենք բազմաթիվ բնական և պատմական հուշարձաններ:

Օր 1: Արաքսի հովիտ և Մեղրի

Վաղ առավոտյան Երևանից ուղևորվում ենք Մեղրի։ Ճանապարհին ունենալու ենք կանգառ Վայքի «Ֆուդ կորտում» և կանգառ Կապանում։

Հասնելով Մեղրի սկզբում կբարձրանանք Մեղրու բերդ, որն իր ճարտարապետական մտահղացմամբ եզակի է հայկական ամրոցաշինության մեջ։

Մեղրու բերդ

Բերդը պարսպապատեր չունի, դրանց փոխարինել են լեռնաշղթայի թեք լանջերը: Կզբոսնենք Մեղրու կոլորիտային հին թաղամասերով: Կայցելենք Մեծ Թաղի և Փոքր Թաղի եկեղեցիները։

Այնուհետև կուղևորվենք Արաքսի ափ։ Կունենանք կանգառ ամենագեղատեսիլ վայրում, որտեղից բացվում է հիանալի տեսարան դեպի Արաքս գետն ու սահմանից այն կողմ գտնվող լեռնաշխարհը։

Արաքսի հովիտը

Ապա կուղևորվենք Լիճքում գտնվող գյուղական տուն, գիշերակացի համար:

Օր 2։ Սրտեր ջրվեժ

Առավոտյան նախաճաշից հետո կիրականացնենք արշավ դեպի Լիճքի ամանաբարձր՝ Սրտեր ջրվեժը։ Ջրվեժը գոյանում է Մեղրի գետի հոսանքի վրա։ Ունի սրտի տեսք։ Երթուղին անցնում է Մեղրի գետի գեղատեսիլ հունով։

Հայաստանի ջրվեժները

Արշավից հետո ուղևորվում ենք դեպի Երևան։

Երթուղու երկարությունը՝ 10 կմ
Հարաբերական բարձրությունը՝ 400 մ

Հանդիպման վայրը` Կոմիտասի «Երևան Սիթի»
Հանդիպման ժամը` 06:30
Մասնակցության արժեքը` 35 000 դրամ

Արժեքի մեջ ներառված է՝

• Տրանսպորտ
• Ուղեկցորդի ծառայություն
• Գիշերակաց գյուղական տանը (սեփական քնապարկերով)

Մասնակիցներն իրենց հետ պետք է ունենան՝

• Աման, գդալ, պատառաքաղ, բաժակ
• Քնապարկ
• Ներքնակ (կարեմատ)
• Ուսապարկ
• Ձեռնափայտեր
• Ջուր
• Դեղատուփ
• Արևային ակնոց
• Գլխարկ (արևապաշտպան և ձմեռային)
• Տաք հագուստ
• Լապտեր
• Անձրևապաշտպան թիկնոց
• Սնունդ

Քնապարկ և ներքնակ չունենալու դեպքում, կարող ենք տրամադրել նաև վարձակալությամբ՝ երկուսը միասին 5000 դրամ:

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև նոյեմբերի 12-ը, առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա տուրեր

Վերելք Դիմաց լեռ

Վերելք Կալասար լեռ

Երեք բազեների արահետ

Հավուց Թառ և Աղջոց վանք

Հրավիրում ենք միասին մասնակցել թեթև քայլարշավի նոր երթուղով և վայելել Լոռվա բնաշխարհի աննկարագրելի գեղեցկությունը։ Այս արշավը համադրում է բնության հիասքանչ տեսարանները և պատմամշակութային կոթողներին ծանոթանալու բացառիկ հնարավորությունը։

Քայլարշավը կսկսենք Աքորի գյուղից․ լեռնային արահետներով քայլելով կհասնենք Բգավոր վանք, որտեղից բացվում է անզուգական տեսարան դեպի Դեբեդի կիրճը։ Վանքը XIII դարում կառուցված եռանավ բազիլիկ եկեղեցի է և հայ-քաղկեդոնական ճարտարապետության հազվագյուտ օրինակներից մեկը։

Բգավոր վանք

Լալվարի լանջերով բարձրանալով՝ կհասնենք մեր քայլարշավի ամենաբարձր կետին, որտեղից կբացվի հիասքանչ համայնապատկեր․ Կաճաճկուտ գյուղը՝ շրջապատված լեռներով ու խաղաղ բնությամբ։

Շարունակելով մեր ճանապարհը՝ կուղևորվենք դեպի Սեդվու վանք, որը թաքնված է անտառների գրկում։ Վանքը ևս հայ-քաղկեդոնական է (XIII դար)։ Գլխավոր եկեղեցին՝ Սբ․ Նշանը, միանավ բազիլիկ եկեղեցի է։ Հաջորդ կանգառը կլինի Սեդվու միջնադարյան բերդը, որտեղ պահպանվել է ուղղանկյուն հատակագծով եռահարկ աշտարակ։

Լոռվա գյուղերով

Ծանոթանալով վանքերի պատմությանը և վայելելով բնության չքնաղ տեսարանները՝ շրջանաձև երթուղով կվերադառնանք Աքորի գյուղ։ Սա եզակի հնարավորություն է բացահայտել Հայաստանի ամենաքիչ այցելվող, բայց ամենահիասքանչ անկյուններից մեկը։ Արշավը հարմար է սկսնակների համար։

Խմբի գիդ-ուղեկցորդը լինելու է Քրիս Պողոսյանը։

Ճանապարհին ունենալու ենք կանգառ ֆուդ կորտում։

Արշավի երկարությունը՝ 12 կմ
Հարաբերական բարձրությունը՝ 500 մետր

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը՝ 07։30
Մասնակցության արժեքը` 9900 դրամ

Արժեքի մեջ ներառված է՝
Տրանսպորտ
Գիդի ծառայություն

Մասնակիցներն իրենց հետ պետք է ունենան՝

Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա տուրեր

Վերելք Դիմաց լեռ

Վերելք Կալասար լեռ

Երեք բազեների արահետ

Հավուց Թառ և Աղջոց վանք

Հին Խոտ․ Արշավ լքված գյուղերով

Արշավ Ծաղկաշատից Սանահին

Արշավ դեպի Խոսրովի արգելոցի ջրվեժներ

Մեղրի / Լիճքի ջրվեժներ

Արամազդ լեռ

Նախատեսում ենք լեռնային արշավ Եգիպտոսում՝ Բեդուինների արահետներով։ Մեզ շատ յուրօրինակ փորձառություն է սպասվում․ Եգիպտոսի ամենաբարձր գագաթներից, մինչև անծայրածիր անապատներն ու ժայռոտ կիրճերը։ Իսկ գիշերակացերն անցնելու են բեդուինական ճամբարներում՝ ողողված մշակույթով և տեղացիների հյուրընկալությամբ։ Եգիպտոսը շատերի մոտ հարմարավետ հյուրանոցի և ծովափնյա հանգստի հետ է ասոցացվում, բայց մենք առաջարկում ենք այս երկրի թաքնված և ոչ հայտնի կողմը՝ լեռներ, գիշերակաց անապատում, արշավ անվերջ թվացող կիրճերով, շփում բեդուինական ցեղերի հետ։ Մեր ծրագրում ունենք 4 լեռ՝ ներառյալ Եգիպտոսի ամենաբարձր լեռը՝ Կատարինեն և ամնամեծ պատմությունը կրող լեռը՝ Սինայը։

Ճամփորդության ծրագիրն ըստ օրերի՝

Օր 1: Երևան – Շարմ էլ Շեյխ

Ժամանում Շարմ էլ Շեյխի միջազգային օդանավակայան և տեղափոխում դեպի հյուրանոց։

Օր 2: Սուրբ Եկատերինայի վանք – Սինայ լեռ (2285 մ)

Վաղ առավոտյան Շարմ էլ Շեյխից ուղևորվում ենք դեպի Սանտա Կատարին լեռնային քաղաք։ Առաջին կանգառը կլինի բեդուինական ճամբարում։

Այստեղից կսկսենք մեր քայլարշավը դեպի Աստվածաշնչյան Սինայ լեռան գագաթ՝ անցնելով Սուրբ Եկատերինայի վանքով, որը համարվում է աշխարհի ամենահին, մշտապես գործող քրիստոնեական վանքերից մեկը։ 

Սինայ լեռ

Սինայ լեռը Եգիպտոսի ամենահայտնի լեռներից մեկն է, որն անվանում են նաև Մովսեսի լեռ։ Ըստ Հին Կտակարանի այդ լեռան վրա է Աստված հայտնվել Մովսեսին և շնորհել Տասը պատվիրանները։

Հաջորդ կանգառը կլինի ավանդական բեդուինական սրճարանում, որտեղ հնարավորություն կունենանք տեղացիների հետ ճաշելու։

4 կմ քայլելուց հետո կհասնենք վերելքի վերջին հատվածին, որտեղ պետք է հաղթահարել վերջին 750 քարե աստիճանները։ Վերելքը սկսելու ենք այնպես, որ մայրամուտին լինենք գագաթին և վայելենք վերևից բացվող անհավանական տեսարանները՝ ողողված արևի վերջին ճառագայթներով։  

Մայրամուտը վայելելուց հետո կիջնենք Սանտա Կատարին քաղաք՝ ընթրելու և գիշերելու տեղական բեդուինական ճամբարում։ 

• Երթուղու երկարությունը՝ 10 կմ
• Հարաբերական բարձրությունը՝ 750 մ

Օր 3: Ծանոթություն Բեդուինական մշակույթին

Առավոտյան կշարունակենք մեր քայլարշավը և մոտ երկու ժամ անց կհասնենք Դոկտոր Ահմեդ Մանսուրի լեռնային այգի։ Կունենանք ազատ ժամանակ այգում՝  վայելելու թարմ պատրաստված տեղական ուտեստները։ Եթե ջրի մակարդակը թույլ տա, կարող ենք նաև լողալ բնական սառը ավազանում։

Սինայ լեռ / Բեդուինական մշակույթ

Այնուհետև կվերադառնանք քաղաք, որտեղ տեղացի արհեստավորուհու մոտ կունենանք թեյի հյուրասիրություն։ Կծանոթանանաք ավանդական բեդուինական ասեղնագործության արվեստին և պատմությանը։ Օրը կավարտենք բաց երկնքի տակ ընթրիքով, բեդուինական երաժշտության և խարույկի լույսի ներքո:

• Երթուղու երկարությունը՝ 6 կմ

Օր 4: Վերելք Եգիպտոսի ամենաբարձր լեռը (2642 մ)

Վաղ առավոտյան կպատրաստվենք Սուրբ Կատարինե լեռան վերելքին, որը Եգիպտոսի ամենաբարձր լեռն է։ Գտնվելով Սինայի հարավում՝ Սինայ լեռան հարևանությամբ, այս քայլարշավը սկսվում է Սանտա Կատարին քաղաքից և լեռան ժայռոտ արահետներով տանում մինչև գագաթ։ 

Արևածագը Սուրբ Կատարինե լեռան գագաթից

Սուրբ Կատարինե լեռը ոչ միայն Եգիպտոսի ամենաբարձր լեռն է, այլև պատմական մի վայր, որտեղ ըստ ավանդության գտնվել են Սուրբ Կատարինեի մասունքները։

Գագաթին հասնելուց և ճաշելուց հետո՝ մոտ երեք ժամ իջնելու ենք դեպի Վադի Էլ-Շաք, որտեղ կհայտնվենք լեռնային այգու մոտ։ Երեկոյան կվայելենք տաք պատրաստված ընթրիք խարույկի շուրջ։

• Երթուղու երկարությունը՝ 16 կմ
• Հարաբերական բարձրությունը՝ 1100 մ

Օր 5: Աբբաս Բաշա լեռ (2380 մ)

Նախաճաշից հետո կսկսենք մեր քայլարշավը լեռնային արահետով դեպի Աբբաս Բաշա լեռ։ Աբբաս Բաշան Օսմանյան կայսր է եղել, ով տառապել է թոքախտով, և կարծելով, որ Սինայի լեռների մաքուր օդը կարող է իրեն փրկել, լեռան գագաթին սկսել է ամրոց կառուցել։ Սակայն ամրոցի կառուցման ընթացքում կայսրը մահացել է, իսկ ամրոցի կառուցումը դադարեցվել է։ Այժմ լեռան գագաթին հնարավոր է տեսնել ամրոցի պարիսպների մնացորդներ։

Վերելքից հետո կճաշենք գեղեցիկ այգում և կշարունակենք քայլել դեպի ճամբար, որտեղ էլ կանցկացնենք մեր գիշերակացը։

• Երթուղու երկարությունը՝ 10 կմ
• Հարաբերական բարձրությունը՝ 550 մ

Օր 6: Վերելք Նագա լեռ

Առավոտյան կսկսենք արշավը Վադի Սաքարից՝ Նագա լեռան արահետով դեպի լեռան գագաթ՝ վայելելու հիասքանչ պանորամային տեսարանը դեպի Էլ-Թիհ հարթավայրն ու Վադի Շեյխ Ավադ գյուղը։ Այնուհետև կիջնենք դեպի Խարազեթ Էլ-Շաք, որտեղ էլ կճաշենք:

Վերելք Նագա լեռ

Վերադառնալով ճամբար, կանցկացնենք վերջին գիշերը բեդուինական ճամբարում:

• Երթուղու երկարությունը՝ 11 կմ
• Հարաբերական բարձրությունը՝ 550 մ

Օր 7: Սինայ անապատ

Տեղական ճամբարից կուղևորվենք դեպի Սինայի անապատ։ Այնուհետև ուղտերով կշրջենք Սինայի հսկա ու խորհրդավոր անապատում՝ զգալով լուռ վեհությունն ու խաղաղությունը։ Բնության սրտում, հեռու քաղաքային աղմուկից, կունենանք ճաշ բաց երկնքի տակ:

Սինայ անապատ

Կեսօրից հետո կուղևորվենք դեպի Շարմ էլ Շեյխ։

Գիշերկացը հյուրանոցում։ 

Օր 8: Վերադարձ

Կուղևորվենք դեպի օդանավակայան և կվերադառնանք Հայաստան։

Ժամանակի առկայության դեպքում կարող ենք լողալ ծովում։

Մասնակցության արժեքը՝ 1290 USD (համարժեք դրամ)

Արժեքը ներառում է՝

• Երեք անգամյա սնունդ ճամբարում
• Գիշերակաց հյուրանոցներում
• Նախաճաշ և ընթրիք հյուրանոցում
• Տեղացի ուղեկցորդների ծառայություն
• Ուղեբեռի և սարքավորումների տեղափոխման համար՝ ուղտեր և ուղտավարներ
• Ներքնակ ճամբարային այգիներում
• Երկկողմանի տրանսֆեր Սանտա Կատարին քաղաք
• Սանտա Կատարին քաղաքի մուտքի տոմս
• Ներքին տեղափոխումներ
• Շշալցված ջուր

Արժեքը չի ներառում՝

• Միջազգային ավիատոմսերը
• Թեյավճարներ
• Անհատական ճամբարային պարագաներ
• Անձնական ծախսերը

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Արտագնա տուրեր

Սվանեթ․ աշտարակներից մինչև սառցադաշտեր

Դաղստան. Լեռների երկիր

Համշեն․ յայլաներ, կամուրջներ, ջրվեժներ

Վերելք Սիս լեռ

Վերելք Ջիլո լեռ

Վերելք Սիփան և Նեմրութ

Վերելք Արարատ լեռ 2026

Չաուխ․ Վրացական Դոլոմիտներ

Վերելք Կազբեկ լեռ 2026