Մռավ լեռ կամ Մռավի լեռնագագաթը համարվում է Մռավ լեռնաշղթայի գագաթներից մեկը: Բարձրությունը 3343 մ է՝ լինելով լեռնաշղթայի մոտավոր 20 երեքհազարանոց գագաթներից մեկը: 

Մռավ լեռնաշղթայի ամենաբարձր գագաթը Գոմշասարն (Արիության լեռ) է՝ 3724 մ: Սակայն ուշագրավ է, որ լեռնաշղթան կոչել են ոչ թե ամենաբարձր գագաթի, այլ հենց Մռավ լեռան անունով: 

Մռավի լեռնաշղթա

Մռավի լեռնաշղթան Սևանի լեռնաշղթայի արևելյան շարունակությունն է: Այն ունի 85 կմ երկարություն և սկսվում է Մեծ հինալ գագաթով՝ 3367 մ: Գագաթը համարվում է հանգուցային, քանզի այնտեղ խաչվում են հայկական չորս լեռնաշղթաները՝ Մռավի, Սևանի, Կաֆլանկալայի, և Արևելյան Սևանի։ 

Մռավի լեռները կազմված են հրաբխածին ապարներից, կտրտված են խորը կիրճերով ու գետահովիտներով:

Ավանդություն

Ըստ ավանդության, երբ պարսիկները գալիս են Արցախը գրավելու, Մռավ անունով մի հայ զորավար իր մարդկանցով ամրանում է լեռան վրա և դիմադրում։ Թեև թշնամու զորքն ավելի մեծաքանակ էր, բայց Մռավի մարդկանց հաջողվում է հետ քշել նրանց, սակայն կռվի ժամանակ սպանվում է Մռավը, որի անունով էլ լեռը կոչվում է Մռավ։ Այնուհետև, ողջ լեռնաշղթան նույնպես, ստանում է Մռավ անունը։

Բացի այդ, ըստ Մակար Բարխուդարյանցի  լեռան վրա կա սրբավայր և քարանձավ։

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Լեռնագրություն

«Մեր հարաբերությունները յուրահատուկ են». Հայաստանում Հնդկաստանի դեսպան

Հայաստանում Հնդկաստանի արտակարգ և լիազոր դեսպան Ն.Գ. Կիշան Դան Դեվալը մասնակցեց Armenian Geographic-ի կազմակերպած դեպի Աժդահակ արշավին: Սա շատ յուրահատուկ արշավ էր մեր պատմության մեջ, քանի որ առաջին անգամ արշավին մասնակցում էր 90 մարդ: Արշավը հաջողված էր, քանի որ բոլոր 90 մասնակիցները հասան Աժդահակի գագաթ և բարեհաջող իջան այնտեղից: Նրանց մեջ էր նաև Հնդկաստանի դեսպանը:

–Ի՞նչ տպավորություններ ունեք այս արշավից, և արդյոք այն դժվա՞ր էր ձեզ համար:

Աժդահակի արշավը շատ հետաքրքիր էր, լեռները շատ յուրահատուկ գեղեցկություն ունեն: Շատ հիանալի է այսքան շատ հրաբուխներ տեսնել մոտակայքում: Լիճը հրաշալի է: Արշավն այնքան էլ դժվար չէ մարզված մարդկանց համար, այն միջին դժվարություն ունի:

–Դուք սովո՞ր եք արշավելուն:

-Այո, վերջին տարիներին ես հաճախ եմ արշավում, բայց հիմնականում հեշտ արշավների եմ մասնակցում:

–Սա առաջին անգա՞մն է, որ Armenian Geographic-ի հետ մասնակցում եք արշավի:

-Ոչ, սա երևի 10-րդ անգամն է:

–Ձեզ դո՞ւր է գալիս ArmGeo-ի հետ արշավելը:

-Այո, ArmGeo-ի թիմն իրոք պրոֆեսիոնալ է: Տիգրանը (Armenian Geographic-ի ղեկավարը) միայն գիդ չէ, նա իրոք լավ աշխարհագրագետ է, շատ լավ գիտի տարածքը և լավ տիրապետում է աշխարհագրությանն ու քարտեզագրությանը:

–Էլ որտե՞ղ եք արշավել Հայաստանում:

-Ես եղել եմ Արագածի երկու գագաթներին: Մյուս լեռների անունները չեմ հիշում, ինձ համար շատ դժվար է դրանք հիշելը:

–Դուք սիրո՞ւմ եք այստեղի կյանքը:

-Այո, շատ հինալի երկիր է, մարդիկ շատ ընկերասեր են: Հայաստանն ու Հնդկաստանն ունեն բարեկամական և եղբայրական հարաբերություններ: Կարող եմ ասել, որ մեր հարաբերությունները յուրահատուկ են:

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավներ Հայաստանում