Armenian Geographic

Ճամփորդություն դեպի Շրի Լանկա

/in Արտագնա տուրեր /by armeniangeographic

2026 թվականի փետրվարի 5-15-ը հրավիրում ենք ձեզ միանալ, բացառիկ ճամփորդության դեպի Շրի Լանկա՝ երկիր, որը համատեղում է արևադարձային բնությունը, պատմական ժառանգությունը և յուրահատուկ մշակույթը։

Ճամփորդության ծրագիրն ըստ օրերի՝

Օր 1։ Երևան – Կոլոմբո

Կուղևորվենք Կոլոմբո։ Հանգիստ թռիչքից հետո, երեկոյան զբոսանք քաղաքում:

Կոլոմբո

Օր 2: Դամբուլա քարանձավային տաճար

Կայցելենք Դամբուլա տաճար, այն Շրի Լանկայի ամենամեծ և լավագույն պահպանված քարանձավային տաճարն է։ Ներսում կա 153 Բուդդայի արձան։ Առաստաղն ու պատերը, որոնք վերաներկվել են դարերի ընթացքում, ներառում են տարբեր պատկերներ, այդ թվում՝ դրվանգեր թագավորական կյանքից։

Դամբուլա տաճար

Ճանապարհին կունենանք այցելություն Պիննավալա Փղերի ապաստարան՝ որտեղ կծանոթանանք նրանց առօրյային և թե ինչպես են նրանց խնամում:

Օր 3։ Սիգիրիա և Կանդի

Այնուհետեւ մեզ սպասում է Սիգիրիան՝ կղզու ամենահայտնի տեսարժան վայրերից մեկը, որը հայտնի է իր եզակի որմնանկարներով և հնագույն պալատով։ Կբարձրանանք հիասքանչ Սիգիրիայի վիթխարի ժայռը, որը համարվում է աշխարհի ութերորդ հրաշալիքը, ապա կշարունակենք ուղևորությունը դեպի Կանդի՝ Շրի Լանկայի մշակութային կենտրոն։Այս օրը կանցկացնենք Կանդիում։

Սիգիրիա

Կայցելենք ՙԱտամի պաշտամունքի՚ արարողությանը Տամմալակա հրապարակի տաճարում։ Տաճարը կառուցվել է Բուդդայի ատամի մասունքի պահպանման համար, որը փրկվել է Բուդդայի դիակիզման ժամանակ։ Այս տաճարը ՅՈՒՆԵՍԿՕ-ի պահպանության ներքո է։

Երեկոյան կայցելնեք մշակութային պարերի ցուցահանդես:

Օր 4։ Ամբուլավավա աշտարակ

Ուղևորվելու ենք դեպի Ամբուլավավա՝ չորս կրոնների տաճարը։ Ամբուլավավան 48 մետր բարձրությամբ աշտարակ է, որը դեպի վեր նեղանում է։ Վերև բարձրանալը համարձակություն պահանջող փորձություն է, բայց եթե չեք վախենում բարձրությունից՝ վերևում ձեզ սպասում է աննկարագրելի տեսարան և անմոռանալի լուսանկարներ ունենալու հնարավորություն։

Ամբուլավավա աշտարակ

Ապա կայցելենք գործող թեյի գործարան ՝ ծանոթանալու թեյի պատրաստման գործընթացին և վայելելու իսկական Ցեյլոնյան թեյի բույրն ու համը։ Թեյի գործարանից հետո կայցելենք Ռամբոդա ջրվեժ, որը Շրի Լանկայի ամենաբարձր ջրվեժներից մեկն է:

Կունենանք կանգառ նաև թանկարժեք քարերի թանգարանում:

Օր 5։ Նուվարա Էլիյա

Առավոտյան կսկսենք մեր օրը Նուվարա Էլիայում՝ այցելելով Գրիգորի պարկ, որը քաղաքի ամենագեղեցիկ ու հանգիստ վայրերից մեկն է։ Այստեղ կարելի է վայելել լճի տեսարանը, զբոսնել սփռված մարգագետիններով ու շնչել լեռների մաքուր օդը։

Նուվարա Էլիյա

Այնուհետև մեզ սպասում է կարճ քաղաքային շրջայց՝ բացահայտելու Նուարա Էլիայի հին անգլիական ոճով շինությունները և տեղական մշակույթի յուրօրինակ շունչը։

Օրվա կուլմինացիան կլինի դեպի Էլլա գնացքով ուղևորությունը՝ աշխարհի ամենագեղատեսիլ երթուղիով։ Գնացքը անցնում է թեյի դաշտերով, խիտ անտառներով, բարձր լեռնանցքերով ու ջրվեժներով:

Օր 6։ Էլլա, Փոքր Ադամի գագաթ

Այս օրը ամբողջությամբ կանցկացնենք Շրի Լանկայի ամենահայտնի լեռնային գեղատեսիլ վայրերից մեկում՝ Էլլայում։ Առավոտյան կզբոսնենք հիասքանչ Ինը Կամարների կամրջի մոտ՝ հիանալով բնության ու ճարտարապետության կախարդական համադրությանբ։

Ինը Կամարների կամուրջ

Այնուհետև մեզ սպասվում է Փոքր Ադամի գագաթը։ Վերևից բացվում են շշմեցնող տեսարաններ՝ շրջակա լեռների, թեյի դաշտերի և գյուղական հարթավայրերի վրա։

Օրը կավարտենք քաղաքում շրջայցով՝ այցելելով փոքրիկ սրճարաններ, տեղական խանութներ և վայելելով այս լեռնային քաղաքի թեթև, գունեղ և հանգիստ մթնոլորտը։

Օր 7։ Ռավանա և Դիյալումա ջրվեժ

Ռավանայի ջրվեժը, լեգենդների մեջ խոր արմատներ ունեցող վայր է, որ կապված է հին հնդկական «Ռամայանա» էպոսի հետ։ Ջրվեժը նեղ ու բարձր ժայռերի միջով իջնում է թմբկահարված ուժով՝ ստեղծելով տպավորիչ տեսարան։ Մեզ սպասվում է նաև հետաքրքիր արշավ դեպի Դիյալումա ջրվեժ։

Դիյալումա ջրվեժ

Այն Շրի Լանկայի երկրորդ ամենաբարձր ջրվեժն է՝ ավելի քան 200 մետր բարձրությամբ և բաղկացած է մի քանի կասկադներից։ Բարձրանալու ենք ամենավերև՝ այնտեղ, որտեղ ժայռերի մեջ բնական լողավազաններ են ձևավորվել, որտեղ կարելի է լողալ։

Օր 8։ Յալա ազգային պարկ

Կայցելենք Յալա ազգային պարկ։ Կտեսնենք փղեր (որոշներն ավելի քան 100 տարեկան են), կոկորդիլոսներ, կապիկներ, եթե բախտ վիճակվի, կարող ենք հանդիպել նաև արջերի ու ընձառյուծների։ Յալա պարկը վայրի բնության անկյուն է՝ արևադարձային բուսականությամբ ու կիլոմետրերով ձգվող ավազաթմբերով։

Յալա ազգայի պարկ

Կղզու հարավ-արևելքում գտնվող արգելոցը ողողվում է Հնդկական օվկիանոսի ջրերով։ Օրվա երկրորդ կեսին կուղևորվենք դեպի ափամերձ գոտի, որտեղի հյուրանոցում էլ կգիշերենք:

Օր 9: Հանգստյան օր ափում

Առավոտյան կմեկնենք Մադու գետի նավային սաֆարի՝ հետաքրքիր փորձառություն Շրի Լանկայի հարավային ջրանցքներով։ Նավով անցնելով փոքր կղզյակների միջև՝ կհանդիպենք վայրի թռչունների, կտեսնենք շրջակա գեղեցկությունը և կծանոթանանք գետի մոտ բնակվող ձկնորսական համայնքների կյանքին։

Սուֆարիից հետո կայցելենք կրիաների ֆերմա, որտեղ տեղացիները հոգ են տանում վնասված կամ վտանգված ծովային կրիաների մասին։ Այստեղ հնարավոր է մոտիկից տեսնել տարբեր տեսակի կրիաներ և ծանոթանալ պահպանության ծրագրերին։

Օր 10: Վերադարձ

Կուղևորվենք դեպի Կոլոմբո և թռիչք Հայաստան:

Մասնակցության արժեքը՝ 1550 USD (համարժեք դրամ)

Արժեքը ներառում է՝

Տեղացի ուղեկցորդի և գիդի ծառայությունը
Տրանսպորտն ըստ ծրագրի
Գիշերակացը և նախաճաշը հյուրանոցներում
Գնացքի տոմսերը
Բոլոր մուտքավճարները

Արժեքը չի ներառում՝

Միջազգային ավիատոմսերը
Ճաշն ու ընթրիքը քաղաքներում
Անձնական ծախսերը
Անձնակազմի թեյավճարները

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

Ճամփորդություն դեպի Շրի Լանկա

Վերելք Արարատ լեռ 2025

Մարոկկո / Վերելք Թուբկալ լեռ և Սահարա

Վերելք Բարդող լեռ / Կողբասար

Վերելք Սիս լեռ

Չաուխ․ վրացական Դոլոմիտներ

Վանա լճի 4 գագաթները

Վերելք Դեմավենդ 2025

Անահտա Աթոռ լեռ. աստվածուհու հետքերով

Արարատն ապացուցեց, որ այն պարզապես սիմվոլիկա չէ

/in Արարատվածներ /by armeniangeographic

Արարատն ինձ համար միշտ եղել է «անհաս փառքի ճամփա»: Երբեք չէի պատկերացնի, որ մի օր կկանգնեմ նրա գագաթին և կիրականացնեմ երազանքս, բայց ամեն ինչ փոխվեց, երբ սկսեցի աշխատել «Armenian Geographic»-ում։

Այնտեղ առաջին անգամ ծանոթացա «Արարատվածներ» շարքին, կարդացի մարդկանց պատմություններն ու այդ պահին հասկացա՝ Արարատը հեռու չէ, պետք է ուղղակի քայլ առ քայլ գնալ դեպի երազանք։

Արարատվածներ / Սոնա Վարդանյան

Հենց այդ օրը որոշում կայացրի որ ես էլ պետք է ունենամ իմ պատմությունը, իմ հիշողությունն Արարատի գագաթից։ Այդ օրը եկավ՝ 2024-ի օգոստոսին, իմ քսաներորդ արշավը եղավ Արարատի վերելքը։

Արարատը որպես հոգեբանական փորձություն

Արարատ բարձրանալուց առաջ շփվել էի շատ մարդկանց հետ, ովքեր արդեն արել էին այդ քայլը, թվում էր, թե լիարժեք պատկերացում ունեմ՝ ինչ է սպասվում վերելքի ընթացքում։ Բայց իրականությունը բոլորովին այլ էր։ Արարատը ոչ միայն ֆիզիկական, այլև հսկայական հոգեբանական փորձություն էր։

Քայլ առ քայլ դեպի երազանք

Հեռվից նայելիս, Արարատն ինչ-որ չափով անհասանելի է թվում, նույնիսկ մի փոքր լարվածություն առաջացնող։ Բայց երբ կանգնում ես գագաթին՝ հիշում հաղթահարած ճանապարհի բոլոր դժվարությունները, միանգամից փոխվում է այդ կապը։ Արարատը դառնում է մի հեռավոր ընկեր, ում տեսնելու մեծ ցանկություն ունեիր, բայց հենց հանդիպում եք՝ մի փոքր տխրություն է գալիս… որովհետև ակնթարթորեն ավարտվում է մի մեծ երազանքի ճանապարհ։

Հիշողություններ ողջ կյանքի համար

Մինչ վերելքն Արարատն ինձ համար եղել է հայրենասիրության խորհրդանիշ՝ մի վեհ սիմվոլ, որը կապում էր ազգին իր արմատների ու պատմության հետ։ Վերելքից հետո այն դարձավ շատ ավելի անձնական։ Այժմ Արարատն ասոցացնում եմ ընկերության հետ։ Լեռները ունակ են միավորելու մարդկանց՝ տարբեր վայրերից, տարբեր պատմություններով, բայց նույն նպատակով։

Արարատը պարզապես լեռ չէ, այլ մի մեծ հարթակ, որտեղ ծնվում են կապեր, ընկերություններ ու հիշողություններ, որոնք մնում են ողջ կյանքի ընթացքում:

Ամենամեծ դժվարությունն Արարատի գագաթին մտքերս հավաքելն էր։ Շփոթված էի, այդ պահին ամեն ինչ միախառնվում է՝ հույզերը, տեսարանը, անցած ճանապարհը։ Այնքան էմոցիա ու միտք է միաժամանակ սկվսում պտտվել գլխումդ, որ նույնիսկ դժվար է ուղղակի կանգնել ու հիանալ։

Թիմային ոգին օգնում էր հաղթահարել դժվարությունները։ Գագաթին գրկախառնվելիս և միմյանց շնորհավորելիս, կիսվում էինք հույզերով և ապրումակցում միմյանց։

Ամբողջ վերելքի ընթացքում ոչ միայն երգում էինք, այլ նաև պարում։ Հիմա՝ հայկական պարերի ձայները միանգամից հիշեցնում են Արարատի վերելքի ճանապարհը։

Արարատն ապացուցեց, որ այն պարզապես սիմոլիկա չէ

Արարատն ապացուցեց, որ այն պարզապես սիմոլիկա չէ, նրան պետք է ընդունել հենց այնպես, ինչպես կա և հասկանալ որ միայն դու կարող ես ստեղծել քո և Արարատի կապը։

Ես քայլում էի սկզբից, ու երբ հասա գագաթ, դեռ քիչ մարդ կար։ Արարատի դիմաց ինձ այնքան փոքր էի զգում, որ շփոթվեցի ու չգիտեի՝ ինչ զգալ։ Այդ պահին պտտվեցի ու տեսա խմբիս անդամներին՝ նրանք մոտեցան ու գրկեցին ինձ։ Այդ զգացողությունն այնքան հանգստություն բերեց, որ հիշել եմ ամեն պահը։

5165-ը միանշական փոխեց կյանքս։ Արարատն ինձ հնարավորություն տվեց միաժամանակ զգալ ուրախություն, ոգևորվածություն, հանգստություն, հուզմունք, վախ ու երջանկություն։

Սոնա Վարդանյան

Վերելք Արարատ լեռ 2025

Արարատվածներ

Արարատն ապացուցեց, որ այն պարզապես սիմվոլիկա չէ

Արարատը կարծես մի երազ լինի

Արարատը սարի, մարդկանց ու սիրո մասին է

Արարատը՝ որպես երազանքների իրականացման վկա

Արարատն այսուհետ իմն է

Վերելքն առասպելական էր, ինչպես Արարատը

Արշավ Շամլուղից Ախթալա

/in Առանց խորագրի /by armeniangeographic

Արշավի նպատակակետը Լոռվա սարերում գտնվող Կկվի բույն բերդն է։

Մեր համար սա նոր ուղղություն է։ Իրականացնում ենք ենք առաջին անգամ։ Սկսելու ենք քայլել Շամլուղից։ Առաջին նպատակակետը կոլորիտային Բենդիկ գյուղն է, որն աչքի է ընկնում իր յուրահատուկ ճարտարապետությամբ տներով ու եկեղեցով։

Արշավ Շամլուղից Ախթալա

Այնուհետև շարունակում ենք ճանապարհը անտառային արահետներով դեպի Կկվի բույն անվամբ բարձրադիր բերդը։ Բերդից բացվում է հիանալի տեսարան դեպի Դեբեդի կիրճն ու Լոռվա լեռնաշխարհը։

Բերդից իջնելու ենք այլ ճանապարհով՝ դեպի Ախթալա։ Արշավն ավարտելու ենք Ախթալայի վանական համալիրի մոտ։

Ճանապարհին ունենալու ենք կանգառ Ապարանի «Գնթունիքի» մոտ։

Երթուղու երկարությունը՝ 13 կմ
Բարձրանալու ենք մոտ 400 մետր, իջնելու ենք 900 մետր։

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը՝ 8։00
Մասնակցության արժեքը՝ 10 500 դրամ

Արժեքի մեջ ներառված է՝
Տրանսպորտ
Գիդի ծառայություն

Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ

Վերելք Դիմաց լեռ

Արշավ Հորսից Աղավնաձոր

Արշավ դեպի Մարտիրոսի լիճ

Սոսի լեռ և Գեղամասարի ջրվեժներ

Արշավ դեպի Գողթանիկի ջրվեժ

Վերելք Պապաքի սար և Մոխրասար

Արշավ դեպի Գութանասար

Վերելք Ապակեքար լեռ

3 գագաթ Քարկատարի լեռներում

Արշավ դեպի Թռչկան ջրվեժ

Երեք գագաթ Փամբակի լեռներում

Վերելք Խույր լեռ

Վերելք Խուստուփ լեռ

Վերելք Խուստուփ / Վերին Վաչագանից

Մեղրի / Լիճքի ջրվեժներ

Վերելք Գոմբակ լեռ

Վերելք Արամազդ լեռ

Արշավային ուղեկցորդների պատրաստման դասընթաց

Վերելք Արայի լեռ / Հյուսիսային երթուղով

/in Առանց խորագրի /by armeniangeographic

Բարձրանալու ենք հյուսիսային երթուղով՝ անտառի կողմից։

Այս անգամ իրականացնելու ենք վերելք Արայի լեռան կեղծ (2577 մ) և իրական գագաթներ (2605 մ)։

Արայի լեռ

Արայի լեռ բազմածին հրաբուխը գտնվում է Կոտայքի մարզում: Ունի հատած գագաթով անկանոն կոնի ձև: Հարավ արևմուտքում կա բնական պատռվածք: Ըստ ավանդության, լեռը կոչվել է Արա գեղեցիկ արքայի անունով:

Երթուղու երկարությունը՝ 17 կմ
Հարաբերական բարձրությունը՝ 900 մետր

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը՝ 8։00
Մասնակցության արժեքը՝ 8500 դրամ

Արժեքի մեջ ներառված է՝
Տրանսպորտ
Գիդի ծառայություն

Մասնակիցներն իրենց հետ պետք է ունենան՝

Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց