Իրականացնելու ենք արշավ Սևանի վայրի ափերով՝ Արտանիշ լեռան շուրջ։

Արշավի նպատակն է բացահայտել Արտանիշի թերակղզու «թաքնված» ափերը։ Արշավը սկսելու ենք Արտանիշ գյուղի մոտակայքից և, անցնելով Արտանիշի ծոցն ու շրջանցելով լեռը արևելքից ու հարավից, դուրս ենք գալու դեպի Մեծ ու Փոքր Սևանների հատման կետը։ Ճանապարհին տեսնելու ենք Ադայի մենաստան եկեղեցին, որը հողի տակից «ազատվել է» բոլորովին վերջերս և դեռ շատ քիչ մարդ է հասցրել այն տեսնել։ Երթուղու յուրահատկությունը կայանում է նրանում, որ Արտանիշ լեռան այս հատվածում կարելի է տեսնել Սևանա լիճն այլ դիտանկյունից և քայլել վայրի ափերով։

Արշավի վերջում նախատեսում ենք խարույկի շուրջ տեսնել Սևանի մայրամուտը` Գեղամա լեռների հատած կոների տեսարանով։

Ճանապարհին ունենալու ենք կանգառ «Ծովագյուղ» ֆուդկորտի մոտ։

Երթուղու երկարությունը՝ 17 կմ

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 9:00
Մասնակցության արժեքը` 9 500 դրամ

Արժեքի մեջ ներառված է՝
Տրանսպորտ
Ուղեկցորդների ծառայություն

Մասնակիցներն իրենց հետ պետք է ունենան՝

Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց
Զանգապաններ

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա տուրեր

Իրականացնելու ենք բացառիկ ճամփորդություն դեպի Սասուն։ Սա առաջին ուղևորությունն է, որն իր մեջ ներառում է պատմական Սասուն գավառի բոլոր շրջանները` Ծովասարը, Շատախը, Խութ Բռնաշենը, Խուլբ-Խիյանքը, Բսանացը, Տալվորիկը, Մարաթուկը, Հազզո-Խաբլջոզը, Մոտկանը և Սասունի լեռներից սկիզբ առնող բոլոր խոշոր գետերի` Սասնա ջրի, Խուլբաջրի, Տալվորիկի ջրի ու Խարզանի ավազանները։ 

Երթուղու մեջ ընդգրկված են ոչ միայն Սասունի նշանավոր սրբատեղիներն ու տեսարժան վայրերը, այլև ոչ հայտնի ու շատ քիչ այցելվող հայկական հուշարձանները, որոնց զգալի մասն այս պահին ոչնչացման եզրին է։ Նյութական-մշակութային շերտն ուսումնասիրելուց բացի բացառիկ հնարավորություն ենք ունենալու շփվել տեղի հայ համայնքների հետ, ուսումնասիրել տեղի արհեստները, խոհանոցը, հավատալիքները։

Օր 1։ Երևան – Բավրա – Կարծախ

Վաղ առավոտյան՝ անցնելով հայ-վրացական և վրաց-թուրքական ասահմանները, կուղևորվենք Կարս, որտեղ կունենանք կանգառ ճաշի համար։
Այնուհետև Սարիղամիշով կուղևորվենք դեպի Բասենի դաշտ՝ հետևելով Արաքս գետի հոսանքին։

Այստեղից ճանապարհը շարունակում ենք դեպի Մշո չքնաղ Բուլանուխ՝ վայելելով գարնանային Կոփի դաշտը և Բլեջան լեռան համայնապատկերը։

Օրվա ավարտին կունենանք հանդիպում Մուշի հայ համայնքի հետ։

Գիշերակացը Մուշում։

Օր 2։ Դեպի Սասնո Շատախ և Խոյթ

«Սասնո բոլոր» ճամփորդությունը սկսում ենք Սասունի սրտից՝ Ծովասարից ու Շատախից, որոնց տարածքի զգալի մասը շատ հեղինակներ կոչել են նաև Բուն Սասուն: Սասունի երբեմնի ամենամեծ գյուղ՝ ընկուզաշատ Գելեգուզան հասնելու համար Մշո դաշտից շարժվում ենք հարավ՝ Սիմ լեռան թունելով հաղթահարելով Արևելյան Տավրոսի լեռներն ու հայտնվելով Սասուն աշխարհում:

Սեմալն ու Շենիկը, որոնք ժամանակին Սասունին տիրել ցանկացողների կողմից առաջին հարվածն ընդունողներն էին, առաջինն են դիմավորում մեզ: Վայելելով Անդոկի ամենաֆանտաստիկ՝ հյուսիսային կողմից բացվող ազդեցիկ համայնապատկերը շարժվում ենք Գելիեգուզան՝ դեպի Թուխմանուկի մատուռ, Աղբյուր Սերոբի և Հրայր Դժոխքի գերեզմանատեղի:

Այնուհետև, ընկղմելով Սասնո Շատախի խորքերը և անցնելով Աղբի, Շուշնամերկ, Գերմավ և Տափըկ գյուղերի կողքով, լեռնային ճանապարհով տեղափոխվում ենք դեպի Խութ-Բռնաշեն։ 

Պատմական Սասունի հյուսիս-արևելյան այս հրաշագեղ կտորը իր զմրուխտե մարգագետիններով և ծաղկած սարերով մեր առաջ է բացում լրիվ այլ՝ ավելի մեղմիկ Սասուն: Մեր նպատակակետն է Կծանք գյուղը, որտեղից թեթև քայլարշավ կիրականացնենք դեպի Սուրբ Աղբերիկ՝ Սասունի առաջին եպիսկոպոսանիստ վանքը և նախաքրիստոնեական ժամանակներից այստեղ սրբացված ջրի աղբյուրը: 

Այնուհետև կուղևորվենք Տափ գյուղ, որտեղ կայցելենք կավագործության միակ ու վերջին արհեստանոցը Սասունում, կունենանք կավե թոնիրների պատրաստման մաստեր կլաս։ Այս օրը Բռնաշենի գյուղերից մեկում մեզ են սպասելու նաև տեղի հայ մեղվապահները: 

Գիշերակաց Դատվանում` Վանա լճի ափին։

Օր 3։ Կամուրջների երկիր Սասուն

Առավոտյան կուղևորվենք դեպի Սասունի հարավ` արևաշատ Հազզոյի շրջան, պտույտ կատարելով Մոտկանի վսեմ լեռների շուրջ: 

Հետևելով պատմական Մետաքսի ճանապարհին կհայտնվենք զարմանահրաշ Նորշենում, որտեղ մասամբ պահպանվել է Սասունի ամենատպավորիչ կամուրջներից մեկը՝ հիմքերում իջևանատուն-սենյակներով։

Կտեսնենք նաև Կուսգետի ջրամբարը, կհասնենք Սասունի հարավային դարպասին` Բաթմանա կամրջին։

Շարժվում ենք Սասունի արևմուտք` Խիյանի և Խուլբի շրջան: Այստեղ է Գդորնի քարե կամուրջը և մի ամբողջ քարանձավային քաղաք՝ գեղատեսիլ Խուլբաջուր գետի վրա։

Օրն ավարտելու ենք բացառիկ այցով. ընդամենը երկու տարի առաջ պեղված և վաղ քրիստոնեական շրջանի պատկանող մի ամբողջ համալիրով, որը հասցրել են տեսնել հատուկենտ մասնագետներ միայն, և իհարկե` մենք։

Գիշերակացը՝ Խուլբում։

Օր 4։ Սյան Սյունը

Մեր բացառիկ ուղևորության, թերևս, ամենաբացառիկ օրվան մոտեցանք: 

Մեկնում ենք դեպի Սասունի պատմության սկզբնակետը՝ Սյան սյուն կամ Դավթի բերդ։ Խորհրդավոր, գաղտնիքներով լի ու եզակի այս վայրում թաքնված է ոչ միայն մեր էպոսի կորիզը… այլև… այ այդ մասին տեղում: 

Այստեղից բացվող Ծովասարի համայնապատկերով էլ կշարժվենք դեպի Սասունի մեկ այլ խորհրդավոր սրբատեղի՝ ժայռափոր Ժռենց վանք։

Շարունակում ենք երթուղին, էլ ավելի մխրճվելով կենտրոնական Սասունի խորքերը, դեպի Բսանաց գավառ, որտեղ մեզ է սպասում Սուրբ Պետրոս Մատնեվանք կամ Գոմոց վանքը, որին հասնելու համար թեթև քայլարշավ կունենանք։

Սասունի վերջին հոգևոր կենտրոն, փառահեղ ու լեգենդար Գոմոց վանքի բարձունքից էլ կվայելենք Մարաթուկ լեռան, Բադըրմուտ, Մըջգեղ, Գոմք, Քիլիս, Կորընկես, Ջրթնիկ, Թաթուկ, Փշուտ գյուղերի տպավորիչ համայնապատկերը: 

Մեր գերհագեցած անմոռանալի օրն ավարտելու ենք Խաբլջոզում Սասնա ջրի ափին՝ տեղական կարմրախայտի ընթրիքով (հյուրասիրություն Արմջեոյի կողմից):

Օր 5։ Երկաթ ծնող ու ծռող Տալվորիկ

Մեր ճամփորդության 5-րդ օրը, թերևս, ամենաթեժն է լինելու՝ ճոխ տեսարանների և անմոռանալի զգացողությունների առումով։

Ասում էին՝ Գելիեգուզանը Սասունի սիրտն էր, իսկ Տալվորիկը՝ երկաթե դարպասը: 

Վաղ առավոտյան նախ կշտապենք Փասուրում գտնվող հայ երկաթագործների արհեստանոց՝ Տալվորիկյան երկաթագործության ավանդույթները պահած վերջին սերնդի հետ անձամբ ծանոթանալու: 

 

Այնուհետև կտեսնենք գարնանային Տալվորիկի լեռները, դրանց լանջերից ամեն անկյունից թափվող սառնորակ ջրերը, Բերդի քարի բարձունքից բացվող տեսարանները, քաջերի օրրան Տալվորիկի միակ մուտք ու ելք համարված Սատանի կամուրջը և դրա շուրջ նախաքրիստոնեական պաշտամունքային ավազանները։ 

Այս ամբողջ ընթացքում կանցնենք նաև Հոփեր, Մամըկա, Կթորնի, Դուալենք, Արտխո, Փուրխ, Խլհովիտ գյուղերի տարածքներով։ 

Եվ վերջապես՝ Մուշ վերադարձից առաջ, մեզ է սպասում Խուլբի շրջանի գոհարի՝ Դարկոշ լեռան լանջին թառած Ընձքարը, իր՝ մինչ օրս գործող սրբատեղի Սուրբ Գևորգ վանքով և շուրջը տարածվող հայաբնակ թաղամասերով: 

Գիշերակացը՝ Մուշում։

Օր 6։ Վերադարձ Երևան

Ցավոք, ժամն է վերադարձի: Հյուրանոցում նախաճաշելուց հետո հետդարձի ճանապարհն ենք բռնում՝ այս անգամ Խնուսով անցնելով դեպի Կարս, Ջավախք և կեսգիշերին մոտ հասնելով Երևան:

Խումբն ուղեկցելու է թուրքագետ, «Սասուն. 100-ամյա դիմադրություն» գրքի հեղինակ Սոֆիա Հակոբյանը:

 

Ճամփորդության արժեքը՝

Արժեքի մեջ ներառված է՝

• Թուրքագետ գիդի ծառայություն
• Տրանսպորտ (4×4 մեքենաներ)
• Գիշերակացերը հյուրանոցում
• Նախաճաշերը հյուրանոցում
• Կարմրախայտի հյուրասիրություն

Արժեքի մեջ ներառված չէ՝

• Վիզայի արժեքը  (ցանկության դեպքում մենք կարող ենք պատրաստել: Արժեքը ՀՀ քաղաքացիների համար՝ 15 000 դրամ)
• Ճաշտն ու ընթրիքը
• Ապահովագրությունը

 

 

ՈՒՇԱԴՐՈՒԹՅՈՒՆ

Բարդող լեռը Հայկական Պար լեռնահամակարգի հայտնի և վառ արտահայտված հրաբխային լեռներից է: Բարձրությունը 2562 մ է:

Լեռը հատկապես լավ արտահայտված երևում է Երևանից մայրամուտի ժամին։

Բարդողը հայտնի է նաև Կողբասար կամ Կողբի սար անունով: Նրա ստորոտին է գտնվել Կողբ գյուղը, որն այժմ քաղաք է և կոչվում է Թուզլուջա (թուրք. աղի հանք): Կողբ գյուղը հայտնի է եղել կերակրի աղի պաշարներով:

Օր 1: Երևան- Կարս

Անցնելով հայ-վրացական և վրաց-թուրքական սահմանները կուղևորվենք դեպի Ծովակ Հյուսիսո լիճ, որը գտնվում է ծովի մակարդակից 1959 մ բարձրության վրա և հանդիսանում է Հայկական լեռնաշխարհի արգելափակման ծագում ունեցող ամենամեծ լիճը:

Այնուհետև կուղևորվենք Կարս։ Կզբոսնենք Կարսի նեղլիկ փողոցներով։ Կտեսնենք Առաքելոց եկեղեցին, Վարդանի կամուրջը և Կարսի բերդը, կայցելենք նաև Կարսի հնագիտական թանգարան։

Օր 2: Վերելք Բարդող լեռ

Վաղ առավոտյան ուղևորվում ենք Բարդող լեռան ստորոտ և արտաճանապարհային մեքենայով բարձրանում ենք լեռն ի վեր, որտեղից մեզ կմնա բարձրանալ վերջին ժայռոտ հատվածը:

Հարաբերական բարձրությունն ընդամենը 300 մետր է, սակայն ժայռոտ ռելիեֆի պատճառով վերեքը միջինից բարդ է։ Արշավին մասնակցել կարող են միայն արշավային փորձ ունեցող մարդիկ:

Բոլոր մասնակիցները պարտադիր պետք է ունենան սաղավարտներ:

Վերադարձի ճանապարհին կիրականացնենք արշավ դեպի Խծկոնքի վանք։ Խծկոնքի վանական համալիրը բաղկացած էր 5 եկեղեցիներից։ Այժմ վթարային վիճակում պահպանվել է միայն վանքի գլխավոր՝ Ս. Սարգիս եկեղեցին։

Արշավն իրականացվում է 4×4 մեքենաներով:
Հանդիպման վայրը՝ Կոմիտասի «Սիթի»
Հանդիպման ժամը՝ 6։00
Մասնակցության արժեքը՝ 190 $

Արժեքի մեջ ներառված է՝
• Ուղեկցորդի ծառայություն
• Տրանսպորտ (4×4 մեքենաներ)
• Գիշերակաց հյուրանոցում

Արժեքի մեջ ներառված չէ՝
• Վիզայի արժեք (ցանկության դեպքում մենք կարող ենք պատրաստել: Արժեքը ՀՀ քաղաքացիների համար՝ 17 000 դրամ)
• Սնունդ
• Ապահովագրություն

Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև մայիսի 7-ն առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Արաջիկա արշավներ