Օգոստոսի 26-30 (5 օր, 4 գիշեր) առաջին անգամ իրականացնելու ենք Սապբորդինգ Վանի ավազանում։

Ճանապարհարոդությունն իրականացվելու է ամենագնաց մեքենաներով, որպեսզի հասնենք Վանի ամենաանհասանելի ափերը։ Վայելելու ենք Վանի արևածագերն ու մայրամուտները։ Վրաններով գիշերելու ենք Վանա լճի ափին և Նեմրութի խառնարանում։

Սապերով հասնելու ենք Կտուց կղզի և, իհարկե, քշելու ենք Վանի անհայտ ափերով դեպի հայկական հուշարձաններ, որոնք լճի մակարակի բարձրացման հետևանքով դարձել են դժվար հասանելի։ Նաև հնարավորություն կունենաք սապ քշել Հայկական լեռնաշխարհի ամենամեծ խառնարանում՝ Նեբրովթա Ծովակում։ Ճանապարհին կտեսնենք նաև Ծովակ Հյուսիսո լիճը, քաղաքամայր Անին, կզբոսնենք Կարսի փողոցներով ու կգիշերենք Արարատին ամենամոտ գտնվող քաղաքում՝ Բայազետում։

Ճանապարհորդությանը կարող են մասնակցել  բոլոր ցանկացողները։ Եթե հետաքրքրեց, բայց դեռ չեք փորձել սապ քշել՝ կարող եք միանալ մեր սապ տուրերին, որոնք կազմակերպում ենք գրեթե բոլոր հանգստյան օրերին։

Սա հնարավորություն է տեսնել ու զգալ Վանն այլ անկյան տակ։

Խմբի ուղեկցորդն ու հրահանգիչն է լողի պրոֆեսիոնալ մարզիչ, սապ տուրիզմի մասնագետ Կարեն Սարգսյանը։

Սապբորդինգի հրահանգիչ Կարեն Սարգսյանը

Օր 1։ Երևան – Ծովակ Հյուսիսո – Անի – Բայազետ

Գիշերակացը Բայազետում (հյուրանոց)։

Օր 2։ Բայազետ – Կտուց Կղզի – Վանա լիճ

Գիշերակացը Վանա լճի ափին (վրանային)։

Օր 3։ Վան – Սուրբ Գևորգ վանք – Նեմրութի Խառնարան

Գիշերակացը Նեմրութի խառնարանային լճի ափին (վրանային)

Օր 4։ Նեբրովթա Ծովակ -Բայազետ

Գիշերակացը Բայազետում (հյուրանոց)։

Օր 5։ Բայազետ – Կարս – Երևան

Ծրագրի մանրամասները կներկայացնենք հանդիպման ընթացքում։

Հանդիպման վայրը` Սարյանի պուրակ (Մարտիրոս Սարյանի արձանի մոտ)

Հանդիպման ժամը` 4:00

Մասնակցության արժեքը` 390 $ (համարժեք դրամ)

Արժեքի մեջ ներառված է՝

• Ուղեկցորդի ծառայություն
• Տրանսպորտ
• Սապերի վարձակալություն
• Փրկարարական բաճկոն
• Անիի մուտքավճար
• 2 գիշերակաց Բայազետի հյուրանոցում
• 2 նախաճաշ հյուրանոցում
• 2 վրանային գիշերակաց
• Վրանների վարձակալություն

Արժեքի մեջ ներառված չէ՝

• Սնունդը (բացի 2 նախաճաշից)
• Քնապարկ և ներքնակ
• Վիզայի արժեքը (Թուրքիայի մուտքի վիզան պատրաստում ենք մենք։ ՀՀ քաղաքացիների համար 15000 դրամ)
• Քովիդ թեստերի վճարը

ՈՒՇԱԴՐՈՒԹՅՈՒՆ

Ստուգեք անձնագրի վավերականության ժամկետը։ Այն մեկնման օրից առնվազն 6 ամիս պետք է ուժի մեջ լինի:
ՀՀ քաղաքացիների համար պետք է ելքի վիզա (կլոր կնիք), որը ևս մեկնման օրից առնվազն 3 ամիս պետք է ուժի մեջ լինի:

Ձեր մասնակցությունը հաստատեք զանգահարելով 043 00 5165 (Viva cell) հեռախոսահամարով կամ գրեք մեր ֆեյսբուքյան էջին

Գրանցվելուց հետո կարող եք հրաժարվել մինչև օգոստոսի 10-ը: Վերջին պահին հրաժարվողը պարտավորվում է վճարել գումարն ամբողջությամբ:

Առաջիկա արշավներ

Հրավիրում ենք մեզ հետ բացահայտել Տավուշի թաքնված գանձերը։

Իրականացնելու ենք արշավ Ոսկեպարի կիրճով, որի ընթացքում տեսնելու ենք ոչ հայտնի, բայց շատ տեսարժան հուշարձաններ։

Արշավի սկզբում կտեսնենք Վերին Ոսկեպարում գտնվող 13-րդ դարում կառուցված բերդ աշտարակը, որին նաև Աղջկա բերդ են անվանում։ Այնուհետև շարունակում ենք արշավը Ոսկեպար գետի կիրճով մինչև միջնադարյան Քարե կամուրջ։

Արշավի վերջնակետը լինելու է աղյուսաշեն Բերդավանքը (12-13-րդ դար), որը գտնվում է Ոսկեպարի լեռների հարավային լանջին՝ սաղարթախիտ անտառում։ Վանքը շրջապատված է հզոր բերդապարիսպներով և կլոր աշտարակներով։ Երթուղին անտառային է՝ գեղեցիկ տեսարաններով։

Ոսկեպարի Բերդ-աշտարակ

Արշավի երկարությունը՝ 18 կմ
Հարաբերական բարձրությունը՝ 700 մ

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը՝ 07։00
Մասնակցության արժեքը` 11 000 դրամ

Արժեքի մեջ ներառված է՝

Տրանսպորտ
Ուղեկցորդի ծառայություն

Մասնակիցներն իրենց հետ պետք է ունենան՝

Ուսապարկ (պարտադիր)
Ձեռնափայտեր
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց
Զանգապաններ

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը – https://bit.ly/3GHAt9H

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա տուրեր

Վերելք Արայի լեռ / Հյուսիսային երթուղով

Գոշավանքից Խաչարձան

Երեք բազեների արահետ

Վերելք Վիթասար

Վերելք Գոմբակ լեռ

Արշավային ուղեկցորդների պատրաստման դասընթաց