Մայիսի 9-18, 2025 ուղևորվում ենք Մարոկկո՝ յուրահատուկ մշակույթով, շքեղ բնապատկերներով և բազմազան փորձառություններով լի երկիր։
Այս 10-օրյա ճամփորդության ընթացքում կվայելենք Մարոկկոյի գույները, համերը, անհավանական տեսարանները, կծանոթանանք նոր մշակույթի և այս ամենը կհամադրենք լեռնային վերելքի հետ՝ բարձրանալով Ատլասյան լեռների ամենաբարձր կետը՝ Թուբկալ լեռը։

Այս արկածային օրերին կհետևի գիշեր Սահարայի անապատում, որտեղ մեզ սպասվում է եզակի փորձառություն՝ զբոսանք ուղտերով և գիշեր աստղազարդ երկնքի տակ։

Ճամփորդության ծրագիրն ըստ օրերի՝

Օր 1։ Ժամանում Մարաքեշ

Ժամանում Մարաքեշի Մենարա օդանավակայան և տեղափոխում հյուրանոց: Մարաքեշը հաճախ անվանում են «Կարմիր քաղաք» ճարտարապետական շինությունների յուրահատուկ գույների համար։

Միասին կշրջենք  քաղաքի նեղ փողոցներով, որտեղ երաժշտությունը, բույրերը և ճարտարապետությունը տեղափոխում են միջնադարյան յուրօրինակ մթնոլորտ։ 

Օր 2։ Թուբկալի բազային ճամբար

Առավոտյան կուղևորվենք դեպի հարավ՝ Իմլիլ գյուղ, որտեղից կսկսենք վերելքը դեպի Թուբկալ լեռան բազային ճամբար: Սիդի Շամհարուշի սրբավայրը կդառնա մեր ճանապարհի ոգեշնչող կանգառներից մեկը։ Այն գրավում է ինչպես զբոսաշրջիկներին, այնպես էլ ուխտավորներին (սակայն միայն մահմեդականներին է թույլատրվում մուտք գործել սրբավայր): 

Այստեղից կշարունակենք վերելքը դեպի Թուբկալի բազային ճամբար (3206 մ), որտեղ կանցակցնենք գիշերակացը՝ լեռների անսահման խաղաղության մեջ։

• Վերելքի տևողությունը՝ 5 ժամ
• Երթուղու երկարությունը՝ 10-12 կմ

Օր 3: Վերելք Թուբկալ լեռ

Վաղ առավոտյան սկսում ենք մեր վերելքը դեպի Հյուսիսային Աֆրիկայի ամենաբարձր գագաթ՝ Թուբկալ (4165)։ Ճանապարհը անցնելու է հարավային զառիթափ լանջերով: Գագաթից բացվում են շլացուցիչ տեսարաններ դեպի բոլոր կողմերը՝ Մարաքեշի հարթավայրից դեպի հյուսիս գտնվող Բարձր Ատլասի լեռներ, Անտի-Ատլաս և Սահարա։

Գագաթից նույն ճանապարհով կվերադառնանք Թուբկալի բազային ճամբար, որտեղ կունենաք ճաշ: Հետո կվերադարնանք Իմլիլ և այնտեղից կուղևորվենք Մարաքեշ:
Գիշերակացը Մարաքեշում։

• Արշավի տևողությունը՝ 9-10 ժամ 
• Առավելագույն բարձրությունը՝ 4165 մ

Օր 4: Մարաքեշ – Վարզազատի

Առավոտյան կուղևորվենք դեպի Ատլասյան լեռներ՝ անցնելով Թիզի-Ն-Թիշկա հիասքանչ լեռնանցքով։ Ճանապարհին կտեսնենք իրենց եզակիությամբ աչքի ընկնող բերբերական գյուղեր, գետափնյա օազիսներ, ամայի սարալանջեր  և բերբերական քասաբներ (արաբերեն՝ ամրոցներ):

Ճանապարհին կունենանք հնարավորություն այցելել Մարոկկոյի կինոմայրաքաղաք Վարզազատի (Ouarzazate) կինոստուդիան, որտեղ նկարահանվել են բազմաթիվ հայտնի հոլիվուդյան ֆիլմեր՝ «Մումիա»-ն, «Գլադիատոր»-ը, «Ալեքսանդր»-ը: 

Մեքենայով ճանապարհի տևողությունը՝ 7 ժամ: 

Գիշերակացը՝ Վարզազատիում։

Օր 5: Դադեսի կիրճ – Թոդրայի կիրճ – Մերզուգա

Հյուրանոցում նախաճաշելուց հետո Դադեսի կիրճով կշարժվենք դեպի Թոդրայի կիրճ: Այստեղ կունենանք հիանալի զբոսանք կանաչ  արմավենիների օազիսով: Ճաշից հետո կուղևորվենք դեպի սահմանամերձ Մերզուգա քաղաք, որը հայտի զբոսաշրջային կենտրոն է: Մայրամուտին կսկենք անմոռանալի մի ուղևորություն դեպի բերբերների ճամբար:

Մեզ սպասվում է մոտ 2 ժամ տևողությամբ յուրահատուկ զբոսանք ուղտերով դեպի ճամբարի տեղակայման վայր։ Կունենանք Մարոկկոյի ավանդական ընթրիք, իսկ գիշերը կանցկացնենք վրաններում կամ բաց երկնքի տակ՝ վայելելով աստղազարդ երկինքը: 

Մեքենայով ճանապարհի տևողությունը՝ 5-6 ժամ: 

Օր 6: Զբոսանք ուղտերով – Այաթ Բեն Հադդու

Վաղ առավոտյան կունենանք հիանալի զբոսանք  ուղտերով և կդիմավորենք արևածագը: Հետո ուղտերով կվերադառնանք Մերզուգա։ Նախաճաշից հետո կսկսենք մեր ճանապարհորդությունն անապատով և Ատլասի լեռներով:

Կունենանք բազմաթիվ կանգառներ՝ լուսանկարվելու համար: Երեկոյան կհասնենք Այաթ Բեն Հադդու՝ բերբերական մշակույթի խորհրդանիշ դարձած հնագույն ամրոց-քաղաք, որը գրանցված է ՅՈւՆԵՍԿՕ-ի համաշխարհային ժառանգության ցանկում։ 

 Մեքենայով ճանապարհը՝  6 ժամ

Օր 7: Վերադարձ Մարաքեշ

Առավոտյան, նախաճաշից հետո, կունենանք հետաքրիքր զբոսանք Այաթ Բեն Հադդուի նեղ փողոցների, բարձր պարիսպների և գեղեցիկ աշտարակների իսկական լաբիրինթոսով: 

Այաթ Բեն Հադդուն հանդիսանում է ավանդական Մարոկկոյի ամենանշանավոր պատմական և ճարտարապետական ​​վայրերից մեկը: Այն չափազանց հայտնի է, որպես ֆիլմերի նկարահանման վայր: 

Այաթ Բեն Հադդու քաղաքն ուսումնասիրելուց հետո կվերադառնանք Մարաքեշ:

Օր 8: Էսաուիրա

Առավոտյա կուղևորվեք նավահանգստային Էսաուիրա քաղաք: Այս կոլորիտային քաղաքի կենտրոնը ներառված է ՅՈՒՆԵՍԿՕ-ի Համաշխարհային ժառանգության օբյեկտների կազմում։

Միասին կբացահայտենք հնագույն Մեդինայի անկյունները, որտեղ ամեն քայլափոխի կզգանք արաբական և պորտուգալական մշակույթների  ազդեցությունը: Կզբոսնենք Ատլանտյան օվկիանոսի ավազե ափերով: Դե իսկ ամեն քայլափոխի հանդիպող հուշանվերների, համեմունքների տարբեր խանություները մեզ երկար բաց չեն թողնի: 

Օր 9: Մարաքեշ

Այս օրն անց ենք կացնելու Մարաքեշում։ Կզբոսնենք արդեն ծանոթ ու հարազատ դարձած Մարաքեշի գունեղ և հյուրընկալ փողոցներով և հնարավորինս կվայելենք այստեղ անցկացրած վերջին պահերը։ Ժամանակ կունենանք շրջել տեղի շուկաներով և խանութներով։

Օր 10: Հրաժեշտ Մարոկկոյին և վերադարձ տուն

Այսքանով մեր ճամփորդությունը կմոտենա իր ավարտին, իսկ մենք կվերադառնանք տուն՝ մեզ հետ տանելով մի մեծ պարկ հիշողություններ այս յուրօրինակ ճամփորդությունից։

 

Մասնակցության արժեքը՝ 1390 EUR (համարժեք դրամ)

Արժեքը ներառում է՝

• Տեղացի ուղեկցորդների և գիդերի ծառայությունը
• Տրանսպորտն ըստ ծրագրի
• Գիշերակացը Թուբկալի ճամբարում
• Սնունդը Թուբկալի ճամբարում
• Ձիերով իրերի տեղափոխումը
• Գիշերակացը և նախաճաշը Մարաքեշում (4 գիշեր)
• Գիշերակացն անապատում
• Զբոսանք ուղտերով

Արժեքը չի ներառում՝

• Միջազգային ավիատոմսերը (մոտ 500-700$)
• Վիզայի արժեքը (ՀՀ քաղաքացիների համար՝ անձը 25$)
• Ապահովագրությունը
• Ճաշն ու ընթրիքը քաղաքներում
• Անձնական ծախսերը 
• Անձնակազմի թեյավճարները 

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ

2025 թ․-ի հունիսի 20-22-ը իրականացնելու ենք վերելք Սիս լեռ (3925 մ)

Օր 1: Երևան – Բայազետ

Վաղ առավոտյան ուղևորվում ենք հայ-վրացական սահման: Անցնելով Բավրայի անցակետը ուղևորվում ենք դեպի վրաց-թուրքական սահման (Կարծախի անցակետ): Դեպի Կարս տանող ճանապարհն անցնում է գեղատեսիլ Ծովակ Հյուսիսո լճի կողքով։ Կարսում կունենանք կանգառ։ Կտեսնենք Առաքելոց եկեղեցին ու Կարսի բերդը։

Երեկոյան կհասնենք Բայազետ։ Գիշերակացը հյուրանոցում:

Օր 2։ Վերելք Սիս լեռ (3925 մ)

Վաղ առավոտյան Բայազետից շարժվում ենք դեպի Սիս լեռ։ Մեքենայով հնարավորինս մոտենալու ենք սարին։ Վերելքը սկսելու ենք մոտ 2500 մետր բարձրությունից։ Արշավը միջինից բարդ է։

Հարաբերական բարձրությունը՝ 1500 մետր

Երեկոյան վերադառնում ենք Բայազետ։ Գիշերակացը հյուրանոցում։

Օր 3։ Բայազետ – Խծկոնքի վանք – Երևան

Առավոտյան նախաճաշից հետո ուղևորվում ենք Խծկոնքի վանք։ Խծկոնքի վանական համալիրը բաղկացած էր 5 եկեղեցիներից։ Այժմ վթարային վիճակում պահպանվել է միայն վանքի գլխավոր՝ Ս. Սարգիս եկեղեցին։

Իրականացնելու ենք թեթև արշավ դեպի Խծկոնքի վանք։

Այնուհետև ուղևորվում ենք Երևան։

Հանդիպման վայրը՝ Կոմիտասի «Սիթի»

Հանդիպման ժամը՝ 6։00

Մասնակցության արժեքը` 440 $ (համարժեք դրամ)

Արժեքի մեջ ներառված է`

• Տրանսպորտը

• Հյուրանոցը

• Նախաճաշը

• Ուղեկցորդների ծառայությունները

Արժեքի մեջ ներառված չէ՝

• Վիզայի արժեքը (Թուրքիայի մուտքի վիզան պատրաստում ենք մենք։  ՀՀ քաղաքացիների համար 17 000 դրամ)

• Սնունդը  (ճաշ, ընթրիք)

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը –https://bit.ly/4fb14vl

Գրանցվելուց հետո կարող եք հրաժարվել մինչև՝  հունիսի 5-ը առավոտյան 12:00:

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։

Արտագնա տուրեր

2025 թ.-ի հուլիսի 1-6-ը (6 օր, 5 գիշեր) արկածների և լեռների սիրահարներին առաջարկում ենք «Ծովու բոլոր» նախագծի շրջանակներում բարձրանալ Վանա լիճը եզրավորող ամենաբարձր լեռները՝ Վարագ, Արտոս, Սիփան և Նեմրութ։

Նախագիծը մշակվել և առաջին անգամ իրականացվել է Armenian Geographic-ի կողմից։ Երթուղին ընտրված է արշավային փորձ ունեցող մարդկանց համար։

Սկսնակների համար իրար ետևից 4 լեռ բարձրանալը բավականին բարդ է լինելու։

Ճամփորդության ընթացքում բոլոր գիշերակացները լինելու են հյուրանոցներում։

Օր 1: Երևան – Վան

Անցնելով հայ-վրացական և վրաց-թուրքական սահմանները կուղևորվենք դեպի Վան:

Օր 2: Վերելք Վարագ լեռ (3200 մ)

Բացումն անում ենք Վարագ լեռան վերելքով։ Վարագ լեռը վանեցիների համար սուրբ լեռ է եղել։ Հեթանոս հայերն այստեղ ուխտի էին գնում: Վարագի վրա էր գտնվում Աստղիկ աստվածուհու տաճարը: Հետագայում Վարագի լանջին կառուցվեց Վարագավանքը, որը կտեսնենք վերելքից հետո: Վարագը գտնվում է Վասպուրականի բարձրավանդակում՝ Վանա լճից 15 կմ արևելք:

Երթուղու երկարությունը՝ 14 կմ
Հարաբերական բարձրությունը՝ 1000 մետր

Օր 3: Վերելք Արտոս լեռ (3550 մ)

Վաղ առավոտյան ուղևորվում ենք դեպի պատմական Ոստան գավառ: Մեքենաներով հնարավորինս մոտենումենք Արտոսին և սկսում վերելքը: Արտոս լեռը գտնվում է Հայկական Տավրոս լեռնային համակարգում: Գագաթից բացվում է տեսարան դեպի Գյավաշ բնակավայրը (նախկին Ոստան), Սիփան լեռը, Վանա լիճը և նրա կղզիները՝ Աղթամար և Առտեր:

Երթուղու երկարությունը՝ 13 կմ
Հարաբերական բարձրությունը՝ 1500 մետր

Օր 4։ Վերելք Նեմրութ (2935 մ)

Մեքենայով կբարձրանանք մինչև 2400 մետր, որտեղից կսկսենք վերելքը դեպի գագաթ: Գագաթից բացվում է հիանալի տեսարան՝ մի կողմում Հայկական լեռնաշխարհի ամենամեծ խառնարանն է իր լճերով, մյուս կողմում Վանա լիճը: Այնուհետև կիջնենք խառնարան և կլողանք մեծ լճում՝ Նեբրովթա ծովակում։

Երթուղու երկարությունը՝ 12 կմ
Հարաբերական բարձրությունը՝ 500 մետր

Օր 5։ Վերելք Սիփան (4058 մ)

Վաղ առավոտյան շարժվում ենք դեպի Սիփան։ Ամենագնաց մեքենայով կբաձրանանք մինչև 2500 մետր և կսկսենք վերելքը։ Սա այս նախագծի ամենաբարդ վերելքն է։

Երթուղու երկարությունը՝ 16 կմ
Հարաբերական բարձրությունը՝ 1700 մետր

Վերելքից հետո ուղևորվում ենք Բայազետ։

Օր 6։ Բայազետ – Կարս – Երևան

Վերջին օրը վաղ առավոտյան ուղևորվում ենք Կարս: Կզբոսնենք Կարսի փողոցներով: Կտեսնենք Առաքելոց եկեղեցին, Կարսի բերդը և Վարդանի կամուրջը:

Երեկոյան կհասնենք Երևան:

Հանդիպման վայրը` Կոմիտասի «Սիթի»
Հանդիպման ժամը` 5:00

Մասնակցության արժեքը` 690 $ (համարժեք դրամ)

Արժեքի մեջ ներառված է՝

Տրանսպորտը
Ուղեկցորդների ծառայությունը
5 գիշերակացը հյուրանոցում
Հյուրանոցի նախաճաշերը (բացառությամբ Սիփանի վերելքի օրվա նախաճաշի, քանի որ շարժվելու ենք շատ շուտ)

Արժեքի մեջ ներառված չէ՝

Սնունդը
Վիզայի արժեքը (Թուրքիայի մուտքի վիզան պատրաստում ենք մենք։  ՀՀ քաղաքացիների համար 17 000 դրամ)

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը – https://bit.ly/48u4Ddv

Գրանցվելուց հետո կարող եք հրաժարվել մինչև հունիսի 15-ը առավոտյան 12:00:

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։

Արտագնա տուրեր

Հուլիսի 11-15 ը ուղեվորվելու ենք Անահիտ աստվածուհու հետքերով: Ճամփորդության ընթացքում իրականացնելու ենք բացառիկ վերելք Անահտա Աթոռ լեռ, որը գտնվում է Երզնկայում (Էրզինջան): Մինչ օրս Հայաստանից ոչ ոք այն չի բարձրացել: Հեթանոսության շրջանում Անահտական լեռներում են գտնվել պտղաբերության և մայրության աստվածուհի Անահիտի պաշտամունքին նվիրված տարբեր հուշարձաններ. սրանից էլ լեռնաշղթան ստացել է իր անվանումը: Armgeo-ի հեղինակային այս տուրի ժամանակ կայցելենք նաև Դերսիմ, Անի-Կամախ, Դերջան, և նույնիսկ անտիկ քաղաքը, որտեղից գտնվել է Աստվածուհու լեգենդար կիսանդրին:

Օր 1: Դեպի Բարձր Հայք

Ճամփորդության առաջին օրը, շարժվելով Երևանից, մենք նախ կանցնենք հայ-վրացական, ապա վրաց-թուրքական սահմանները, ինչից հետո փոքրիկ կանգառ կունենանք Կարսում՝ ճաշի ու հանգստի համար:

Մեր ճանապարհը շարունակվում է Սարիղամիշի անտառներով և Բասենի դաշտով՝ հետևելով Մայր Արաքսի հոսանքին: Օրվա երկրորդ կեսին կունենանք պտույտ Էրզրումի հին թաղամասերով, կայցելենք Կարնո բերդ և քաղաքի նախկին Մայր տաճար: 

Գիշերակացը՝ Դերջանում:

Օր 2: Չքնաղ Դերսիմ, խորհրդավոր Դերջան

Մեր ճամփորդության երկրորդ օրը մեզ են սպասում իսկապես բացառիկ պատկերներ: Ամենագնաց մեքենաներով կբարձրանանք Ապրանից Սուրբ Դավիթ վանքն իր լեգենդար խաչքարերով, որոնք աշխարհում պահպանված հայկական խաչքարերից ամենաերկարն են և կանգնեցված են 12-րդ դարում:

Շատերդ եք տեսել դրանց կրկնօրինակները Էջմիածնի Մայր տաճարի բակում, սակայն այս ուղևորության ընթացքում բացառիկ հնարավորություն կունենանք տեսնելու վերջապես նաև օրիգինալ խաչքարերը՝ բացահայտելով դրանց փրկության գաղտնիքը: Մեր ճանապարհը շարունակվում է դեպի չքնաղ Դերսիմ, որտեղ Մնձուրի՝ հրաշալիքներով լի ձորը, բերդերը, կամուրջները, ջրվեժներն ու Դերսիմի անթիվ այլ հարստությունները թույլ կտան մեզ և անմոռանալի ժամանակ անցկացնել, և լիցքաթափվել ու պատրաստվել վաղվա կարևոր վերելքին:

Դե իհարկե, ինչ վերելք Անահտա աթոռ առանց Անահիտի աղբյուրներն այցելելու: Հատկանշական է, որ Դերսիմում Անահիտ դիցուհուն նվիրված ու մինչ օրս գործող սրբավայրը շարունակում են ուխտատեղի համարել տեղի ալևի զազաները, քուրմանջի քրդերը և իհարկե՝ հայերը: Նույն օրը կայցելենք նաեւ Դերսիմի մեկ այլ կարևոր ուխտատեղիներից մեկը` Հալվորի Սուրբ Կարապետը:

Գիշերակացը՝ Երզնկայում:

Օր 3: Վերելք Անահտա Աթոռ լեռ (3537 մ)

Առավոտյան ամենագնաց մեքենաներով կուղևորվենք դեպի Անահտական լեռներ։ Հեթանոսության շրջանում այստեղ են գտնվել պտղաբերության և մայրության աստվածուհի Անահիտի պաշտամունքին նվիրված տարբեր հուշարձաններ. սրանից էլ լեռնաշղթան ստացել է իր անվանումը: Բարձրանալու ենք լեռնաշղթայի ամենաբարձր գագաթը՝ Անահտա Աթոռ (Անահիտի գահ)։

Ամենագնաց մեքենաներով կբարձրանանք մինչև «Յոթ լճեր» կոչվող տեղանքը, որտեղից էլ կսկսենք վերելքը դեպի գագաթ։ Վերելքը բացառիկ է, քանի որ մինչ օրս Հայաստանից ոչ ոք չի բարձրացել այս լեռը։ Եթե բախտ վիճակվի միգուցե ճանապարհին հանդիպենք նաև «քարփանքների»։ Անահտական գավառում «քարփանքներ» էին անվանում քարաբլուրները։ Ըստ տեղաբնիկների՝ քարակույտերն իրենց տակ թաքցնում էին հեթանոսական ավերված մեհյաններ։ Հայաստանում քրիստոնեության ընդունման հետ սկսեցին կործանել հեթանոսական տաճարները, որոնք քանդելուց հետո ծածկում էին քարերով՝ այդպիսով առաջացնելով հսկայական քարակույտեր։ 

Երթուղու երկարությունը՝ 15 կմ
Հարաբերական բարձրությունը՝ 600 մ

Գիշերակացը՝ Երզնկայում:

Օր 4: Շարունակելով Անահիտի հետքերով…

Ճամփորդության ընթացքում ուղևորվելու ենք Սատաղ անտիկ քաղաք, որտեղից հայտնաբերվել է Անահիտ Աստվածուհու կիսանդրին։ Այո, իր երկար ու հարցերով լի ճանապարհը այդ աղմկահարույց կիսանդրին սկսել է հենց այս կետից՝ Սատաղից:

Հատկանշական է, որ Հայոց դիցարանի Մայր Աստվածուհու կիսանդրին միակ գտածոն չէ, որը բնագետներին հաջողվել է պեղել Փոքր Հայքի այս՝ սրբատեղիներով հարուստ տարածքից: Սակայն այդ մասին՝ տեղում: Ինչպես ասում են՝ լավ է մեկ անգամ տեսնել, քան բազմիցս լսել: Դե, իհարկե, Անահիտ Աստվածուհու հետքերին նվիրված ճամփորդությունը չի կարող չհասնել Անի Կամախ:

Անտիկ հիմքերով բերդն ու սրբատեղիների պահպանված հետքերն ուսումնասիրելուց հետո կուղևորվենք ոչ պակաս լեգենդար մի ուխտատեղի, սակայն արդեն քրիստոնեական: Թորթանի Սուրբ Խաչ կամ Սուրբ Գրիգոր Լուսավորիչ կամ ինչպես հաճախ այն անվանում են՝ 9 սրբերի գերեզմանատեղի: Ըստ ավանդության այստեղ են բերվել ոչ միայն Գրիգոր Լուսավորչի, նրա որդու ու թոռան, այլև Տրդատ Արշակունի արքայի, թագուհի Աշխենի և արքայադուստր Խոսրովանդուխտի մասունքները: Սեպուհ լեռան լանջերին ծվարած այս հինավուրց վանքը, ըստ տարբեր հիշատակությունների, 10-րդ դարում այցելում է նաև Հովհաննես կաթողիկոսը, իսկ ընդհուպ մինչև 1915-ը այն տարածքի ամենախոշոր ու նշանակալից ուխտատեղին էր: Հագեցած այս օրը ավարտում ենք Էրզրումում:

Օր 5: Վերադարձ Երևան

Ցավոք, ժամն է վերադարձի, և արդեն 5-րդ օրը ստիպված ենք բռնել վերադարձի ճամփան: Սակայն մինչ այդ անպայման Կարսի հին թաղամասերով պտույտ կունենանք, կվայելենք 19-րդ դարի կառույցները, օրիորդաց վարժարանը, Կարուց բերդն ու Առաքելոց եկեղեցին, հայ կաթոլիկ եկեղեցին, Վարդանի կամուրջը:

Կրկին հաղթահարելով վրաց-թուրքական և վրաց-հայկական սահմանները, երեկոյան կլինենք Երևանում:

Խումբն ուղեկցելու է թուրքագետ, «Սասուն. 100-ամյա դիմադրություն» գրքի հեղինակ

Սոֆիա Հակոբյանը:

Ճամփորդության արժեքը՝ 560 USD (համարժեք դրամ)

Արժեքի մեջ ներառված է՝

• Թուրքագետ գիդի ծառայություն
• Տրանսպորտ (4×4 մեքենաներ)
• Գիշերակացները հյուրանոցում
• Նախաճաշերը հյուրանոցում

Արժեքի մեջ ներառված չէ՝

• Վիզայի արժեքը  (ցանկության դեպքում մենք կարող ենք պատրաստել: Արժեքը ՀՀ քաղաքացիների համար՝ 17 000 դրամ)
• Ճաշն ու ընթրիքը (օրական մոտավորապես 15-20$)
• Ապահովագրությունը

ՈՒՇԱԴՐՈՒԹՅՈՒՆ