Страница 52 – Armenian Geographic

Քառասնասար լեռ

Քառասնասար լեռը գտնվում է Արարատի մարզում: Հանդիսանում է Երանոսի լեռների բարձր գագաթներից մեկը։ Բարձրությունը 1836 մետր է։

Լուսանկարները՝ Հրաչուհի Այվազյանի

Արշավներ Հայաստանում

Շեկաղբյուր լեռ

Շեկաղբյուր լեռը գտնվում է Լոռու մարզում՝ Արդվի և Հովնանաձոր գյուղերի միջև։ Բարձրությունը՝ 2061 մետր է։ Հանդիսանում է Վիրահայոց լեռների բարձր գագաթներից։

Օձի պորտ

Շեկաղբյուր լեռան երթուղին անցնում է «Օձի պորտ» բնական հուշարձանի կողքով, որը գտնվում է Արդվի գյուղական համայնքի արևելյան հատվածում։ Հուշարձանը 2008 թվականին ներառվել է բնության պետական հուշարձանների ցանկում։ Հուշարձանն իրենից ներկայացնում է ժայռի մեջ առանձնացող հսկա քարե օձ, որի միջնամասից սառնորակ ջուր է հոսում՝ փոքրիկ աղբյուր գոյացնելով։

«Օձի պորտ» բնական հուշարձան

Ըստ ավանդության գյուղի ձորակի աջ կողմում կար մի դպրոց, որտեղ իր յոթ աշակերտներին էր կրթում կաթողիկոս Հովհան Օձնեցին: Ձորակի ձախ կողմում ՝ լեռան լանջին հայտնվում է զարհուրելի վիշապը և նրա արձակած ձայներից շրջակայքը պապանձվում է: Մի կին կովկիթն ուսին իջնում էր լեռան լանջով և, տեսնելով ահավոր հրեշին, իսկույն քարանում է: Հովհանն իր աշակերտներից մեկին ուղարկում է պարզելու, թե ինչ է պատահել: Աշակերտը չի վերադառնում և հայտնվում է վիշապի երախում: Հաջորդ աշակերտին է ուղարկում, նա էլ չի վերադառնում: Այդպես բոլոր յոթ աշակերտներն էլ վիշապի բաժին են դառնում: Հովհանը դպրոցից դուրս է գալիս փնտրելու իր աշակերտներին: Տեսնում է ահռելի վիշապին, որը պատրաստվում էր ընդունել հաջորդ զոհին: Հովհան Օձնեցին գավազանով խփում է վիշապի գլխին ու ասում. «Քա՛ր դառնաս, աղբյուր բխի քո սրտից՝ հիվանդի համար դե՛ղ դառնաս»: Սուրբ իմաստունի ասածն իսկույն կատարվում է և վիշապը քարանում է։

Լուսանկարները՝ Հրաչուհի Այվազյանի և Տիգրան Վարագի

Արշավներ Հայաստանում

Արշավային ուղեկցորդների պատրաստման դասընթաց

Armenian Geographic նախագիծը հրավիրում է մասնակցել արշավային ուղեկցորդների պատրաստման վեցերորդ դասընթացին, որը կմեկնարկի 2027 թ․-ի մարտի 1-ին։

Տարեցտարի լեռներ բարձրացողների և հանգիստը քայլարշավների միջոցով անցկացնողների թիվն աճում է։ Հետևաբար զբոսաշրջության ոլորտում գնալով ավելի է մեծանում արշավային ուղեկցորդների պահանջարկը։

Ձեռք բերելով նոր մասնագիտություն դուք կարող եք ակտիվ կյանք վարել, վայելել բնությունը, շփվել նույն հետաքրքրություններն ու գաղափարները կիսող մարդկանց հետ, նոր ծանոթություններ ու ընկերներ ձեռք բերել, ընդլայնել շրջապատը և միևնույն ժամանակ գումար վաստակել։

Դասընթացին մասնակցելու 3 ամենակարևոր պատճառները՝

Տեսական գիտելիքներ արշավային տուրիզմի մասնագետներից
Գործնական հմտությունների ձեռքբերում արշավների ընթացքում
Աշխատանքի հնարավորություն

Ի՞նչ եք ստանում դասընթացից

Կարճ ժամանակահատվածում կարող եք ձեռք բերել նոր մասնագիտություն, որից հետո կարող եք ամրապնդել ձեր գիտելիքները պրակտիկ փորձով և զուգահեռ աշխատել օրեցօր զարգացող արշավային զբոսաշրջության ոլորտում։

Դասընթացը բաղկացած է լինելու տեսական և գործնական պարապմունքներից՝

Տեսական մաս՝

Հայկական լեռնաշխարհ
Հայաստանի լեռների աշխարհագրություն
Հայաստանի լեռնային հուշարձաններ
Լեռնագնացությունը Հայաստանում
Արշավային երթուղիների մշակում և կազմում
Կողմնորոշում տեղանքում
GPS-ից օգտվելու հմտություններ
Արշավային գույք և հանդերձանք
Առաջին բուժօգնություն
Արշավական դեղատուփի կազմում

Գործնական մաս՝

Արշավի մասնակցություն
Խմբի հետ շփման կանոններ
Հետնապահի և ուղեկցորդի պարտականություններ
Առաջին բուժօգնության գործնական դաս
Վրանային ճամբարի պատրաստում

Դասը վարելու են Armenian Geographic-ի հիմնադիր, «Հայաստանի լեռները» և «Լեռնային կղզի» գրքերի հեղինակ Տիգրան Վարագը և ոլորտի փորձառու մասնագետներ։

Դասընթացի տևողությունը 6 շաբաթ՝ շաբաթական 2 տեսական և 1 գործնական դասընթաց։ Ընդհանուր կանցկացվի 12 լսարանային դաս և 6 արշավ։

Դասընթացի արժեքը՝ 48 000 դրամ (ամբողջ կուրսը)

Արժեքի մեջ ներառված են միայն լսարանային դասընթացները (12 դաս)։

Արշավների մասնակցության գումարը արժեքի մեջ ներառված չէ։

Հաջողությամբ ավարտածներին տրվելու է հավաստագիր Armenian Geographic-ի կողմից։

Հնարավոր համագործակցություն դասընթացն ավարտած մասնակիցների հետ։

Քանի որ դասընթացի գործնական մասը ներառում է ֆիզիկական ակտիվություն՝ կարող են մասնակցել միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Դասընթացը մեկնարկում է 2027 թվականի մարտի 1-ին, ժամը 19։30-ին։

Մասնակցելու համար, անցեք հետևյալ հղումով և լրացրեք՝ հետևյալ հայտը:

Արշավներ Հայաստանում

Երախի լեռներ

Երախի լեռները գտնվում են Արարատի մարզում՝ Գեղամա լեռներում։ Սկսվում են Երանոսի լեռների Գեղասարից, հարավարևմտյան ուղղությամբ ձգվում դեպի Երախի լեռնանցք, ապա թեքվում արևմուտք մինչև Երախ գագաթ, որտեղից էլ փոխելով ուղղությունը դեպի հարավ-արևմուտք՝ հասնում Արտաշատի ջրանցք։ Երկարությունը՝ 28 կմ։

Երախ լեռ

Երախ լեռնագագաթը գտնվում է Վեդի քաղաքից 6 կմ հյուսիս-արևմուտք։ Բարձրությունը 1419 մետր է։ Լանջերը կտրտված են, ծածկված են խոտային բուսականությամբ և թփուտներով։

Լուսանկարները՝ Հրաչուհի Այվազյանի

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավներ և Լեռնագնացություն Հայաստանում

Խոսրովասար

Խոսրովասար լեռը գտնվում է Ուրցաձոր գյուղից 7,5 կմ հյուսիս-արևելք։ Բարձրությունը 1988 մ է։ Կազմված է հրաբխածին նստվածքային ապարներից։

Լուսանկարները՝ Հրաչուհի Այվազյանի և Աղասի Մարտիրոսյանի

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Արշավներ և Լեռնագնացություն Հայաստանում

ArmGeo մանկապատանեկան ակումբի վրանային ճամբարները

2020 թվականին մեկնարկեցինք ArmGeo մանկապատանեկան ակումբը, որի շրջանակներում նաև իրականացրեցինք երկու մանկական վրանային ճամբար Սևանա լճի ափին:

Մանկական վրանային ճամբար

Վրանային ճամբարներ իրականացնելը նպատակ ուներ պատրաստել փոքրիկ արշավականներին արշավային կյանքին ու բնության մեջ ապրելուն: Մանկական արշավների հաջողությունները և դրական արձագանքները նույնպես նպաստեցին, որ մենք իրականացնենք այս ծրագիրը:

Ինչպե՞ս անցան ճամբարները

Վրանային ճամբարների մասնակիցները 7-14 տարեկան երեխաներն էին: Երկու ճամբարն էլ ղեկավարում էր ArmGeo մանկապատանեկան ակումբի արշավները ղեկավարող և իրականացնող Կարեն Սարգսյանը, որը երեխաների հետ աշխատելու երկար տարիների փորձ ունեցող մարզիչ-մանկավարժ է:

Մանկական վրանային ճամբար

5-օրյա ճամբարներն անցան բավականին հետաքրքիր ու արդյունավետ օրակարգերով: Քայլարշավ իրականացնելն օրվա պարտադիր ու կարևոր անելիքներից էր: Մենք կա՛մ բարձրանում էինք Արտանիշ սարը, կա՛մ էլ քայլարշավ իրականացնում Արտանիշի ծոցում: Բացի քայլարշավներից՝ մենք ունենում էինք նաև լողի դասաժամ, որն անց էր կացվում հենց Սևանա լճում: Այս դասընթացը նույնպես իրականացնում էր Կարեն Սարգսյանը, որը հենց լողի մարզիչ է:

Մանկական վրանային ճամբար

Սա ճամբարների մասնակիցներից շատերի համար օրվա ամենասիրելի հատվածն էր, որից նրանք մեծ բավականություն էին ստանում: Մարզիչ Կարենը լողալուց բացի՝ երեխաներին նաև տեսական գիտելիքներ էր տալիս սապբորդինգի մասին, այնուհետև սովորեցնում կանգնել սապի վրա ու վարել այն: Ճամբարների ընթացքում մենք կազմակերպում էինք նաև բազմաթիվ սպորտային և թիմային խաղեր, որոնց ընթացքում երեխաները սովորում էին լինել թիմի անդամ, օգնել իրար, հասնել հաջողության միմյանց օգնությամբ:

Մանկական վրանային ճամբար

Մենք երեխաների հետ նաև ունենում էինք կարճատև զբոսանքներ, որոնց ընթացքում ուսումնասիրում էինք Սևանի շրջակայքը ու հետաքրքիր առանձնահատկություններ բացահայտում տեղանքի մասին: Իսկ երեկոյան տեղի էր ունենում խարույկի արարողությունը, որի ժամանակ երեխաները հավաքվում էին խարույկի շուրջ, ամփոփում էին օրը, պատմում էին իրենց մասին, կիսվում հետաքրքրիր պատմություններով ու գնում էին քնելու:

Մանկական վրանային ճամբար

Ճամբարների արդյունքները

Մեր կողմից իրականացված այս ճամբարները ցույց տվեցին, որ երեխաներն իրականում շատ հեշտ ու հաճույքով են ադապտացվում արշավային կյանքին, իսկ բնության հետ շփումը նրանց դարձնում է էլ ավելի հասուն ու գիտակից:

Մանկական վրանային ճամբար

Երկու ճամբարն էլ վառ տպավորությունների, նոր ու նշանակալից փորձառությունների և անմոռանալի հիշողությունների ձեռքբերման համալիր գործընթացներ էին, որոնք մանկապատանեկան ակումբը համալրեցին նոր մասնակիցներով:

Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:

Բլոգ Հայաստանի մասին

Սմբատաբերդ – Ցաղաց Քար

Կիրակի՝ 4․10․2020 ուղևորվում ենք Վայոց Ձոր։

Մեր առաջին նպատակակետը Սմբատաբերդն է, որը Հայաստանի ամենալահզոր բերդերից է, գտնվում է Եղեգիս գյուղի արևմտյան կողմում, արևելյան և հարավային կողմերից եզերվում է Եղեգիսի, արևմտյան կողմից` Արտաբույնքի ձորերով: Սմբատաբերդը հանդիսացել է Եղեգիս գյուղաքաղաքի և շրջակա բնակավայրերի կարևորագույն ռազմական հենակետը:

Այնուհետև կքայլենք դեպի Ցաղաց քար վանքային համալիր, որն ուսումնասիրելուց հետո կիջնենք Եղեգիս գյուղ։

Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր (պարտադիր չէ)
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):
Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:
Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Հանդիպման վայրը` Սարյանի պուրակ (Մարտիրոս Սարյանի արձանի մոտ)

Հանդիպման ժամը` 8։00

Մասնակցության արժեքը` 6500 դրամ

Արժեքի մեջ ներառված է՝
Տրանսպորտ
Ուղեկցորդի ծառայություն

Ինչպե՞ս գրանցվել՝

Քայլ 1։ Զանգահարել 043 00 5165 (Viva cell) հեռախոսահամարով կամ գրեք Armenian Geographic ֆեյսբուքյան էջին

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը

Քայլ 3։ Կատարել փոխանցում ներքոնշյալ հաշվեհամարին։

Ստացող՝ ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Քարտային հաշիվ 2052 0222 1888 7001
ArCa: 4578 9100 0000 7199 (TIGRAN SHAHBAZYAN)

Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։

Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։
Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Վերջին պահին հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։ Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ

Աննա Խաչատրյան

Ի՞նչ մասնագիտություն ունես և ո՞ր ոլորտում ես աշխատում:

Մասնագիտությամբ հյուրանոցային ոլորտի մասնագետ եմ:

Ե՞րբ և ինչպե՞ս որոշեցիր առաջին անգամ մասնակցել արշավի, ու ո՞նց անցավ քո առաջին արշավը, ի՞նչ զգացողություններ ունեիր:

Հուլիս ամսին զգացի, որ կորոնավիրուսի հետևանքով չափազանց երկար եմ տանը փակված մնացել ու մարդկանց հետ շփման, բնության ու օդի կարիք ունեի: Այդպես՝ օգոստոսի 1-ին միացա Ուխտասարի հնավայրում գիշերակացով արշավին: Արշավը շատ լավ անցավ, նոր դեմքեր, վայրեր, դեպքեր: Չափազանց տպավորված էի: Հենց էդ օրն էլ որոշեցի, որ արդեն հաճախակի եմ մասնակցելու արշավներին:

Աննա Խաչատրյան

Արշավներին մասնակցելուց հետո՝ ի՞նչ է փոխվել քո մեջ ու քո կյանքում:

Կարծում եմ արշավներին մասնակցելուց հետո ավելի ներդաշնակ եմ դարձել ինքս ինձ հետ: Արշավները բեռնաթափում են մտքերս ու կարծես վերալիցքավորում ինձ: Արշավներից հետո տուն ճանապարհին միշտ մտածում եմ պլաններիս մասին, մոտիվացված՝ դրանք իրագործելու:

Ի՞նչ են տալիս քեզ լեռները, ի՞նչ ես փնտրում լեռներում:

Լեռները գույներ են տալիս: Ու էս բառի տակ կարող եք հասկանալ ամեն ինչ՝ տպավորություններ, հիշողություններ, ամենասիրուն մայրամուտներ, մարդիկ…

Ի՞նչ եմ փնտրում… Ես չափազանց շատ վախեր ունեմ, լեռներում ուժեղ Աննային եմ փնտրում:

Կա՞ մի ստեղծագործություն, որ ասոցացնո՞ւմ ես լեռների կամ արշավների հետ:

Of Monsters and Men – Dirty Paws երգը: Ով տեսել է «The Secret Life of Walter Mitty» ֆիլմը, երևի կհասկանա, թե ինչու եմ ասոցացնում էս երգը լեռների հետ:

Վերելք Կատար լեռ / Աննա Խաչատրյան

Ո՞րն է քո ամենահիշարժան ու տպավորիչ արշավը: Ինչո՞վ է այն առանձնանում:

Առհասարակ ամեն արշավից հետո տպավորություն է, թե հենց այս մեկը նախորդից ավելի տպավորիչ էր: Բայց կառանձնացնեմ Ալ լճեր ու Սանդուխտասար արշավը: Երկար ճանապարհ, Ալ լճեր, խարույկ, առաջին անգամ քնել դելիկայում անտանելի ցրտի պատճառով, Սանդուխտասարի գագաթից բացվող տեսարանը, այդ օրվա մայրամուտը և, իհարկե, մարդիկ:

Ի՞նչ ուղղություններ կան, որ դեռևս չես հաղթահարել, բայց նպատակ ունես անել ապագայում:

Տարիների դադարից հետո ես դեռ նոր-նոր եմ սկսում արշավել: Դեռևս ավելի հեշտ է թվարկել այն ուղղությունները որոնք հաղթահարել եմ, քան՝ հակառակը: Բայց կարծում եմ՝ ամեն հաջորդ ուղղությունը պիտի բարդությամբ գերազանցի նախորդին: Իսկ ապագայում երազում եմ բարձրանալ Ֆուձիյաման Ճապոնիայում:

Որո՞նք են այն երեք հիմնական բառերը, որոնք կարող են նկարագրել քո զգացմունքներն արշավների ընթացքում:

Վերալիցքավորում, բացահայտում, ներդաշնակություն:

Աննա Խաչատրյան

Ըստ քեզ՝ ովքե՞ր են արշավականները:

Անգլերենում մի բառ կա – «wanderlust». էս բառը արտահայտում է ճանապարհորդելու ու աշխարհը բացահայտելու մեծ ցանկությունը: Կարծում եմ արշավականները աշխարհը փնտրող ու բացահայտողներն են:

Ինչպե՞ս հայտնվեցիր ArmGeo ակումբում (այսինքն՝ սկսեցիր պարբերաբար արշավների հաճախել մեր թիմի հետ):

3 տարուց ավել հետևել եմ ArmGeo-ի արշավներին ու անընդհատ ինչ-ինչ պատճառներով չէի միանում: 2019-ին ArmGeo-ին միացավ եղբայրս, հետո՝ արդեն ես: Հենց առաջին արշավից էլ գլխումս հարց չի եղել՝ մասնակցե՞լ հաջորդ արշավին, թե՞ ոչ: Պատասխանը միանշանակ էր – «Այո»!

Աննա Խաչատրյան

Ի՞նչ խորհուրդ կտաս նրանց, ովքեր ուզում են, բայց դեռևս չեն համարձակվում հարմարավետության գոտուց դուրս գալ ու արշավների գնալ:

Կյանքում ամենաանմոռանալի պահերը հաճախ տեղի են ունենում, որովհետև մեզ ստիպել ենք դուրս գալ հարմարավետության գոտուց:

Եթե դու հիմա կարդում ես ու դեռ երկար մտածում ես գնալ արշավի, թե ոչ, հիշիր, որ ամեն բաց թողած արշավի հետ լիքը հիշողություններ ես բաց թողնում:

Ուզո՞ւմ ես դառնալ ակումբի անդամներից մեկը: Միացի՛ր մեր արշավներին:

Ծանոթացեք մեր ակումբի մյուս անդամների հետ.

Ռուբեն Զաքոյան

Ի՞նչ մասնագիտություն ունես և ո՞ր ոլորտում ես աշխատում:

Տնտեսագետ, բանկային ոլորտ:

Ե՞րբ և ինչպե՞ս որոշեցիր առաջին անգամ մասնակցել արշավի, ու ո՞նց անցավ քո առաջին արշավը, ի՞նչ զգացողություններ ունեիր:

Այնպես չէ, որ մի օր նստեցի և որոշեցի. արշավական ոգին իմ մեջ միշտ էլ եղել է, դեռ վաղ մանկուց միշտ երազում էի հագնել ուսապարկ և գնալ սարեր։ Առաջին գիտակցված, պատրաստված արշավը եղավ շատ տարիներ առաջ՝ Արագածի Հարավային գագաթ։ Փորձ չունեի, չէի պատկերացնում՝ ինչ է ինձ սպասվում, իսկ սպասվում էր ինձ բավականին վատ եղանակ, ոչ համապատասխան հագուստ և դժվար վերելք։ Շատ էի հոգնել և տանջվել, սակայն երբ հասա գագաթ ամեն ինչ մոռացվեց։ Այնպիսի՜ տեսարան էր՝ վայրկյանը մեկ փոխվող եղանակը, խառնարանի աննկարագրելի գույները։

Ռուբեն Զաքոյան

Արշավներին մասնակցելուց հետո ի՞նչ է փոխվել քո մեջ ու քո կյանքում:

Սկսել եմ ավելի արագ ճանաչել մարդկանց. արշավի դժվարությունների և տարբեր իրավիճակների ժամանակ միանգամից հասկանում ես՝ ով ով է։ Արշավը չի հանդուրժում եսասիրություն, էգոիզմ, անտարբերություն. արշավի ժամանակ բոլորս կարծես մի օրգանիզմ ենք, և ամեն մեկիցս է կախված մեր անվտանգությունը։

Ի՞նչ են տալիս քեզ լեռները, ի՞նչ ես փնտրում լեռներում:

Ճիշտն ասած, ոչ մի բան չեմ փնտրում, ես ուղղակի արշավում եմ:

Կա՞ մի ստեղծագործություն, որ ասոցացնո՞ւմ ես լեռների կամ արշավների հետ:

Շատ եմ սիրում «Высота» կինոնկարը:

Ռուբեն Զաքոյան

Ո՞րն է քո ամենահիշարժան ու տպավորիչ արշավը: Ինչո՞վ է այն առանձնանում:

Վստահ եմ, որ ամենատպավորիչ արշավս դեռ առջևում է. մի քանի գագաթներ կան, որ դեռ չեմ եղել։ Իսկ այս պահի դրությամբ տպավորված եմ արշավներով դեպի Սևաժայռ, Խուստուփ և Ծղուկ։

Ի՞նչ ուղղություններ կան, որ դեռևս չես հաղթահարել, բայց նպատակ ունես անել ապագայում:

Կան մի քանիսը՝ Արարատ, Կուսանաց:

Որո՞նք են այն երեք հիմնական բառերը, որոնք կարող են նկարագրել քո զգացմունքներն արշավների ընթացքում:

Ազատություն, անհոգություն, էներգիա:

Ռուբեն Զաքոյան

Ըստ քեզ՝ ովքե՞ր են արշավականները:

Իմ խոսքերը չեն՝ արշավանկաններն այն հաջողակներն են, ում բախտ է վիճակվել աշխարհին լեռների գագաթներից նայել (Անի Մոսյան):

Ինչպե՞ս հայտնվեցիր ArmGeo ակումբում (այսինքն՝ սկսեցիր պարբերաբար արշավների հաճախել մեր թիմի հետ)

ArmGeo-ում հայտնվեցի իմ լավ ընկերոջ՝ Լուսինե Արշակյանի շնորհիվ։ Առաջին անգամ գնացի արշավ դեպի Այրիքար։ Հատկանշական է, որ երկրորդ, թե երրորդ արշավից հետո հասկացա, որ «այ, սրանք իմոնք են», միանգամից ձևավորվեցին ջերմ և մտերմիկ հարաբերություններ ակումբի անդամների հետ, ինչը, ի վերջո, վերածվեց ընկերության։

Ռուբեն Զաքոյանն ու Տիգրան Վարագը

Ի՞նչ խորհուրդ կտաս նրանց, ովքեր ուզում են, բայց դեռևս չեն համարձակվում հարմարավետության գոտուց դուրս գալ ու արշավների գնալ:

Միայն մի բան՝ արշավեք և դա կփոխի ձեր կյանքը:

Ուզո՞ւմ ես դառնալ ակումբի անդամներից մեկը: Միացի՛ր մեր արշավներին:

Ծանոթացեք մեր ակումբի մյուս անդամների հետ.

Նարե Մկրտչյան

Ի՞նչ մասնագիտություն ունես և ո՞ր ոլորտում ես աշխատում:

Բանասեր եմ։ Աշխատում եմ որպես թարգմանիչ։ Դասավանդում եմ Հայ-ռուսական (Սլավոնական) համալսարանում։

Նարե Մկրտչյան

Ե՞րբ և ինչպե՞ս որոշեցիր առաջին անգամ մասնակցել արշավի, ու ո՞նց անցավ քո առաջին արշավը, ի՞նչ զգացողություններ ունեիր:

Առաջին արշավս եղել է 2011 թվականի մայիսին, Խոսրովի ջրվեժներ էինք գնացել։ Զգացողություններս անմոռանալի էին, վերջում արդեն գրեթե լացում էի ու չէի ուզում քայլել։ Դրանից հետո հասկացա, որ սա այն է, ինչ պակասում էր իմ կյանքում։

Արշավներին մասնակցելուց հետո՝ ի՞նչ է փոխվել քո մեջ ու քո կյանքում:

Ռուսաստանում եմ մեծացել ու Հայաստան գալուց հետո միշտ մոտս զգացողություն կար, որ ես եկած եմ, գուցե մի փոքր օտար, բայց որոշ ժամանակ արշավներ գնալուց հետո հասկացա, որ՝ չէ, ամբողջ Հայաստանն իմն է։

Նարե Մկրտչյան

Ի՞նչ են տալիս քեզ լեռները, ի՞նչ ես փնտրում լեռներում:

Փոքր երեխա լինելու հնարավորություն են տալիս։ Կարող ես լինել անլուրջ, անմիջական մի փոքր հիմար ու անսահման երջանիկ։

Կա՞ մի ստեղծագործություն, որ ասոցացնո՞ւմ ես լեռների կամ արշավների հետ:

Դեռ վաղ ուսանողական տարիներին, երբ արշավներ չէի գնում, բոլոր նոթատետրերիս առաջին էջում Բայրոնի այս բանաստեղծությունն էի արտագրում։ “There is a pleasure in the pathless woods, There is a rapture on the lonely shore, There is society, where none intrudes, By the deep Sea, and music in its roar: I love not Man the less, but Nature more, From these our interviews, in which I steal From all I may be, or have been before, To mingle with the Universe, and feel What I can ne’er express, yet cannot all conceal.”

Նարե Մկրտչյան

Ո՞րն է քո ամենահիշարժան ու տպավորիչ արշավը: Ինչո՞վ է այն առանձնանում:

Դժոխքի ձորի ու Նարեի ջրվեժի բացահայտումը։ Կարծում եմ՝ կարիք չկա պարզաբանելու, թե ինչու։

Ի՞նչ ուղղություններ կան, որ դեռևս չես հաղթահարել, բայց նպատակ ունես անել ապագայում:

Այս պահին երազում եմ Կուսանաց լեռան մասին։ Ունեմ նաև շատ վաղեմի երազանք՝ Կապուտան լիճը։

Նարե Մկրտչյան

Որո՞նք են այն երեք հիմնական բառերը, որոնք կարող են նկարագրել քո զգացմունքներն արշավների ընթացքում:

Դժվարանում եմ երեք բառ ընտրել:

Ըստ քեզ՝ ովքե՞ր են արշավականները:

Իմ խելքի մարդիկ:

Ինչպե՞ս հայտնվեցիր ArmGeo ակումբում (այսինքն՝ սկսեցիր պարբերաբար արշավների հաճախել մեր թիմի հետ)

Դեռ մինչև ակումբի հիմնադրումը պարբերաբար արշավում էի Տիգրանի հետ։ ArmGeo-ն էլ որ ստեղծվեց, ես արդեն ավտոմատ կերպով դրա մեջ էի։

Նարե Մկրտչյան

Ի՞նչ խորհուրդ կտաս նրանց, ովքեր ուզում են, բայց դեռևս չեն համարձակվում հարմարավետության գոտուց դուրս գալ ու արշավների գնալ:

Արշավը միայն ժամանց չէ, որ ընտրես՝ ուզում ես այսպես ժամանակդ անցկացնել, թե ուրիշ բանով զբաղվել։ Դա մի ուրիշ կյանք է, որը շատ ավելի բնական է, քան քաղաքի մեր կյանքը։ Հիմա այնպես է ստացվել, որ մեզ համար քաղաքում ապրելը սովորական է, իսկ բնության մեջ լինելու համար ինչ-որ ուժ է պետք գործադրել, համարձակություն դրսևորել։ Սա, իհարկե, իմ շատ սուբյեկտիվ կարծիքն է, բայց արշավ չեկող մարդը ինչ-որ կարևոր բան է բաց թողնում, հարուստ ու հետաքրքիր կյանքից մի մեծ հատված չի տեսնում ու չի ընկալում։ Այնպես որ, մի բան կարող եմ խորհուրդ տալ․ եկեք, տեսեք՝ ինչ է, նոր մտածեք՝ ձերն է, թե ձերը չէ։

Ուզո՞ւմ ես դառնալ ակումբի անդամներից մեկը: Միացի՛ր մեր արշավներին:

Արշավներ Հայաստանում

Օձի պորտ

Արշավներ Հայաստանում

Արշավներ Հայաստանում

Երախ լեռ

Արշավներ և Լեռնագնացություն Հայաստանում

Արշավներ և Լեռնագնացություն Հայաստանում

Ինչպե՞ս անցան ճամբարները

Ճամբարների արդյունքները

Բլոգ Հայաստանի մասին

Ի՞նչ մասնագիտություն ունես և ո՞ր ոլորտում ես աշխատում:

Ե՞րբ և ինչպե՞ս որոշեցիր առաջին անգամ մասնակցել արշավի, ու ո՞նց անցավ քո առաջին արշավը, ի՞նչ զգացողություններ ունեիր:

Արշավներին մասնակցելուց հետո՝ ի՞նչ է փոխվել քո մեջ ու քո կյանքում:

Ի՞նչ են տալիս քեզ լեռները, ի՞նչ ես փնտրում լեռներում:

Կա՞ մի ստեղծագործություն, որ ասոցացնո՞ւմ ես լեռների կամ արշավների հետ:

Ո՞րն է քո ամենահիշարժան ու տպավորիչ արշավը: Ինչո՞վ է այն առանձնանում:

Ի՞նչ ուղղություններ կան, որ դեռևս չես հաղթահարել, բայց նպատակ ունես անել ապագայում:

Որո՞նք են այն երեք հիմնական բառերը, որոնք կարող են նկարագրել քո զգացմունքներն արշավների ընթացքում:

Ըստ քեզ՝ ովքե՞ր են արշավականները:

Ինչպե՞ս հայտնվեցիր ArmGeo ակումբում (այսինքն՝ սկսեցիր պարբերաբար արշավների հաճախել մեր թիմի հետ):

Ի՞նչ խորհուրդ կտաս նրանց, ովքեր ուզում են, բայց դեռևս չեն համարձակվում հարմարավետության գոտուց դուրս գալ ու արշավների գնալ:

Ծանոթացեք մեր ակումբի մյուս անդամների հետ.

Ի՞նչ մասնագիտություն ունես և ո՞ր ոլորտում ես աշխատում:

Ե՞րբ և ինչպե՞ս որոշեցիր առաջին անգամ մասնակցել արշավի, ու ո՞նց անցավ քո առաջին արշավը, ի՞նչ զգացողություններ ունեիր:

Արշավներին մասնակցելուց հետո ի՞նչ է փոխվել քո մեջ ու քո կյանքում:

Ի՞նչ են տալիս քեզ լեռները, ի՞նչ ես փնտրում լեռներում:

Կա՞ մի ստեղծագործություն, որ ասոցացնո՞ւմ ես լեռների կամ արշավների հետ:

Ո՞րն է քո ամենահիշարժան ու տպավորիչ արշավը: Ինչո՞վ է այն առանձնանում:

Ի՞նչ ուղղություններ կան, որ դեռևս չես հաղթահարել, բայց նպատակ ունես անել ապագայում:

Որո՞նք են այն երեք հիմնական բառերը, որոնք կարող են նկարագրել քո զգացմունքներն արշավների ընթացքում:

Ըստ քեզ՝ ովքե՞ր են արշավականները:

Ինչպե՞ս հայտնվեցիր ArmGeo ակումբում (այսինքն՝ սկսեցիր պարբերաբար արշավների հաճախել մեր թիմի հետ)

Ի՞նչ խորհուրդ կտաս նրանց, ովքեր ուզում են, բայց դեռևս չեն համարձակվում հարմարավետության գոտուց դուրս գալ ու արշավների գնալ:

Ծանոթացեք մեր ակումբի մյուս անդամների հետ.

Ի՞նչ մասնագիտություն ունես և ո՞ր ոլորտում ես աշխատում:

Ե՞րբ և ինչպե՞ս որոշեցիր առաջին անգամ մասնակցել արշավի, ու ո՞նց անցավ քո առաջին արշավը, ի՞նչ զգացողություններ ունեիր:

Արշավներին մասնակցելուց հետո՝ ի՞նչ է փոխվել քո մեջ ու քո կյանքում:

Ի՞նչ են տալիս քեզ լեռները, ի՞նչ ես փնտրում լեռներում:

Կա՞ մի ստեղծագործություն, որ ասոցացնո՞ւմ ես լեռների կամ արշավների հետ:

Ո՞րն է քո ամենահիշարժան ու տպավորիչ արշավը: Ինչո՞վ է այն առանձնանում:

Ի՞նչ ուղղություններ կան, որ դեռևս չես հաղթահարել, բայց նպատակ ունես անել ապագայում:

Որո՞նք են այն երեք հիմնական բառերը, որոնք կարող են նկարագրել քո զգացմունքներն արշավների ընթացքում:

Ըստ քեզ՝ ովքե՞ր են արշավականները:

Ինչպե՞ս հայտնվեցիր ArmGeo ակումբում (այսինքն՝ սկսեցիր պարբերաբար արշավների հաճախել մեր թիմի հետ)

Ի՞նչ խորհուրդ կտաս նրանց, ովքեր ուզում են, բայց դեռևս չեն համարձակվում հարմարավետության գոտուց դուրս գալ ու արշավների գնալ:

Ծանոթացեք մեր ակումբի մյուս անդամների հետ.

armenian_geographic