Մասնագիտություն (ինչո՞վ ես զբաղվում)

Գրաֆիկ-դիզայներ եմ

Ի՞նչը ստիպեց քեզ առաջին անգամ մասնակցել արշավի, ի՞նչ էիր զգում առաջին անգամ քո “հարմարավետության գոտուց” դուրս գալուց

ժայռապատկերների հանդեպ հետաքրքրությունը ու դրանք տեսնելու ցանկությունը ստիպեցին, որ առաջին անգամ մասնակցեմ Թրասար, Ուխտասարի արշավին: Գիտեք, իրականում դուրս չէի եկել իմ հարմարավետության գոտուց (չհաշված, որ արշավական հանդերձանքս էր թերի, դաժան կարկուտ եկավ, անձրևանոց, արշավական հարմար կոշիկներ չունեի, իսկ դրանք կարևոր են, պարտադիր): Բնությունը, լեռները հարմարավետության գոտի են, այլ կերպ չի կարող լինել:

Ինչու՞ ես լեռներ բարձրանում. ի՞նչ են տալիս քեզ լեռները

Լեռներ բարձրանում եմ, քանի որ արդեն տառապում եմ ՛՛լեռնային հիվանդությամբ՛՛ :) Լեռներն անսահման էներգիա են փոխանցում, էներգիա ապրելու, էներգիա փոխվելու, էներգիա ավելի լավը դառնալու: Լեռներից տեսնում ես աշխարհը, դու հեռու ես ամեն ինչից, հեռու ես կենցաղից, առօրյայից, բայց մի ամբողջ աշխարհ քոնն է, քոնն են կադրերը, տեսարանները, գույները, տարվա բոլոր եղանակները: Լեռները սովորեցնում են կարգապահություն ու սովորեցնում են սիրել ազատությունը:

Ու՞նես սիրելի մեջբերում լեռների մասին

“The Mountains are calling and I must go” John Muir

Այս արտահայտությունը հստակ նկարագրում է իմ կիրակները:

Ու՞նես ավելի բարդ ու բարձր լեռներ նվաճելու ցանկություն

Այո, դա օրինաչափություն է՝ գերազանցել նախորդ ամենաբարձր վերելքը:

Ո՞րն է քո ամենահիշարժան արշավը և ինչո՞վ է այն հիշարժան

Եթե Մեծ Քիրսի արշավը չլիներ, էս հարցին կդժվարանայի պատասխանել: Մեծ Քիրսը (2724մ) Արցախի լեռնաշղթայի ամենաբարձր գագաթներից է ու ինձ համար ամենահզորը, ամենատպավորիչը՝ իր էներգիայով, ուժով, փոխանցած զգացումներով: Գագաթին մառախուղ էր, հետո որ բացվում էր, երևում էր Քիրսի բռունցքը, էնքան էր պարզվում, որ սկսում էի կասկածել ուղիղ 1 րոպե առաջ տեսածիս իրական լինել չլինելուն, հետո նորից մառախուղ…

Ի՞նչ խորհրդով կօգնես այն մարդկանց, ովքեր երկար ժամանակ ուզում են սկսել արշավել, բայց այդպես էլ չեն համարձակվում

Սկսեք արշավել հենց մոտակա կիրակի օրվանից, սկսեք ամենահեշտ երթուղուց, հետո ձեր կամքով եք ընտրելու ավելի բարդը: Լեռները քեզ ստիպելու են տանջվել, հաղթահարել, բայց և՛ ճանաչել, տեսնել ամենասիրունը, ամենամաքուրը:

 

Ուզու՞մ ես դառնալ ակումբի անդամներից մեկը: Միացի՛ր մեր արշավներին:

Ծանոթացեք մեր ակումբի մյուս անդամների հետ.

 

Գեղամա լեռներ

Գեղամա լեռնաշղթան գտնվում է Սևանի և Արարատյան գոգավորությունների միջև: Այն ունի հրաբխային ծագում և հարուստ է հանգած հրաբուխներով: Գեղամա լեռների միջին բարձրությունը կազմում է մոտավոր 2500 մ: Լեռնավահանի ամենաբարձր կետը Աժդահակ լեռն է (3597մ): Գեղամա լեռների ժայռապատկերները մեծաթիվ են: Այստեղ հայտնաբերվել նաև մեծ քանակությամբ քարե առեղծվածային կոթողներ, որոնց անվանում են վիշապներ կամ վիշապաքարեր: Երկրաբանների համար Գեղամա լեռնաշղթան, իր գթածոներով, դրախտ է երկրի վրա, ինչպես նաև բոլոր լեռնագնացների համար՝ իր տպավորիչ տեսարաններով և հանգած հրաբուխներով:

Ժայռապատկերներ

Գեղամա լեռների ժայռապատկերները կամ պետրոգլիֆները՝ քարերի վրա փորագրված հատուկ պատկերներ են: Պետրոգլիֆ անվանումը ծագել է հունարեն petros և glyphein բառերից, որոնք թարգմանաբար նշանակում են քար և փորել: Որոշ ժայռապատկերներ պատկերում են իրական կյանքից դրվագներ, մինչդեռ շատ ուրիշ օրինակներ պատկերում են միանգամայն վերացական երևույթներ: Որոշ տեսություններ պնդում են, որ ժայռապատկերները տեղեկատվության փոխանցման միջոց են եղել, իսկ որոշները դրանց վերագրում են կրոնական և ծիսական տարբեր նշանակություններ:

Ժայռապատկերները հանդիպում են ամբողջ աշխարհում, և մեծամասամբ կապվում են նախապատմական ժամանակաշրջանի հետ: Գեղամա լեռների տարածքում գտնվել են ավելի քան 12 000 ժայռապատկերներ: Մարդու կենցաղի գրեթե բոլոր բնագավառները պատկերված են ժայռապատկերներում: Դրանցից որոշները պատկերում են նախնադարյան մարդուն՝ որսի, կռվի ժամանակ, պարելիս կամ հողագործությամբ զբաղվելիս: Որոշ ժայռապատկերներ էլ պատկերում են նախնիների, հերոսների, տարբեր ոգիների և պտղաբերության պաշտամունքի տեսարաններ: Ժայռապատկերների վրա հաճախ կարելի է գտնել տարբեր կենդանիների՝ եղնիկների, բեզոարյան այծերի, հովազների պատկերներ:

Վիշապներ

Վիշապները կամ վիշապաքարերը յուրահատուկ քարակոթողներ են՝ բազալտե սյան վրա քանդակված տարբեր կենդանիների պատկերներով, որոնք հանդիպում են միայն ներկայիս Հայաստանի և Հայկական Լեռնաշխարհի բարձր լեռնային գոտիներում: Դրանք հիմնականում հայտնաբերվել են ծովի մակարդակից 2000-3000 մ բարձրությունների վրա: Այս քարե հուշաձանները թվագրվում են մ.թ.ա. 2-րդ հազարամյակին: Նրանք հավանաբար իրենց անունը ստացել են հին հայկական լեգենդներից, որտեղ վիշապները հսկա հրեշներ էին, որոնք ապրում էին լեռներում և ջրերի մոտակայքում: Անվանումը կարող է կապված լինել նաև քարերի վրա արված պատկերների հետ: Ամեն դեպքում Հայկական լեռնաշխարհի տարածքում հայտնի են նման կոթողների մոտ 150 օրինակ, որոնցից մոտ 100-ը Հայաստանի տարածքում:

Ըստ իրենց ձևի և պատկերագրության մենք առանձնացնում ենք վիշապաքարերի 3 հիմնական տեսակ: Առաջինը դրանք ձկնակերպ վիշապներն են: Երկրորդ դասի մոտ քարի վրա պատկերում է ցլի մորթի՝ տարածված քարի վերևի հատվածում կամ ամբողջ երկայնքով: Երրորդ տեսակն այս երկուսի համատեղումն է՝ իրենից ներկայացնում է նախորդ երկու պատկերների միախառնումը: Վիշապների մեծ մասը հանդիպում է ուղղահայաց դիրքով կանգնած, սակայն կան նաև գետնին հորիզոնական դիրքով պառկած վիշապներ: Գրեթե բոլոր վիշապների վրա պատկերներն ու փորագրությունները հանդիպում են քարի վերևի հատվածում, իսկ ստորին մասը միշտ առանց պատկերաքանդակների է: Այս փաստը հուշում է, որ վիշապաքարերը ուղղահայաց կանգնեցված քարակոթողներ են եղել:

Հայկական լեռնաշխարհի ամենաշատ վիշապները հայտնաբերվել են Գեղամա լեռներում:

Դե իսկ Հայկական լեռնաշխարհի վիշապների մասին մանրամասն կարող եք կարդալ այստեղ:

Բլոգ Հայաստանի մասին

Մասնագիտություն (ինչո՞վ ես զբաղվում)

Տուրիզմի մասնագետ եմ

Ի՞նչը ստիպեց քեզ առաջին անգամ մասնակցել արշավի, ի՞նչ էիր զգում առաջին անգամ քո «հարմարավետության գոտուց» դուրս գալուց

Ինքս ինձ ստիպեցի առաջին անգամ մասնակցել արշավի, ինքս ինձ ստիպեցի զգալ կյանքում, որ պետք է ապրել իրական կյանքով, և ուրախ եմ, որ այդ օրը՝ 2014 թվականի սեպտեմբերի 8 ին, բարձրացա Լալվար լեռը, որն ինձ համար մինչ օրս մոտիվացիայի լեռ է: Իմ “հարմարավետության գոտուց” դուրս ես զգում էի, որ ես լիարժեք ապրում եմ, ապրում եմ զուտ վայելելով կյանքը, տեսնելով և զգալով բնության ամեն մի շունչը: Ճիշտ կարգախոս ունի Armenian Geographic – ը՝ “եղիր մոտ բնությանը”: Այն ազատությունը, որ ես գտա լեռներում երբեք այլևս չի լքի ինձ: Դու անվերջ կարող ես բացահայտել Հայաստանը, պետք է պարզապես սիրել և միշտ առաջ գնալ:

Ինչո՞ւ ես լեռներ բարձրանում, ի՞նչ են տալիս քեզ լեռները

Ըստ իս լեռներ կարող են բարձրանալ բոլորը, բայց ոչ բոլորը կարող են ապրել լեռներով: Գալիս է մի պահ, որ արդեն լեռերն են քեզ ձգում դեպի իրենց: Երբ հաղթահարում ես առաջին լեռդ, քեզանից անկախ, ուզում ես բարձրանալ հաջորդը և այդպես շարունակ բացահայտում ես քո մեջ, որ դու դարձել ես լեռների գերին, և միայն լեռներն են, որ առաջինն են տեսնում բոլոր եղանակների սկիզբն ու ավարտը և դա ակամայից գրավում է քեզ: Լեռները ինձ տալիս են նոր մտքեր, նոր զգացումներ, տալիս են նորովի ինձ ճանաչելու հնարավորություն: Գագաթ հասնելը ինձ համար մի նոր էջի բացահայտում է, այդպես ես ձգտում եմ հասնել նոր կատարելության: Լեռներում տեսնում ես անմեղ կենդանիների, գյուղացիների ու մանուկների անջնջելի դեմքեր, ամեն անգամ նոր լեռ բարձրանալիս դու ոչ միայն բացահայտում ես այդ լեռը այլ նաև բացահայտում ես այդ տարածաշրջանի կյանքը:

Ունե՞ս սիրելի մեջբերում լեռների մասին

Այս խոսքերը միշտ հիշում եմ իմ շատ լավ արշավական ընկերոջ՝  Հրաչ Իվանյանի շնորհիվ.

Իսկ եթե հոգնեն ոտքերդ, դու հանկարծ չհանձնվես,

Քո անցած ճանապարհները վերևից դու կտեսնես…

Ունե՞ս ավելի բարդ ու բարձր լեռներ նվաճելու ցանկություն

Այո, հույս ունեմ, որ 2018 թ.- ին արդեն կիրականացնեմ այդ ցանկություններս:

Ո՞րն է քո ամենահիշարժան արշավը և ինչո՞վ է այն հիշարժան

Ինձ համար բոլոր արշավներն էլ հիշարժան են: Հիմանակնում կարող եմ առանձնացնել գիշերակացով արշավները: Անսահման շատ եմ սիրում, երբ բոլոր արշավակններով հավաքվում ենք խարույկի շուրջ և սկսում լսել մեկս մյուսի անվերջանալի հիշարժան դեպքերը, որոնք հիմանականում կապված են լինում մեր մյուս արշավների հետ: Հիշարժան են մարդկանցով, որոնք ուղղակի ընկերներ չեն, նրանք ավելին են, նրանք զուտ կատարյալ են ինձ համար: Նրանց շնորհիվ ես դու այդ պահերին այդքան ազատ ու այդքան թեթև, ժպիտը միշտ անպակաս է երբ կան նրանք:

Ի՞նչ խորհրդով կօգնես այն մարդկանց, ովքեր երկար ժամանակ ուզում են սկսել արշավել, բայց այդպես էլ չեն համարձակվում

Միշտ դժվարն առաջին քայլն է, բայց երբ գիտես, թե ուր ես գնում և ինչի համար, արժի ռիսկի դիմել: Հիշե՛ք, որ ձեր կյանքը փոխվելու է 360 աստիճանով, որ դուք զգալու և տեսնելու եք անտեսանելին: Այն, ինչ քաղաքում չես տեսնում տեսնելու ես լեռներում, որտեղ նույնիսկ քամին գույն ունի: Եվ այդպիսով բացահայտելու եք անվերջ բացահայտվող Ձեր իսկ երկիրը:

 

Ուզու՞մ ես դառնալ ակումբի անդամներից մեկը: Միացի՛ր մեր արշավներին:

Ծանոթացեք մեր ակումբի մյուս անդամների հետ.

ArmGeo-ի արշավներին մասնակցելու մի շարք առավելություններն են՝

1. Մասնագիտացված ենք արշավների և լեռնագնացության բնագավառում:
2. Արդեն իսկ կազմակերպել ենք ավելի քան 3 000 քայլարշավ Հայաստանում, Վրաստանում, Արևմտյան Հայաստանում և մի շարք այլ երկրներում:
3. Կազմակերպում ենք 5000+ վերելքներ, որոնցից են՝ Արարատը, Էլբրուսը, Կազբեկը, Դեմավենդը և Կիլիմանջարոն։ Բարձրալեռնային արշավներ ենք կազմակերպում նաև Նեպալում, դեպի՝ Էվերեստի բազային ճամբար։
4. Մեր արշավներին տարեկան մասնակցում է ավելի քան 5 000 արշավական:
5. Խումբը ղեկավարում են միայն փորձառու լեռնային ուղեկցորդներ, որոնք անցնում են հավելյալ նախապատրաստություն մեր կողմից կազմակերպվող արշավային ուղեկցորդների պատրաստման դասընթացների շրջանակում։
6. Կարևորելով խմբի անվնտանգությունը և արշավի ճիշտ կազմակերպումը՝ մեր խմբերում միշտ լինում է հետնապահ։
7. Մեր արշավների յուրահատկությունը կայանում է նաև նրանում, որ հաճախ ենք ունենում էքսպեդիցիոն արշավներ դեպի անհայտ վայրեր, որոնց մասին ոչ մի տեղեկություն չկա:
8. Բարձրացել ենք Հայաստանի բոլոր լեռնաշղթաների ամենաբարձր գագաթները, որն ընթացքում վերածվել է «Մերն է» նախագծի։
9. Տարածում ենք Հայաստանի տեղանունների միայն հայկական անվանումները, դուրս մղելով նախկինում օգտագործվող օտարները:
10. Առավոտյան ուշացողներին չենք սպասում՝ այդպիսով կարևորելով արշավային կարգապահությունը։
11. Մենք ունենք արշավային ստանդարտներ, որոնց հետևելը օգնում է Ձեզ արշավներին ավելի հեշտ մասնակցելու հարցում:
12. Կազմակերպում ենք սեմինարներ և վեբինարներ ուսուցողական նպատակով:
13. Մեր արշավները մարդկանց աճելու տեղ են տալիս՝ թեթև արշավներից մինչև մեծ բարձունքներ:
14. Լեռնային արահետների վրա քայլում ենք շարքով:
15. Խմբի անդամների մեծ մասը փորձառու արշավականներ են, որոնք ցանկացած պահի պատրաստ են կիսվել իրենց փորձով և իրենց օգնությունը առաջարկել սկսնակ արշավականներին:

Մեր արշավների ժամանակացույցին ծանոթանալու համար անցեք հետևյալ հղումով – Արշավներ։

Կարդացեք նաև՝

Ճանապարհորդելն ուղղակի զբաղմունք չէ: Իսկ երբ սկսում ես իրականացնել քայլարշավներ Հայաստանում, պարզապես հասկանում ես, որ այն դրաձել է ապրելակերպ: Ամեն արշավից հետո սկսում ես սպասել հաջորդ արշավին և հասկանում ես, որ չես պատկերացնում կյանքդ առանց արշավների, ճանապարհորդությունների, բացահայտումների, սուր զգացողությունների, լավ ընկերների և նոր ծանոթությունների: Արշավի դրական կողմերը երկար կարելի է թվարկել, բայց… ամեն ինչ կախված է թե ում հետ ես գնում արշավ:

Իսկական արշավը դեպի սարերն ի վեր, գետերն ի վար արշավական գույք ու հանդերձանքով, լավ ընկերներով և լավ ղեկավարով ուղղակի ակտիվ հանգիստ է, որից հաճույք ես ստանում: Լավ և ճիշտ դասավորված ուսապարկը ծանր չի լինում, իսկ օրական անցնել 10-15 կմ, այն էլ մի քանի տեղ հանգստանալով, ասել-խոսելով, հետաքրքիր պատմություններով, ամենևին դժվար չի: Կունենա քո արշավական ուղին շարունակություն, թե կվերջանա առաջին արշավով՝ թողնելով վատ հուշեր տանջալի արշավից, կախված է նրանից թե ում հետ ես գնում արշավ և որքանով ես դու պատրաստ այդ արշավին:

Սկսել պետք է նրանց հետ՝ ովքեր արդեն փորձ ունեն, ովքեր սիրում են ճանապարհորդել և միայն այնտեղ որտեղ իրոք կարելի է:

Մեր նպատակն է արշավների միջոցով մարդ-բնություն փոխհարաբերությունում մարդու ճիշտ գործելու, իր դերի գիտակցման և համապատասխան վերաբերմունքի դաստիարակությունը:

Մենք սիրում ենք ճանապարհորդել, բացահայտել բնության հրաշքները, շփվել տեղացիների հետ:

Մենք կախված չենք տուրիստական շուկայից, ճանապարհորդելը մեր ապրելաոճն է:

Եթե ձեզ տեսնում եք մեր շարքերում և ցանկություն ունեք մեզ հետ ճանապարհորդելու միացեք:

Քայլարշավներ Հայաստանում

Մենք ամեն շաբաթ և կիրակի կազմակերպում ենք քայլարշավներ Հայաստանում: Զանգահարիր 043 00 51 65 հեռախոսահամարով և մենք կօգնենք կողմնորոշվել արշավի ընտրության հարցում: Մեր առաջիկա արշավներին ծանոթանալու համար անցեք հետևյալ հղումով  – Արշավներ

Բլոգ Հայաստանի մասին