Եթե ուզում ես հայտվել Վայոցձորյան դրախտում, ուրեմն միացիր մեր արշավին դեպի Քարկատարի լեռներ՝ Դրախտիսար և Գոմադրունք գագաթներ։

Արշավը սկսելու ենք Ռինդ գյուղից։ Օրվա սկզբում կբարձրանանք դեպի Ռինդի վիմափոր եկեղեցի, որը յուրահատուկ կառույց է՝ փորված դժվարամատչելի ժայռի մեջ։ Եկեղեցու կառուցման ստույգ թվականը հայտնի չէ, սակայն ենթադրաբար այն կառուցվել է վաղ միջնադարում։  Եկեղեցին ուսումնասիրելուց հետո ճանապարհը կշարունակենք դեպքի Գոմադրունք լեռ (2149 մ): Այնուհետև կբարձրանանք Դրախտիսար (2209 մ)։

Արշավը բարդ է, և կարող են մասնակցել միայն արշավային փորձ ունեցող մարդիկ։

Երթուղու երկարությունը ՝ 18 կմ
Հարաբերական բարձրությունը՝ 1000 մ

Պատրաստվեք կյանքի ամենահիշարժան ուղևորություններից մեկին՝ դեպի Հնդկաստան։ Սա կատարյալ հնարավորություն է նրանց համար, ովքեր ցանկանում են մի պահ կտրվել առօրյա եռուզեռից, ծանոթանալ աշխարհի հնագույն մշակույթներից մեկին, ստանալ դրական էմոցիաներ և ձեռք բերել հսկայական հոգևոր փորձառություն:

Ճամփորդության հիմնական մասը կանցկացնենք Հնդկաստանի ամենասուրբ քաղաքներից մեկում՝ Շրի Կրիշնայի ծննդավայր Վրինդավանում, որտեղ կայցելենք տարբեր սրբավայրեր և կծանոթանանք Հնդկական հին մշակույթին, զգալով քաղաքի կախարդական մթնոլորտը։ Այնուհետև ուղղություն կբռնենք դեպի Ագրա, որտեղ կտեսնենք սեր և հավերժություն խորհրդանշող հրաշագեղ Թաջ Մահալ տաճարը։

Ճանապարհորդության ավարտը կլինի Դելիում, որտեղ կհանդիպենք Հնդկաստանի անցյալի ու ներկայի զարմանալի միաձուլմանը՝ հինավուրց տաճարներից մինչև աշխույժ շուկաներ։ Եթե հետաքրքրեց`շտապեք ամրագրել ձեր տեղը։

Ճամփորդության ծրագիրն ըստ օրերի՝

Օր 1։ Թռիչք դեպի Հնդկաստան (Դելի)

Կհանդիպենք Զվարթնոց օդանավակայանում և միասին կմեկնենք Հնդկաստան։

Օր 2: Դելի – Ակշերդամ տաճար – Լոդհի այգի

Ճամփորդությունը սկսվում է Դելիում, որտեղ վայրէջքից հետո տեղավորվում ենք հարմարավետ հյուրանոցում: Կայցելենք Ակշերդամ տաճար, ամենաերիտասարդ, սակայն միևնույն ժամանակ վեհ հուշարձան, որը նվիրված է հինդուական և հնդկական հոգևորությանը ու մշակույթին։

Ապա կայցելենք Լոդհի այգի, որտեղ կարելի է տեսնել հին դամբարաններ և ավերակներ։ Այգին իսկական կանաչ օազիս է՝ լի հանգստությամբ և խաղաղությամբ, հիանալի վայր՝ հանգստանալու և շունչ առնելու հենց Հնդկաստանի մայրաքաղաքում։

Օր 3։ Գուրուդվարա տաճար – Լոտուս տաճար – Վրինդավան

Օր 6: Թաջ Մահալ

Այցելելու ենք Թաջ Մահալ: Թաջ Մահալը Հնդկաստանի Ագրա քաղաքում գտնվող մարմարե մահմեդական դամբարան է, որը համարում են աշխարհի ութերորդ հրաշալիք: Բառը ստուգաբանվում է հետևյալ կերպ. «Թաջ» նշանակում է «թագ», իսկ «մահալ»` «արքունիք»: Այն շատ յուրահատուկ և շքեղ ճարտարապետական կառույց է:

Շինարարական աշխատանքներին մասնակցում էին ավելի քան 20 հազար մարդ, որոնց թվում էին Պարսկաստանից, Հնդկաստանից, Վենետիկից, Սամարղանդից հրավիրված լավագույն շինարարներ եւ ճարտարապետներ: Սակայն միայն ճարտարապետական կատարելությունը չէ, որ գրավում է տարբեր երկրներից այստեղ ժամանած միլիոնավոր մարդկանց: Նրանց վրա մեծ ազդեցություն է թողնում նաև Թաջ Մահալի ստեղծման պատմությունը, մի պատմություն, որն ավելի շատ նման է արևելյան հեքիաթի:

Կայցելենք նաև Ագրայի Կարմիր ամրոց:

Օր 7։ Գովարդհանա սրբազան լեռ

Մեր ճամփորդության կարևորագույն մասերից մեկը կլինի Գովարդհանա սրբազան լեռը: Ըստ հինդու սուրբ գրությունների, Տեր Կրիշնան բարձրացրեց Գովարդհան լեռը իր ճկույթով՝ պաշտպանելու բնակիչներին Ինդրա աստծո բարկությունից և անձրևից: Այս դրվագը հայտնի է որպես Գովարդհան լիլա:

Լեռը շրջապատված է բազմաթիվ տաճարներով և սրբավայրերով: Հավատացյալները կատարում են Գովարդհան պարիկրամա՝ լեռան շուրջ 21 կմ երկարությամբ շրջապտույտ: Այս ուխտագնացությունը համարվում է խորապես հոգևոր փորձառություն:

 

Հրավիրում ենք ձեզ եռօրյա ճամփորդության, որը նվիրված է հայկական մշակութային ժառանգության ինքնատիպ ու քիչ հայտնի կոթողների բացահայտմանը։ Այս ուղևորությունը ստեղծված է հատկապես նրանց համար, ովքեր արդեն հասցրել են լինել Արևմտյան Հայաստանում և այժմ փնտրում են նոր հորիզոններ ու չբացահայտված էջեր։ Եթե դուք ցանկանում եք դուրս գալ ավանդական զբոսաշրջային երթուղիներից և ավելի մոտիկից հաղորդակից դառնալ մեր պատմական հայրենիքի մշակութային այլընտրանքային ու եզակի կոթողներին, ապա այս ծրագիրը հենց ձեզ համար է։

Օր 1․ Ուղևորություն դեպի պատմական անցյալ. Ջիվանուց մինչև Կարս

• Ջիվանու տուն-թանգարան 
• Սատանայի ամրոց 
• Արդահանի բերդ 
• Բանակի տաճար

Մեր ճանապարհորդության առաջին կանգառը հյուրընկալ Կարծախ գյուղն է, որտեղ մեզ կդիմավորի մեծանուն աշուղ և ժողովրդական երգիչ Ջիվանու (Սերովբե Լևոնյան) տուն-թանգարանը։ Լինելով հայ աշուղական դպրոցի ամենավառ ներկայացուցիչներից մեկը՝ Ջիվանին մեզ է թողել 1200 երգի և շուրջ 6000 բանաստեղծության անգնահատելի ժառանգություն։

Մեր հաջորդ ուղղությունը Սատանայի ամրոցն է։ Այս ամրոցի տեղադիրքն ու կառուցվածքը զարմացնում են ցանկացած այցելուի։ Ամրոց հասնելու համար կիրականացնենք ընդհանուր 4 կմ երկարությամբ քայլարշավ: Այնուհետև կուղևորվենք Արդահան՝ տեսնելու Արդահանի բերդը։ Ամրոցի պարիսպներից բացվում է գեղեցիկ տեսարան դեպի Կուր գետը։ Մեր ճամփորդության հաջորդ կանգառը կլինի հայկական ճարտարապետության բացառիկ գոհարներից մեկը՝ Բանակի տաճարը։ Այն կառուցված է հռչակավոր Զվարթնոցի հորինվածքով և հիացնում է իր ճարտարապետական լուծումներով։

Գիշերակացը՝ Կարսում։

Օր 2․ Բացահայտումներ Կարսից մինչև Կաղզվանի ժայռափոր գաղտնիքները

• Կարսի գմբեթավոր եկեղեցի
• Սուրբ Աստվածածին եկեղեցի (Կաղզվան)
• Ծառաքարի ժայռափոր վանք
• Կարս (Կարսի Սուրբ Առաքելոց եկեղեցի, Կարուց բերդ, Վարդանի կամուրջ, Կարսագետ, պտույտ երեկոյան քաղաքով)

Մեր ճանապարհորդության երկրորդ օրը խոստանում է լինել էլ ավելի տպավորիչ ու բացահայտումներով լի։

Օրը կսկսենք Կարսի գմբեթավոր եկեղեցու այցելությամբ։ Չնայած իր խոնարհված վիճակին՝ տաճարն առանձնահատուկ հմայք ունի։ Պահպանված նրբակերտ քանդակներն ու ճարտարապետական լուծումները թույլ են տալիս պատկերացնել երբեմնի հզորությունն ու գեղեցկությունը՝ անտարբեր չթողնելով ոչ մի այցելուի։

Այնուհետև կուղևորվենք դեպի պատմական Կաղզվան, որտեղ մեզ սպասում է Եղեգնամոր Սուրբ Աստվածածին եկեղեցին։ Այն տարածաշրջանի համեմատաբար լավ պահպանված սրբավայրերից է և իր խաղաղ ու վեհ տեսքով անկրկնելի հոգևոր տպավորություններ է պարգևում։

Օրվա գլխավոր բացահայտումը կլինի Ծառաքարի ժայռափոր վանքը՝ Միջնադարյան Հայաստանի երբեմնի հռչակավոր, բայց այժմ մոռացության մատնված վանական համալիրներից մեկը։ Իր ժայռափոր կառուցվածքով այն զարմանալիորեն հիշեցնում է Գեղարդի վանքը։ Այսօր կանգուն են մնացել հենց ժայռերի մեջ փորված հատվածները, որոնք դիմացել են դարերի փորձությանը։ Վանք հասնելու համար մեզ սպասում է ընդհանուր 4 կմ երկարությամբ քայլարշավ։

Օրն ամփոփելու ենք Կարսում։ Կբարձրանանք Կարսի բերդ, կայցելենք Սբ. Առաքելոց եկեղեցի և կզբոսնենք քաղաքի հին փողոցներով։ Կարսն իր ինքնատիպ սև տուֆից կառուցված շենքերով և մթնոլորտով անմիջապես կհիշեցնի մեզ հարազատ Գյումրին՝ ստեղծելով ջերմ ու հարազատ զգացողություններ։

Գիշերակացը՝ Կարսում։

Օր 3․ Պատմական սրբավայրեր

• Խծկոնքի վանք
• Բագնայրի վանք
• Կարմիրվանք Սբ․ Աստվածածին եկեղեցի
• Եզնկայի Սբ․ Աստվածածին եկեղեցի
• Ծովակն Հյուսիսո լիճ

Այս օրվա առաջին կանգառը կլինի Միջնադարյան Հայաստանի ամենատպավորիչ հոգևոր կենտրոններից մեկը՝ Խծկոնքի վանքը։ Համալիրը բաղկացած էր հինգ եկեղեցիներից, որոնցից կանգուն է մնացել միայն՝ Սուրբ Սարգիսը։ Վանքը շրջապատված է ժայռերով և խորդուբորդ կիրճերով, ինչը ստեղծում է անառիկության և խորհրդավորության մթնոլորտ։ Վանք հասնելու համար կիրականացնենք ընդհանուր 5 կմ երկարությամբ քայլարշավ, որի ժամանակ կվայելենք բնության գեղեցկությունը։

Այնուհետև կուղևորվենք տեսնելու Բագնայրի հոյակերտ վանական համալիրը։ Ըստ 11-րդ դարի պատմիչ Ստեփանոս Ասողիկի՝ վանքը հիմնադրել է Վահրամ Պահլավունին 989 թվականին։ Մինչև 1040-ական թվականներն այն հանդիսացել է տարածաշրջանի նշանավոր կրոնական ու մշակութային կենտրոններից մեկը։ Կայցելենք նաև Կարմիրվանք, որն իր անվանը համահունչ աչքի է ընկնում նրբագեղ ճարտարապետությամբ և առանձնահատուկ գեղեցկությամբ։ Մեր մշակութային ուղին կանցնի Եզնակ գյուղով, որտեղ մեզ սպասում է Սբ. Աստվածածին խոնարհված եկեղեցին։

Ճանապարհորդության գեղեցիկ ավարտը կազդարարենք Հայկական լեռնաշխարհի հրաշալիքներից մեկի՝ Ծովակն Հյուսիսոյի ափին։ Այն Հայկական լեռնաշխարհի երկրորդ ամենամեծ քաղցրահամ լիճն է։

Լճի ափին հանգստանալուց հետո կուղևորվենք Երևան։

Խմբի գիդ-ուղեկցորդը լինելու է Քրիստ Պողոսյանը։

Հանդիպման ժամը՝ 05։00
Հանդիպման վայր՝ Մատենադարան

Մասնակցության արժեքը` 145 000 դրամ

Արժեքն իր մեջ ներառում է՝

• Տրանսպորտը
• Գիդի ծառայությունը
• Գիշերակացերը հյուրանոցում (ներառյալ նախաճաշը)

Արժեքի մեջ ներառված չէ՝

• Ճաշը և ընթրիքը
• Պարտադիր ապահովագրություն Վրաստան մուտքի համար
• Վիզայի արժեքը (ՀՀ քաղաքացիների համար մոտ 17 000 դրամ)
• Ջիվանու թանգարանի մուտքավճարը՝ 3 լարի

Գրանցվելուց հետո կարող եք հրաժարվել մինչև մայիսի 25-ը։ Այնուհետև հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ

Խնդրում ենք առնվազն 10 րոպե շուտ լինել հանդիպման վայրում։ Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

ArmGeo Global

Իրականացնելու ենք վերելք Դեմավենդ (5610 մ)՝ Ասիայի ամենաբարձր հրաբուխը։ Դեմավենդն ընդգրկված է «7 հրաբուխ» նախագծում, որի շրջանակներում պատրաստվում ենք բարձրանալ աշխարհի բոլոր աշխարհամասերի ամենաբարձր հրաբուխները։

Օր 1։ Թեհրան

Թռիչք դեպի Թեհրան։ Հանդիպում հյուրանոցում և երեկոյան զբոսանք Թեհրանում։

Օր 2։ Փուլուր – 4200 ճամբար

Հյուրանոցից առավոտյան կուղևորվենք Դեմավենդի ստորոտ, որտեղից ամենագնաց մեքենաներով կբարձրանանք մինչև 3200 և կսկսենք վերելքը դեպի առաջին ճամբար, որը գտնվում է 4200 մետր բարձրության վրա։

Բոլոր ծանր իրերը տեղափոխվում են ձիերով։

Օր 3։ Կլիմայավարժեցում

Օրվա երկրորդ կեսին կիրականացնենք վերելք մոտ 400 մետր և նորից կվերադառնանք ճամբար, որպեսզի օրգանիզմն ադապտացվի բարձրությանը։

Օր 4։ Վերելք Դեմավենդի գագաթ

Գիշերը սկսում ենք վերելքը դեպի գագաթ։ Բարձրանալու ենք 1400 մետր։

Վերելքից հետո վերադառնում ենք ճամբար։

Գիշերակաց ճամբարում։

Օր 5։ Վերադարձ Թեհրան

Առավոտյան հավաքում ենք իրերը և իջնում լեռան ստորոտ, որտեղից էլ ամենագնաց մեքենաները մեզ կհասցնեն Փուլուր։

Փուլուրից հետո կուղևորվենք Թեհրան։

Գիշերակացը հյուրանոցում։

Օր 6։ Թեհրան-Երևան թռիչք

Վերադարձ Երևան։

Մասնակցության արժեքը` 750 $ (համարժեք դրամ)

Արժեքի մեջ ներառված է՝

Ուղեկցորդների ծառայություն
Տրանսպորտ
Ամենագնաց մեքենաներ
Ձիերի վարձակալություն
Հյուրանոց
Նախաճաշ հյուրանոցում
Վրանների վարձակալություն

Արժեքի մեջ ներառված չէ՝

Վերելքի թույլտվության գումար (մեկ անձը 50 դոլլար)
Ավիատոմսեր
Քնապարկ և ներքնակ
Սնունդ

ՀՀ քաղաքացիներին վիզա պետք չէ։

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ